ಬಿಕಿನಿ ತೊಟ್ಟು ಮತ್ತೆ ಹಾಟ್ ಅವತಾರ ತಾಳಿದ 'ಕಿರಿಕ್' ಹುಡುಗಿ ಸಂಯುಕ್ತಾ ಹೆಗ್ಡೆ

ಸಂಸ್ಕೃತಿ, ಸಭ್ಯತೆ ಪಾಠ ಮಾಡಿದ್ದಾರೆ ಕೆಲವರು

ತಮ್ಮ ಬಿಕಿನಿ ಚಿತ್ರಗಳನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ ಸಂಯುಕ್ತಾ ಹೆಗ್ಡೆ, ನಟಿಯ ಹಾಟ್ ಚಿತ್ರಗಳನ್ನು ನೋಡಿ ಅಭಿಮಾನಿಗಳು ಹಲವು ನಾಟಿ ಕಮೆಂಟ್‌ಗಳನ್ನು ಹರಿ ಬಿಟ್ಟಿದ್ದಾರೆ. ಕೆಲವರು 'ಬುದ್ಧಿವಾದ' ಹೇಳುವ ಯತ್ನವನ್ನೂ ಮಾಡಿದ್ದಾರೆ. ಇನ್ನು ಕೆಲವರು ಸಂಸ್ಕೃತಿ, ಸಭ್ಯತೆಯ ಪಾಠ ಮಾಡಿದ್ದಾರೆ. ಆದರೆ ಹೆಚ್ಚಿನ ಮಂದಿ ಸಂಯುಕ್ತಾರ ಈ ಹಾಟ್ ಚಿತ್ರಗಳನ್ನು ಮೆಚ್ಚಿಕೊಂಡಿದ್ದಾರೆ.

ಉಡುಪಿನ ವಿಚಾರಕ್ಕೆ ಸಮಸ್ಯೆಗೆ ಸಿಲುಕಿದ್ದ ನಟಿ

ತಾವು ತೊಟ್ಟ ಉಡುಪಿನ ವಿಚಾರಕ್ಕೆ ಹಿಂದೊಮ್ಮೆ ಸಮಸ್ಯೆ ಎದುರಿಸಿದ್ದರು ನಟಿ ಸಂಯುಕ್ತಾ ಹೆಗ್ಡೆ. 2020 ರ ಸೆಪ್ಟೆಂಬರ್ ತಿಂಗಳಲ್ಲಿ ಗೆಳತಿಯರೊಟ್ಟಿಗೆ ಬೆಂಗಳೂರಿನ ಪಾರ್ಕ್‌ ಒಂದರಲ್ಲಿ ಸಂಯುಕ್ತಾ ಆಟವಾಡುತ್ತಿದ್ದಾಗ, ಸಂಯುಕ್ತಾ ಧರಿಸಿರುವ ಉಡುಪಿನ ಬಗ್ಗೆ ಕೆಲವರು ಆಕ್ಷೇಪಣೆ ಎತ್ತಿದ್ದರು. ಒಬ್ಬ ಹಿರಿಯ ಮಹಿಳೆಯಂತೂ ಸಂಯುಕ್ತಾರ ಗೆಳತಿಯ ಮೇಲೆ ಹಲ್ಲೆ ಮಾಡಿದ್ದರು. ಗುಂಪೊಂದು ಸೇರಿ ಸಂಯುಕ್ತಾ ವಿರುದ್ಧ ಘೋಷಣೆಗಳನ್ನು ಕೂಗಿದ್ದಲ್ಲದೆ, ಪಾರ್ಕ್‌ನ ಗೇಟಿಗೆ ಬೀಗ ಹಾಕಿ ಬಂಧಿಸಿದ್ದರು ಸಹ. ಅನೈತಿಕ ಪೊಲೀಸ್‌ಗಿರಿಗೆ ಸಂಯುಕ್ತಾ ಗುರಿಯಾಗಿದ್ದರು. ಪೊಲೀಸರು ಸ್ಥಳಕ್ಕೆ ಬಂದು ಪರಿಸ್ಥಿತಿ ತಿಳಿಗೊಳಿಸಿದ್ದರು.

ಬೆಂಬಲ ಸೂಚಿಸಿದ್ದ ಖ್ಯಾತ ನಾಮರು

ಆ ಘಟನೆಯ ಬಳಿಕ ನಟಿ ರಮ್ಯಾ ಸೇರಿದಂತೆ ಹಲವು ಖ್ಯಾತನಾಮರು ಸಂಯುಕ್ತಾ ಹೆಗ್ಡೆ ಬೆಂಬಲಕ್ಕೆ ಆಗಮಿಸಿದರು. ಅಂತೆಯೇ ಸಂಯುಕ್ತಾ ಸಹ ಬಹು ಧೈರ್ಯದಿಂದ ಆ ಘಟನೆಯನ್ನು ಎದುರಿಸಿದ್ದರು. ಘಟನೆ ನಡೆದ ಸ್ಥಳದಿಂದ ಲೈವ್ ಮಾಡಿ ತಮ್ಮ ವಾದ ಮಂಡಿಸಿದ್ದರು. ಘಟನೆ ಬಳಿಕವೂ ತಮ್ಮ ಇಷ್ಟದ ಉಡುಗೆಯನ್ನು ತೊಡುವುದನ್ನು ಮುಂದುವರೆಸಿದರು ಸಂಯುಕ್ತಾ ಹೆಗ್ಡೆ.