ಸಲ್ಮಾನ್ ಖಾನ್ ಕನ್ನಡ ಕೇಳಿ ಖುಷಿಯಾದ ಕನ್ನಡಿಗರು

ಕನ್ನಡದಲ್ಲಿ ಟ್ವೀಟ್ ಮಾಡಿದ ಸಲ್ಮಾನ್ ಖಾನ್

ದಬಾಂಗ್-3 ಕನ್ನಡ ಟ್ರೈಲರ್ ಗೆ ಸಲ್ಮಾನ್ ಖಾನ್ ಡಬ್ ಮಾಡಿರುವ ಜೊತೆಗೆ ಕನ್ನಡದಲ್ಲೆ ಟ್ವೀಟ್ ಮಾಡಿದ್ದಾರೆ. ಸಲ್ಮಾನ್ ಕನ್ನಡ ಪ್ರೀತಿಗೆ ಕನ್ನಡಿಗರು ತಲೆಬಾಗಿದ್ದಾರೆ. "ದಯವಿಟ್ಟು, ದಬಾಂಗ್-3 ಕನ್ನಡ ಟ್ರೈಲರ್ ನೋಡುವುದಕ್ಕಾಗಿ ನಿಮ್ಮ ಅಮೂಲ್ಯ ಸಮಯದಲ್ಲಿ 3 ನಿಮಿಷಗಳನ್ನು ನಮಗಾಗಿ ಕೊಡಬಹುದಾ" ಎಂದು ಟ್ವೀಟ್ ಮಾಡಿದ್ದಾರೆ.

ಕರ್ನಾಟಕ ರಕ್ಷಣ ವೇದಿಕೆ ಉಪಾಧ್ಯಕ್ಷರು ಹೇಳಿದ್ದೇನು?

"ಭಾರತ ದೇಶದ ಬೇರೆ ಬೇರೆ ರಾಜ್ಯದ, ಬೇರೆ ಭಾಷೆಯ ನಟರೆಲ್ಲಾ ಕನ್ನಡದಲ್ಲಿ ಮಾತನಾಡಲಿಕ್ಕೆ ಕಾರಣವೇ ನೀವು ಸರ್, ಕನ್ನಡ ಕಟ್ಟುವ ಕೆಲಸ ಇದೇ ಸರ್, ಅಖಂಡ ಕನ್ನಡದ ಜನತೆ ಪರವಾಗಿ ನಿಮಗೆ ಹೃದಯಾಂತರಾಳದ ಅಭಿಮಾನದ ಅಭಿನಂದನೆಗಳು" ಎಂದು ಕರ್ನಾಟಕ ರಕ್ಷಣ ವೇದಿಕೆ ಉಪಾಧ್ಯಕ್ಷರು ಹೇಳಿದ್ದಾರೆ.

ಸುನೀಲ್ ಶೆಟ್ಟಿ ಹೇಳಿದ್ದೇನು?

"ಸೂಪರ್ ಕಿಚ್ಚ..ಲುಕ್, ಬಾಡಿ ಲಾಂಗ್ವೇಜ್ ಮತ್ತು ಆಟಿಟ್ಯೂಡ್ ಅದ್ಭುತವಾಗಿದೆ. ಒಳ್ಳೆಯದಾಗಲಿ ಕಿಚ್ಚ" ಎಂದು ಸುನೀಲ್ ಶೆಟ್ಟಿ ಹೇಳಿದ್ದಾರೆ. ಸುದೀಪ್ ಮತ್ತು ಸುನೀಲ್ ಶೆಟ್ಟಿ ಪೈಲ್ವಾನ್ ಸಿನಿಮಾದಲ್ಲಿ ಒಟ್ಟಿಗೆ ಅಭಿನಯಿಸಿದ್ದರು. ಪೈಲ್ವಾನ್ ಮೂಲಕ ಸುನೀಲ್ ಶೆಟ್ಟಿ ಮೊದಲ ಬಾರಿಗೆ ಕನ್ನಡ ಚಿತ್ರ ಪ್ರೇಕ್ಷಕರ ಮುಂದೆ ಬಂದಿದ್ದರು.

ಚುಲ್ ಬುಲ್ ಪಾಂಡೆಗೆ ಸ್ವಾಗತ

"ನಿಮಗೆ ಸ್ವಾಗತ ಕೋರುತ್ತೇವೆ..ಚುಲ್ ಬುಲ್ ಪಾಂಡೆ. ಸುದೀಪ್ ಬಂದಾಗ ಟ್ರೇಲರ್ ನಲ್ಲೇ ಶಿಳ್ಳೆ ಹೊಡೆಯೋಣ ಎನಿಸಿತು" ಎಂದು ನಿರ್ದೇಶಕ ಸಿಂಪಲ್ ಸುನಿ ಹೇಳಿದ್ದಾರೆ. ಸಲ್ಮಾನ್ ಖಾನ್ ಬಾಯಲ್ಲಿ ಕನ್ನಡ ಕೇಳಿ ಸಿಂಪಲ್ ಸುನಿ ಕೂಡ ಫಿದಾ ಆಗಿದ್ದಾರೆ.

ಸುದೀಪ್ ಪ್ರತಿಕ್ರಿಯೆ

ಸಲ್ಮಾನ್ ಖಾನ್ ಕನ್ನಡದಲ್ಲಿ ಡಬ್ ಮಾಡಿರುವುದನ್ನು ಕೇಳುವುದೆ ಚಂದ ಎಂದು ಕಿಚ್ಚ ಸುದೀಪ್ ಹೇಳಿದ್ದಾರೆ. "ಪ್ರೀತಿಯಿಂದ ಕನ್ನಡದಲ್ಲಿ ಮಾತನಾಡುವುದನ್ನು ನೋಡುವುದೇ ಒಂದು ಹೆಮ್ಮೆ. ಜೈ ಕನ್ನಡ" ಎಂದು ಸುದೀಪ್ ಹೇಳಿದ್ದಾರೆ. ದಬಾಂಗ್-3 ಚಿತ್ರದಲ್ಲಿ ಸುದೀಪ್ ಬಲ್ಲಿ ಸಿಂಗ್ ಪಾತ್ರದಲ್ಲಿ ಮಿಂಚಿದ್ದಾರೆ. ಕಿಚ್ಚ ಚಿತ್ರದಲ್ಲಿ ಸಖತ್ ಸ್ಟೈಲೀಶ್ ವಿಲನ್ ಆಗಿ ಕಾಣಿಸಿಕೊಂಡಿದ್ದಾರೆ. ದಬಾಂಗ್-3 ಡಿಸೆಂಬರ್ 20ಕ್ಕೆ ತೆರೆಗೆ ಬರುತ್ತಿದೆ.