'ರಾಬರ್ಟ್' ಸಿನಿಮಾದ ರಿಲೀಸ್ ಪ್ಲಾನ್ ರೆಡಿಯಾಗಿದೆ

2020ರ ಬೇಸಿಗೆಗೆ ರಿಲೀಸ್

'ರಾಬರ್ಟ್' ಸಿನಿಮಾ ಮುಂದಿನ ವರ್ಷ ಬೇಸಿಗೆ ವೇಳೆಗೆ ಬಿಡುಗಡೆಯಾಗಲಿದೆ. 2020ಕ್ಕೆ ಚಿತ್ರವನ್ನು ತೆರೆಗೆ ತರುವ ಪ್ಲಾನ್ ಹೊಂದಿದ್ದು, ಏಪ್ರಿಲ್ 19 ರಿಂದ ಶೂಟಿಂಗ್ ಶುರು ಆಗುತ್ತಿದೆ. ಚುನಾವಣಾ ಪ್ರಚಾರಗಳ ಬಳಿಕ ದರ್ಶನ್ ಚಿತ್ರೀಕರಣದಲ್ಲಿ ಭಾಗಿಯಾಗಲಿದ್ದಾರೆ. ಶೂಟಿಂಗ್ ಶುರು ಆದ ಒಂದು ವರ್ಷಕ್ಕೆ ಸಿನಿಮಾ ಬಿಡುಗಡೆಯಾಗಲಿದೆ.

ಮೊದಲ ಹಂತದ ಚಿತ್ರೀಕರಣ

ಸಿನಿಮಾದ ಮೊದಲ ಹಂತದ ಚಿತ್ರೀಕರಣ 45 ದಿನಗಳ ಕಾಲ ನಡೆಯಲಿದೆ. ಬೆಂಗಳೂರು, ಹೈದರಾಬಾದ್, ವಿಶಾಖಪಟ್ಟಣಂ ಹಾಗೂ ಚೆನ್ನೈನಲ್ಲಿ ಶೂಟಿಂಗ್ ಸಾಗಲಿದೆ. ಒಂದುವರೆ ತಿಂಗಳ ನಂತರ ಎರಡನೇ ಹಂತದ ಚಿತ್ರೀಕರಣ ಪ್ರಾರಂಭ ಆಗಲಿದೆ. ಮೊದಲು ಬೆಂಗಳೂರಿನಲ್ಲಿ ಶುರು ಮಾಡಿ ನಂತರ ಉಳಿದ ಭಾಗಕ್ಕೆ ಚಿತ್ರೀಕರಣ ಮುಂದುವರೆಯಲಿದೆ.

ಕಲಾವಿದರ ಆಯ್ಕೆ ನಡೆಯುತ್ತಿದೆ

'ರಾಬರ್ಟ್' ಸಿನಿಮಾದ ಕಲಾವಿದ ಆಯ್ಕೆ ಸದ್ಯ ನಡೆಯುತ್ತಿದೆ. ದರ್ಶನ್ ಬಿಟ್ಟರೆ ಚಿತ್ರದಲ್ಲಿ ನಟಿಸುವ ಉಳಿದ ಕಲಾವಿದರ ಹೆಸರು ಇನ್ನು ಬಹಿರಂಗ ಆಗಿಲ್ಲ. ಚಿತ್ರದ ನಾಯಕಿ ಸೇರಿದಂತೆ, ಯಾವ ಪಾತ್ರದಲ್ಲಿ ಯಾರು ನಟಿಸುತ್ತಾರೆ ಎನ್ನುವ ಕುತೂಹಲ ಹಾಗೆಯೇ ಇದೆ.

ತರುಣ್ ಸುಧೀರ್ ಎರಡನೇ ಸಿನಿಮಾ

'ರಾಬರ್ಟ್' ನಿರ್ದೇಶಕ ತರುಣ್ ಸುಧೀರ್ ನಟನೆಯ ಎರಡನೇ ಸಿನಿಮಾವಾಗಿದೆ. 'ಚೌಕ' ಚಿತ್ರದ ಯಶಸ್ಸಿನ ಬಳಿಕ ಡಿ ಬಾಸ್ ಜೊತೆಗೆ ತರುಣ್ ಸಿನಿಮಾ ಮಾಡುತ್ತಿದ್ದಾರೆ. 'ಹೆಬ್ಬುಲಿ' ಖ್ಯಾತಿಯ ಉಮಾಪತಿ ಈ ಸಿನಿಮಾದ ನಿರ್ಮಾಣ ಮಾಡುತ್ತಿದ್ದಾರೆ. ರಾಜಶೇಖರ್ ಕೆ ಎಲ್ ಹಾಗೂ ಚಂದ್ರಮೌಳಿ ಇಬ್ಬರು ಡೈಲಾಗ್ ಬರೆಯುತ್ತಿದ್ದಾರೆ.