ಬರೋಬ್ಬರಿ 100 ಮಿಲಿಯನ್ ಹಿಟ್ಸ್ ಪಡೆದ 'ರೌಡಿ ಬೇಬಿ ಹಾಡು

ನಟ ಧನುಷ್ ಹಾಗೂ ಸಾಯಿ ಪಲ್ಲವಿ ಜೋಡಿಯ 'ರೌಡಿ ಬೇಬಿ..' ಹಾಡು ಸೂಪರ್ ಹಿಟ್ ಆಗಿದೆ. 'ಮಾರಿ 2' ಸಿನಿಮಾದ ಈ ಹಾಡಿಗೆ ಎಲ್ಲರೂ ಕ್ವೀನ್ ಬೋಲ್ಡ್ ಆಗಿದ್ದಾರೆ.

'ರೌಡಿ ಬೇಬಿ..' ವಿಡಿಯೋ ಹಾಡು ಇದೀಗ ಯೂಟ್ಯೂಬ್ ನಲ್ಲಿ 100 ಮಿಲಿಯನ್ ಹಿಟ್ಸ್ ಪಡೆದುಕೊಂಡಿದೆ. ಕೇವಲ ಎರಡು ವಾರಗಳಲ್ಲಿ ಈ ಮಟ್ಟಿಗೆ ಹಾಡು ಹಿಟ್ ಆಗಿದೆ. ಈ ಸಂತಸವನ್ನು ನಟ ಧನುಷ್ ತಮ್ಮ ಟ್ವಿಟ್ಟರ್ ಖಾತೆಯ ಮೂಲಕ ಹಂಚಿಕೊಂಡಿದ್ದಾರೆ

ಅಂದಹಾಗೆ, ಸಿನಿಮಾದ ಈ ಹಾಡಿನ ಲಿರಿಕಲ್ ವಿಡಿಯೋ ಈ ಹಿಂದೆಯೇ ಬಿಡುಗಡೆಯಾಗಿತ್ತು. ಆ ಹಾಡು 60 ಮಿಲಿಯನ್ ವ್ಯೂವ್ಸ್ ಪಡೆದುಕೊಂಡಿತ್ತು. ಅದರ ಹಿಂದೆ ಬಂದ ವಿಡಿಯೋ ಸಾಂಗ್ 100 ಮಿಲಿಯನ್ ಆಗಿದೆ. ಎರಡು ಸೇರಿ ಬರೋಬ್ಬರಿ 160 ಮಿಲಿಯನ್ ಹಿಟ್ಸ್ ಅನ್ನು ಹಾಡು ಪಡೆದುಕೊಂಡಿದೆ.

ಈ ವರ್ಷದ ಸೌತ್ ಇಂಡಿಯಾದ ಸೂಪರ್ ಹಿಟ್ ಹಾಡುಗಳ ಪೈಕಿ 'ರೌಡಿ ಬೇಬಿ..' ಹಾಡು ಪ್ರಮುಖವಾಗಿದೆ. ಪ್ರಭುದೇವ ಡ್ಯಾನ್ಸ್ ಹಾಡು ಹಿಟ್ ಆಗಲು ಪ್ರಮುಖ ಕಾರಣವಾಗಿದೆ. ಯುವನ್ ಶಂಕರ್ ರಾಜ್ ಹಾಡಿಗೆ ಸಂಗೀತ ನೀಡಿದ್ದಾರೆ.