ರಾಕ್‌ಸ್ಟಾರ್ ಅವತಾರದಲ್ಲಿ ನಟ ದರ್ಶನ್, ಅಭಿಮಾನಿಗಳಿಗೆ ಖುಷಿ

ರಾಕ್‌ಸ್ಟಾರ್ ಅವತಾರದಲ್ಲಿ ದರ್ಶನ್

ರಾಬರ್ಟ್ ಸಿನಿಮಾದ ಹೊಸ ಪೋಸ್ಟರ್‌ನಲ್ಲಿ ರಾಕ್‌ಸ್ಟಾರ್ ಅವತಾರದಲ್ಲಿ ದರ್ಶನ್ ಕಾಣಿಸಿಕೊಂಡಿದ್ದಾರೆ. ಅವರ ಮುಂದೆ ಒಂದು ಮೈಕು ನೇತುಬಿದ್ದಿದೆ. ಹಿಂದೆ ಒಂದು ಸ್ಟಾರ್‌ ಇದೆ. ಪಕ್ಕದಲ್ಲಿ ಸೈಕಲ್ ಚೈನ್ ಬೇರಿಂಗ್‌ಗಳಿಂದ ಮಾಡಿದ ಗಿಟಾರ್ ಇದೆ. ಇವು ದರ್ಶನ್‌ಗೆ ರಾಕ್‌ಸ್ಟಾರ್ ಲುಕ್ ನೀಡಿದೆ.

ಸಖತ್ ವೈರಲ್ ಆಗಿದೆ ಹೊಸ ಪೋಸ್ಟರ್

ಹೊಸ ಪೋಸ್ಟರ್ ಬಿಡುಗಡೆಯಾದ ಕೆಲವೇ ಹೊತ್ತಿನಲ್ಲಿ ಇದು ವೈರಲ್ ಆಗಿದೆ. ಹಲವಾರು ಅಭಿಮಾನಿಗಳು ತಮ್ಮ ಸಾಮಾಜಿಕ ಜಾಲತಾಣ ಖಾತೆಗೆ ರಾಬರ್ಟ್ ಹೊಸ ಪೋಸ್ಟರ್ ಅನ್ನು ಡಿಪಿ ಮಾಡಿಕೊಂಡಿದ್ದಾರೆ. ಪೋಸ್ಟರ್ ಚೆನ್ನಾಗಿದೆ ಎಂದು ಕಮೆಂಟ್ ಸಹ ಮಾಡಿದ್ದಾರೆ.

ಏಪ್ರಿಲ್ 9 ರಂದು ಬಿಡುಗಡೆ ಆಗಬೇಕಿತ್ತು

ರಾಬರ್ಟ್ ಸಿನಿಮಾ ಏಪ್ರಿಲ್ 9 ರಂದು ಬಿಡುಗಡೆ ಆಗಬೇಕಿತ್ತು. ಆದರೆ ಕೊರೊನಾ ಲಾಕ್‌ಡೌನ್ ಸ್ಥಿತಿಯಿಂದಾಗಿ ಸಿನಿಮಾ ಬಿಡುಗಡೆ ಮುಂದೂಡಲ್ಪಟ್ಟಿದೆ. ಚಿತ್ರಮಂದಿರಗಳು ತೆರೆದ ಮೇಲೆ ಸಿನಿಮಾ ಬಿಡುಗಡೆ ಆಗಲಿದೆ.

ಕೋಟ್ಯಂತರ ಡೀಲ್ ಕೈಬಿಟ್ಟ ನಿರ್ಮಾಪಕ

ರಾಬರ್ಟ್ ಸಿನಿಮಾವನ್ನು ಒಟಿಟಿಯಲ್ಲಿ ಬಿಡುಗಡೆ ಮಾಡಲು ನಿರ್ಮಾಪಕರನ್ನು ಒಟಿಟಿಯ ವ್ಯವಸ್ಥಾಪಕ ಮಂಡಳಿ ಸಂಪರ್ಕ ಮಾಡಿತ್ತು. ಆದರೆ ನಿರ್ಮಾಪಕ ಉಮಾಪತಿ ಅವರು ಸಿನಿಮಾವನ್ನು ಚಿತ್ರಮಂದಿರಗಳಲ್ಲೇ ಬಿಡುಗಡೆ ಮಾಡುವುದಾಗಿ ಹೇಳಿ ಕೋಟ್ಯಂತರ ರೂಪಾಯಿ ಗಳ ಡೀಲ್‌ ಅನ್ನು ಕೈಬಿಟ್ಟರು.