ಇಂದು ಸಂಜೆ 'ರಾಬರ್ಟ್' ಹೀರೋಯಿನ್ ಘೋಷಣೆ: ರೇಸ್ ನಲ್ಲಿ ಯಾರಿದ್ದಾರೆ?

ಮೆಹರೀನ್ ಪಿರ್ಜಾದಾ ಪಕ್ಕಾ.!

ರಾಬರ್ಟ್ ಚಿತ್ರಕ್ಕಾಗಿ ಪರಭಾಷೆ ತಾರೆಯೊಬ್ಬರು ಕನ್ನಡಕ್ಕೆ ಬರುತ್ತಿದ್ದಾರೆ ಎಂದೇ ಹೇಳಲಾಗುತ್ತಿದೆ. ಈ ಪಟ್ಟಿಯಲ್ಲಿ ಬರುವ ಮೊದಲ ಹೆಸರು ಮೆಹರೀನ್ ಪಿರ್ಜಾದಾ. ಮೂಲಗಳ ಪ್ರಕಾರ, ಮೆಹರೀನ್ ನಾಯಕಿಯಾಗುವುದು ಬಹುತೇಕ ಖಚಿತ ಎನ್ನಲಾಗಿದೆ.

ಮೆಹರೀನ್ ಬಿಟ್ಟರೆ ಯಾರು?

ಕೊನೆ ಘಳಿಗೆಯಲ್ಲಿ ಮೆಹರೀನ್ ಬಿಟ್ಟು ಬೇರೆ ಯಾರಾದರೂ ಆ ಜಾಗಕ್ಕೆ ಬಂದರೆ ಎಂಬ ಪ್ರಶ್ನೆಯೂ ಕಾಡುತ್ತಿದೆ. ಹಾಗ್ನೋಡಿದ್ರೆ, ಕೀರ್ತಿ ಸುರೇಶ್ ಅವರ ಹೆಸರು ಈ ಪಟ್ಟಿಯಲ್ಲಿ ಬರಬಹುದು. ಯಾಕಂದ್ರೆ ಕೀರ್ತಿ ಕನ್ನಡಕ್ಕೆ ಬರ್ತಾರೆ ಎಂಬ ವಿಷಯ ಈಗಾಗಲೇ ಸದ್ದು ಮಾಡಿದೆ. ಇದೇ ಚಿತ್ರಕ್ಕೆ ಯಾಕೆ ಆಗಿರಬಹುದು.

ಕನ್ನಡ ನಟಿಯರು ಅನುಮಾನ

'ರಾಬರ್ಟ್' ಚಿತ್ರಕ್ಕೆ ಕನ್ನಡ ನಟಿ ಆಯ್ಕೆಯಾಗುವುದು ಬಹುತೇಕ ಅನುಮಾನ ಎಂಬ ಸುದ್ದಿ ಹರಿದಾಡಿದೆ. ಸ್ಯಾಂಡಲ್ ವುಡ್ ಸ್ಟಾರ್ ನಟಿಯರ ಪೈಕಿ ಹೆಚ್ಚಿನ ಹೀರೋಯಿನ್ ಗಳು ಈಗಾಗಲೇ ಸ್ಕ್ರೀನ್ ಶೇರ್ ಮಾಡಿದ್ದಾರೆ. ಹಾಗಾಗಿ, ಫ್ರೆಶ್ ಪೇರ್ ಮೂಲಕ ಪ್ರೇಕ್ಷಕರೆದುರು ಬರಲು ಚಿತ್ರತಂಡ ತೀರ್ಮಾನಿಸಿದೆ.

ಹೊಸ ನಟಿ ಬಂದ್ರೆ?

ಈ ಎಲ್ಲಾ ಸಾಧ್ಯತೆಗಳಿಗೆ ಅಚ್ಚರಿ ನೀಡುವಂತೆ ಹೊಸ ಕಲಾವಿದೆಯನ್ನ ಕರೆತಂದರೆ ಎಂಬ ಆಯ್ಕೆಯೂ ಇದೆ. ಹೌದು, ಈಗಾಗಲೇ 'ಒಡೆಯ' ಚಿತ್ರದಲ್ಲಿ ದರ್ಶನ್ ಗೆ ನಾಯಕಿಯಾಗಿ ಹೊಸ ಹುಡುಗಿ ನಟಿಸಿದ್ದಾರೆ. ರಾಬರ್ಟ್ ಚಿತ್ರಕ್ಕೂ ಪ್ರಯತ್ನ ಮಾಡೋಣ ಎಂದು ಹೊಸ ಕಲಾವಿದೆಯನ್ನ ಆಯ್ಕೆ ಮಾಡಿದ್ರೂ ಮಾಡಬಹುದು. ಇದಕ್ಕೆಲ್ಲ ಸಂಜೆ 4.02 ಗಂಟೆಗೆ ಉತ್ತರ ಸಿಗಲಿದೆ.