Don't Miss!
- News ಬಿಎಸ್ವೈ ಹಾಗೂ "ಆ" ಮಹಾನ್ ನಾಯಕನಿಂದಲೇ ಮಗನಿಗೆ ಚಿತ್ರದುರ್ಗ ಬಿಜೆಪಿ ಟಿಕೆಟ್ ತಪ್ತು: ಹೊಳಲ್ಕೆರೆ ಶಾಸಕ
- Automobiles Honda: ಭಾರತದಲ್ಲಿ ಹೋಂಡಾ ಹೊಸ ಮೈಲಿಗಲ್ಲು: ಎಷ್ಟು ಮಂದಿಯ ಬಳಿ ಆಕ್ಟೀವಾ, ಶೈನ್ ಇದೆ ಹೇಳಿ?
- Lifestyle ವಿಶ್ವದಲ್ಲೇ ಅತೀ ಹೆಚ್ಚು ಬಾರಿ ಚುನಾವಣೆ ಸೋತ ವ್ಯಕ್ತಿ..! ಯಾರು ಈ ಸೋಲುವ ಸರದಾರ ಗೊತ್ತಾ?
- Finance ನಿಮಗೆ ಗೊತ್ತಲ್ಲದೇ ನಿಮ್ಮ ಹೆಸರಲ್ಲಿ ಖಾತೆ ತೆರೆದಿರ್ತಾರೆ, ಪಿಂಚಣಿ ಯೋಜನೆ ಬಗ್ಗೆ ಹುಷಾರಾಗಿರಿ
- Sports IPL 2024: ಐಪಿಎಲ್ನಲ್ಲಿ ವಿಶಿಷ್ಟ ದಾಖಲೆ ಬರೆದ ಜಯದೇವ್ ಉನಾದ್ಕಟ್; ಈ ಸಾಧನೆ ಮಾಡಿದ ಮೊದಲ ಭಾರತೀಯ
- Technology iPhones: ಬೇಕಿತ್ತಾ ಇದೆಲ್ಲ? ನಕಲಿ ಐಫೋನ್ ಮೂಲಕ ಆಪಲ್ಗೆ ಪಂಗನಾಮ ಹಾಕಿದವನಿಗೆ ಜೈಲೂಟ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಎರಡನೇ ವರ್ಷವೂ ಸ್ಯಾಂಡಲ್ ವುಡ್ ಸುಲ್ತಾನ್ ಯಶ್
ರಾಕಿಂಗ್ ಸ್ಟಾರ್ ಯಶ್ ಅಂದ್ರೇ ಯಶಸ್ಸು ಅಂತಿದೆ ಗಾಂಧಿನಗರ. ಈಗ ಯಶ್ ಡೇಟ್ ಗಾಗಿ ಕಾದು ನಿಂತಿರೋರ ಸಂಖ್ಯೆ ದೊಡ್ಡದಿದೆ. ಸದ್ಯ ದರ್ಶನ್, ಸುದೀಪ್, ಪುನೀತ್ ಹಿಂದೆ ಬಿದ್ದಿದ್ದ ಹತ್ತಕ್ಕೂ ಹೆಚ್ಚು ನಿರ್ಮಾಪಕರು ಯಶ್ ಡೇಟ್ ಗಾಗಿ ಕಾದಿದ್ದಾರೆ.
2013ರಲ್ಲಿ 'ಗೂಗ್ಲಿ' ಮತ್ತು 'ರಾಜಾಹುಲಿ' ಮೂಲಕ ಎರಡು 100 ಡೇಸ್ ಸಿನಿಮಾಗಳನ್ನ ಕೊಟ್ಟಿದ್ದ ಯಶ್ 2013ರ ಸ್ಯಾಂಡಲ್ ವುಡ್ ನ ಸಕ್ಸಸ್ ಕಾ ಸುಲ್ತಾನ್ ಆಗಿದ್ರೆ ಈ ವರ್ಷವೂ ಯಶ್ ಬತ್ತಳಿಕೆಯಿಂದ ಮತ್ತೆರೆಡು ಹಿಟ್ ಸಿನಿಮಾಗಳು ಹೊರ ಬಂದಿವೆ. ಇದ್ರಿಂದಾಗಿ ಸೂಪರ್ ಗಳಿಗೆ ಐದಾರು ಕೋಟಿ ಕೊಡೋದಕ್ಕಿಂತ ಯಶ್ ಸೂಪರ್ ಅಂತಿದ್ದಾರೆ ನಿರ್ಮಾಪಕರು.
ರೀಮೇಕ್ ಸಿನಿಮಾಗಳ ಬೆನ್ನು ಹತ್ತಿರೋ ಸೂಪರ್ ಸ್ಟಾರ್ ಗಳು ಸ್ವಮೇಕ್ ಮಾಡಿದ್ರೂ ಗಿಮಿಕ್ ಮಾಡಿದ್ರೂ ಗೆಲ್ಲದ ಬಿಗ್ ಸ್ಟಾರ್ ಗಳಿಗಿಂತ ರಾಕಿಂಗ್ ಸ್ಟಾರ್ ರಂಗು ರಂಗಾಗಿ ಮಿಂಚ್ತಿದ್ದಾರೆ. ವೆರೈಟಿ ಪಾತ್ರಗಳಿಗೆ ಹೊಂದಿಕೊಳ್ಳೋ ಯಶ್ ತಾಕತ್ತಿಗೆ ಸಿನಿಪ್ರೇಮಿಗಳು ಸೈ ಅಂದಿದ್ದಾರೆ. [ಸ್ಯಾಂಡಲ್ ವುಡ್ ಮಹಾಚುನಾವಣೆ 2014 - ನಿಮ್ಮ ಮತ ಯಾರಿಗೆ?]
ಕಳ್ಳರ ಸಂತೆಯ ನಿರುದ್ಯೋಗಿಯಾಗಿ, ಕಿರಾತಕ ಚಿತ್ರದ ಹಳ್ಳಿ ಹೈದನಾಗಿ, ಗೂಗ್ಲಿಯ ಸ್ಟೈಲಿಷ್ ಲವರ್ ಬಾಯ್ ಆಗಿ ರಾಜಾಹುಲಿಯ ರಗಡ್ ಮಂಡ್ಯ ಹುಲಿಯಾಗಿ, ಗಜಕೇಸರಿಯ ಗಜ ಮತ್ತು ಕೇಸರಿಯಂತಹ ಎರಡೂ ವಿಭಿನ್ನ ಶೇಡ್ ಗಳಲ್ಲಿ ಯಶ್ ಯಶಸ್ವಿ ನಟ.
ಈಗ ಬಂದಿರೋ ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿಯಲ್ಲೂ ಯಶ್ ಟಿಪಿಕಲ್ ನಾಗರಹಾವಿನ ರಾಮಾಚಾರಿಯಂತೆ ಕಂಗೊಳಿಸಿದ್ದಾರೆ. ಯಶ್ ಚಿತ್ರ ಕ್ರಿಸ್ಮಸ್ ದಿನದಿಂದ ಶುರುವಾಗಿ ಭಾನುವಾರದವರೆಗೆ ಕೇವಲ ನಾಲ್ಕು ದಿನದಲ್ಲಿ ಮಾಡಿರೋ ಗಳಿಕೆ ರು.12 ಕೋಟಿ ಮುಟ್ಟಿದೆ ಅಂತಿದೆ ವಿತರಕರ ಮೂಲಗಳಿಂದ ಬಂದ ಮಾಹಿತಿ.
ಈ ಲೆಕ್ಕಾಚಾರ ನೋಡಿದ್ರೆ ಯಶ್ ಸ್ಯಾಂಡಲ್ವುಡ್ ಹೊಸ ಬಾಕ್ಸಾಫೀಸ್ ಸುಲ್ತಾನ್ ಅಂತಿದೆ ಗಾಂಧಿನಗರ. ಬಾಕ್ಸಾಫೀಸ್ ಮಾಹಿತಿಯನ್ನ ಹೊರಗಿಟ್ಟು ಹೇಳೋದಾದ್ರೆ ಯಶ್ ಒಬ್ಬ ಅದ್ಭುತ ನಟ ಅಷ್ಟು ಸಾಕು ಅಣ್ತಮ್ಮ ಅಂತಿದ್ದಾರೆ ಕನ್ನಡ ಚಿತ್ರರಸಿಕರು.