ದರ್ಶನ್ ಅಭಿಮಾನಿಗಳಿಗೆ ನಿರಾಸೆಯಾಗದಂತೆ ರಾಬರ್ಟ್‌ ತಂಡ ನೀಡಲಿದೆ ಉಡುಗೊರೆ

ರಾಬರ್ಟ್‌ ಸಿನಿಮಾದ ಟೀಸರ್ ಒಂದು ಬಿಡುಗಡೆ ಆಗಿದೆ

ರಾಬರ್ಟ್ ಸಿನಿಮಾದ ಒಂದು ಟೀಸರ್ ಈಗಾಗಲೇ ಬಿಡುಗಡೆ ಆಗಿದೆ. ಟೀಸರ್‌ ಜನರ ಗಮನಸೆಳೆದಿದೆ. ಟೀಸರ್‌ನಲ್ಲಿದ್ದ ಹಾಡನ್ನಂತು ದರ್ಶನ್ ಅಭಿಮಾನಿಗಳು ಸಂತೋಷದಿಂದ ಸ್ವೀಕರಿಸಿದ್ದಾರೆ.

ರಾಬರ್ಟ್ ತಂಡದಿಂದ ಮತ್ತೊಂದು ಟೀಸರ್

ಈಗ ಮತ್ತೊಂದು ಟೀಸರ್‌ ಅನ್ನು ಬಿಡುಗಡೆ ಮಾಡಲು ಚಿತ್ರತಂಡ ಚಿಂತನೆ ನಡೆಸಿದೆ. ರಾಬರ್ಟ್ ಸಿನಿಮಾ ಬಿಡುಗಡೆ ತಡವಾಗಿದ್ದರಿಂದ ಅಭಿಮಾನಿಗಳ ನಿರಾಸೆ ನೀಗಿಸಲು ಟೀಸರ್‌ ಮೂಲಕ ಸಿನಿಮಾದ ಸಣ್ಣ ಝಲಕ್ ಅನ್ನು ನೀಡಲು ಚಿತ್ರತಂಡ ನಿರ್ಧರಿಸಿದೆ.

ಆಗಸ್ಟ್ ತಿಂಗಳಲ್ಲಿ ಮತ್ತೊಂದು ಟೀಸರ್

ಆಗಸ್ಟ್ ತಿಂಗಳಲ್ಲಿ ರಾಬರ್ಟ್ ಸಿನಿಮಾದ ಎರಡನೇಯ ಟೀಸರ್ ಬಿಡುಗಡೆ ಆಗುವ ಸಾಧ್ಯತೆ ಇದೆ. ಮೊದಲ ಟೀಸರ್‌ ಮಾದರಿಯಲ್ಲಿಯೇ 'ದರ್ಶನ್ ಮಯವಾದ' ಟೀಸರ್ ಅನ್ನು ಹಾಡಿನೊಂದಿಗೆ ಬಿಡುಗಡೆ ಮಾಡುವ ಸಾಧ್ಯತೆ ಇದೆ.

ಮೇ ತಿಂಗಳಲ್ಲಿ ಸಿನಿಮಾ ಬಿಡುಗಡೆ ಆಗಬೇಕಿತ್ತು

ರಾಬರ್ಟ್ ಸಿನಿಮಾದ ಚಿತ್ರೀಕರಣ ಬಹುತೇಕ ಮುಗಿದಿದೆ. ಸಿನಿಮಾ ಮೇ ನಲ್ಲಿಯೇ ಬಿಡುಗಡೆ ಆಗಬೇಕಿತ್ತು ಆದರೆ ಕೊರೊನಾ ಕಾರಣದಿಂದ ಬಿಡುಗಡೆ ಮುಂದಕ್ಕೆ ಹೋಗಿದೆ. ಚಿತ್ರಮಂದಿರ ಪುನರ್ ಪ್ರಾರಂಭವಾದ ಬಳಿಕವಷ್ಟೆ ಸಿನಿಮಾ ಬಿಡುಗಡೆ ಆಗಲಿದೆ.