'ರಾಬರ್ಟ್' ಫಸ್ಟ್ ಲುಕ್ ಆರ್ಭಟ: ಇಲ್ಲೂ ಇದೆ ಆ 'ಸಾಮಾನ್ಯ ಅಂಶ'

'ಬಾಸ್' ಬಿಡದ ಡೈರೆಕ್ಟರ್

ದರ್ಶನ್ ಅವರ ಚಿತ್ರಗಳ ಟೀಸರ್ ನಲ್ಲಿ ಬಾಸ್ ಅಥವಾ ಡಿ ಬಾಸ್ ಎನ್ನುವ ಹೆಸರು ಸಾಮಾನ್ಯವಾಗಿ ಕಂಡುಬರುತ್ತೆ. ಇದು ಅಭಿಮಾನಿಗಳಿಗೂ ಖುಷಿ ಕೊಡುತ್ತೆ. ಈಗ ರಾಬರ್ಟ್ ಚಿತ್ರದ ಮೋಷನ್ ಪೋಸ್ಟರ್ ನಲ್ಲೂ ಜೀಪ್ ಗೆ ಕಾರು ನಂಬರ್ ಬದಲು ಬಾಸ್ ಎಂದು ಬರೆಯಲಾಗಿದೆ.

ಯಜಮಾನ ಟ್ರೈಲರ್ನಲ್ಲೂ ಇತ್ತು

ಈ ಹಿಂದೆ ತೆರೆಕಂಡಿದ್ದ ಯಜಮಾನ ಚಿತ್ರದಲ್ಲೂ ಈ ಬಾಸ್ ಸದ್ದು ಮಾಡಿತ್ತು. ಟ್ರೈಲರ್ ನಲ್ಲಿ ದರ್ಶನ್ ಇಂಟ್ರೊಡಕ್ಷನ್ ಗೂ ಮುಂಚೆ ಆಕಾಸದಲ್ಲಿ ಮೂಡುವ ಸಿಡಿಲಿನಲ್ಲಿ ಬಾಸ್ ಎಂದು ಬಂದು ಹೋಗುತ್ತೆ. ಇದು ದರ್ಶನ್ ಚಿತ್ರಗಳಲ್ಲಿ ಸಹಜವಾಗಿ ಕಂಡು ಬರುತ್ತಿದೆ. ಇದರಿಂದ ಅಭಿಮಾನಿಗಳಲ್ಲೂ ಜೋಶ್ ಹೆಚ್ಚುತ್ತಿದೆ ಎನ್ನಲಾಗುತ್ತಿದೆ.

ಆಶಾ ಭಟ್ ನಂತರ 'ರಾಬರ್ಟ್' ಟೀಮ್ ಗೆ ಬಂದ ಮತ್ತೊಬ್ಬ ಚೆಲುವೆ

ವಾರಾಣಸಿಯಲ್ಲಿ ರಾಬರ್ಟ್

ರಾಬರ್ಟ್ ಚಿತ್ರದ ಬಹುತೇಕ ಶೂಟಿಂಗ್ ಮುಗಿಸಿರುವ ಚಿತ್ರತಂಡ ಸದ್ಯ ಉತ್ತರ ಪ್ರದೇಶದ ವಾರಾಣಸಿಯಲ್ಲಿ ಬೀಡುಬಿಟ್ಟಿದೆ. ಚಿತ್ರದ ಪ್ರಮುಖ ದೃಶ್ಯಗಳ ಚಿತ್ರೀಕರಣಕ್ಕಾಗಿ ಭಾರತದ ಐತಿಹಾಸಿಕ ಸ್ಥಳಗಳಲ್ಲಿ ಒಂದಾಗಿರುವ ಪುಣ್ಯಕ್ಷೇತ್ರಕ್ಕೆ ಭೇಟಿ ನೀಡಿದ್ದಾರೆ. ಇತ್ತೀಚಿಗಷ್ಟೆ ಈ ಫೋಟೋವನ್ನು ತರುಣ್ ಸುಧೀರ್ ಪೋಸ್ಟ್ ಮಾಡಿದ್ದರು.

ಯಾವಾಗ ರಾಬರ್ಟ್?

ಹೆಬ್ಬುಲಿ ನಿರ್ಮಿಸಿದ್ದ ಉಮಾಪತಿ ಶ್ರೀನಿವಾಸ ಗೌಡ ಈ ಚಿತ್ರ ನಿರ್ಮಿಸುತ್ತಿದ್ದು, ಅರ್ಜುನ್ ಜನ್ಯ ಸಂಗೀತ ನೀಡಿದ್ದಾರೆ. ವಿನೋದ್ ಪ್ರಭಾಕರ್, ಆಶಾ ಭಟ್, ಜಗಪತಿ ಬಾಬು, ರವಿ ಕಿಶನ್ ಈ ಚಿತ್ರದಲ್ಲಿ ನಟಿಸುತ್ತಿದ್ದು, 2020ರ ಫಸ್ಟ್ ಹಾಫ್ ನಲ್ಲಿ ಈ ಸಿನಿಮಾ ನಿರೀಕ್ಷಿಸಬಹುದು.