ಬಾಂಗ್ಲಾದೇಶದಲ್ಲೂ ರಾಕಿಂಗ್ ಸ್ಟಾರ್ ಯಶ್ ಗಿದ್ದಾರೆ ಅಭಿಮಾನಿ ದೇವರು.!

ಯಶ್ ರವರ ಬಹುದೊಡ್ಡ ಅಭಿಮಾನಿ

ಯಶ್ ಮೇಲೆ ಅಭಿಮಾನ ವ್ಯಕ್ತ ಪಡಿಸಿ ಬಾಂಗ್ಲಾದೇಶದ ಓರ್ವ ಯುವಕ ಫೇಸ್ ಬುಕ್ ನಲ್ಲಿ ಕಾಮೆಂಟ್ ಮಾಡಿದ್ದಾರೆ. ''ನಾನು ಬಾಂಗ್ಲಾದೇಶದವನು. ನಾನು ಯಶ್ ರವರ ಬಹು ದೊಡ್ಡ ಅಭಿಮಾನಿ. ಲವ್ ಯು ಮೈ ಬಾಸ್ ರಾಕಿಂಗ್ ಸ್ಟಾರ್ ಯಶ್'' ಎಂದು ಆ ಯುವಕ ಬರೆದುಕೊಂಡಿದ್ದಾರೆ.

ಜೈಕಾರ ಹಾಕಿದ ಯಶ್ ಫ್ಯಾನ್ಸ್

ಯಶ್ ಮೇಲೆ ಬಾಂಗ್ಲಾದೇಶದ ಯುವಕ ತೋರಿರುವ ಅಭಿಮಾನಕ್ಕೆ 'ರಾಜಾಹುಲಿ' ಅಭಿಮಾನಿಗಳು ಫುಲ್ ಖುಷಿಯಾಗಿದ್ದಾರೆ. ಆ ಯುವಕನಿಗೆ ಯಶ್ ಫ್ಯಾನ್ಸ್ ಜೈಕಾರ ಹಾಕುತ್ತಿದ್ದಾರೆ.

ಆತನಿಗೆ ಕನ್ನಡ ಗೊತ್ತಿಲ್ಲ

ಹಾಗ್ನೋಡಿದ್ರೆ, ಬಾಂಗ್ಲಾದೇಶದ ಆ ಯುವಕನಿಗೆ ಕನ್ನಡ ಭಾಷೆ ಗೊತ್ತಿಲ್ಲ. ಬಾಂಗ್ಲಾ, ಇಂಗ್ಲೀಷ್, ಹಿಂದಿ ಬಿಟ್ಟರೆ ಆತನಿಗೆ ಬೇರೆ ಯಾವ ಭಾಷೆಯೂ ಬರಲ್ಲ. ಆದರೂ, ಯಶ್ ರವರ ಚಿತ್ರಗಳನ್ನು ನೋಡಿ... ಯಶ್ ಗೆ ಆತ ಅಭಿಮಾನಿ ಆಗಿದ್ದಾರೆ.

ದೊಡ್ಡದಾಗಲಿದೆ ಅಭಿಮಾನಿ ಬಳಗ

ಅಂತೂ 'ಕೆ.ಜಿ.ಎಫ್' ಚಿತ್ರದ ಚಿತ್ರೀಕರಣವನ್ನ ನಟ ಯಶ್ ಕಂಪ್ಲೀಟ್ ಮಾಡಿದ್ದಾರೆ. ಅಕ್ಟೋಬರ್ ಹೊತ್ತಿಗೆ 'ಕೆ.ಜಿ.ಎಫ್' ರಿಲೀಸ್ ಆಗುವ ಸಾಧ್ಯತೆ ಇದೆ. ಕನ್ನಡ, ತಮಿಳು, ತೆಲುಗು, ಮಲಯಾಳಂ ಹಾಗೂ ಹಿಂದಿ ಭಾಷೆಯಲ್ಲಿ 'ಕೆ.ಜಿ.ಎಫ್' ಬಿಡುಗಡೆ ಆಗಲಿದೆ. ಇದರಿಂದ ಯಶ್ ಜನಪ್ರಿಯತೆ ಹಾಗೂ ಫ್ಯಾನ್ ಫಾಲೋವಿಂಗ್ ಮತ್ತಷ್ಟು ದೊಡ್ಡದಾಗುವುದರಲ್ಲಿ ಯಾವುದೇ ಅನುಮಾನ ಇಲ್ಲ.