'ಕಿರಿಕ್' ಸಂಯುಕ್ತಾಗೆ ಸಿಕ್ಕೇ ಬಿಡ್ತು ತಮಿಳಿನಲ್ಲಿ ದೊಡ್ಡ ಅವಕಾಶ

ಜಯಂ ರವಿ ಜೊತೆ ಸಂಯುಕ್ತಾ

ಜಯಂ ರವಿ ಅಭಿನಯಿಸುತ್ತಿರುವ ಔಟ್ ಅಂಡ್ ಔಟ್ ಕಾಮಿಡಿ ಎಂಟರ್ ಟೈನ್ ಮೆಂಟ್ ಕಥೆ ಇದಾಗಿದ್ದು, ಈ ಚಿತ್ರದಲ್ಲಿ ಸಂಯುಕ್ತಾ ಮುಖ್ಯಪಾತ್ರವೊಂದಕ್ಕೆ ಆಯ್ಕೆಯಾಗಿದ್ದಾರೆ. ಈ ವಿಷ್ಯವನ್ನ ಖುದ್ದು ಸಂಯುಕ್ತಾ ಅವರೇ ಖಚಿತ ಪಡಿಸಿದ್ದಾರೆ.

ಇವರೇ ಹೀರೋಯಿನ್

ಜಯಂ ರವಿಯ ಈ ಚಿತ್ರಕ್ಕೆ ಬಹುಭಾಷಾ ನಟಿ ಕಾಜಲ್ ಅಗರ್ ವಲ್ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ. ಇದು ಇವರಿಬ್ಬರ ಕಾಂಬಿನೇಷನ್ ನಲ್ಲಿ ಮೂಡಿ ಬರುತ್ತಿರುವ ಮೊದಲ ಸಿನಿಮಾ. ಸಂಯುಕ್ತಾ ಕೂಡ ಚಿತ್ರದಲ್ಲಿ ಓರ್ವ ನಾಯಕಿಯೇ. ಈ ಚಿತ್ರವನ್ನ ಪ್ರದೀಪ್ ರಂಗನಾಥನ್ ನಿರ್ದೇಶನ ಮಾಡ್ತಿದ್ದಾರೆ.

'ಪಪ್ಪಿ' ಚಿತ್ರದಲ್ಲಿ ನಟನೆ

ಅಂದ್ಹಾಗೆ, ಜಯಂ ರವಿ ಜೊತೆ ಅಭಿನಯಿಸಲಿರುವ ಸಿನಿಮಾ ಸಂಯುಕ್ತಾಗೆ ಎರಡನೇ ತಮಿಳು ಸಿನಿಮಾ. ಇದಕ್ಕೂ ಮುಂಚೆ ಪಪ್ಪಿ ಎಂಬ ಚಿತ್ರದ ಮೂಲಕ ಕಾಲಿವುಡ್ ಗೆ ಎಂಟ್ರಿ ಕೊಟ್ಟಿದ್ದಾರೆ. ಈ ಸಿನಿಮಾ ಇನ್ನು ಶೂಟಿಂಗ್ ಹಂತದಲ್ಲಿದೆ. ವಿಶೇಷ ಅಂದ್ರೆ, ಈ ಎರಡು ಚಿತ್ರಗಳಿಗೂ ಒಂದೇ ನಿರ್ಮಾಣ ಸಂಸ್ಥೆಯಲ್ಲಿ ತಯಾರಾಗುತ್ತಿದೆ.

ಬಹುಭಾಷಾ ನಟಿಯಾದ ಸಂಯುಕ್ತಾ

ಹಾಗ್ನೋಡಿದ್ರೆ ಸಂಯುಕ್ತಾ ಹೆಗ್ಡೆ ಸಿನಿಮಾಗಿಂದ ಖಾಸಗಿ ವಿಷ್ಯಗಳಿಗೆ ಹೆಚ್ಚು ಸುದ್ದಿಯಾಗಿದ್ದರು. ಕಿರಿಕ್ ಪಾರ್ಟಿ ಆದ ನಂತರ 'ಕಾಲೇಜ್ ಕುಮಾರ' ಸಿನಿಮಾ ಮಾಡಿದ್ದು ಬಿಟ್ಟರೆ ಬೇರೆ ಯಾವ ಚಿತ್ರದಲ್ಲಿ ನಟಿಸಿಲಿಲ್ಲ. ಈ ಮಧ್ಯೆ ತೆಲುಗು ಭಾಷೆಯ 'ಕಿರಿಕ್ ಪಾರ್ಟಿ' ಚಿತ್ರದಲ್ಲಿ ಮೂಲ ಪಾತ್ರವನ್ನೇ ಸಂಯುಕ್ತಾದಲ್ಲಿ ಅಭಿನಯಿಸಿದ್ದರು. ಅಲ್ಲಿಗೆ ತೆಲುಗು ಸಿನಿಲೋಕಕ್ಕೂ ಕಾಲಿಟ್ಟಿದ್ದರು. ಈಗ ತಮಿಳು ಇಂಡಸ್ಟ್ರಿಗೂ ಹೆಜ್ಜೆಯಿಟ್ಟರು.