ಟ್ರಾಫಿಕ್ ಶುಲ್ಕ ಹೆಚ್ಚಳ ವಿರೋಧಿಸಿ ಸಂಯುಕ್ತಾ ಹೆಗ್ಡೆ ಟ್ವೀಟ್

ಸಂಯುಕ್ತಾ ಹೆಗ್ಡೆ ಟ್ವೀಟ್ ನಲ್ಲಿ ಏನಿದೆ?

''ಮೋದಿ ಅವರೇ, ಟ್ರಾಫಿಕ್ ಶುಲ್ಕ ಈಗ ಹೆಚ್ಚಾಗಿದೆ. ಆದರೆ ಪೊಲೀಸರು ಪಡೆದುಕೊಳ್ಳುವ ಲಂಚದಲ್ಲಿ ಬದಲಾವಣೆ ಆಗಿದೆ. 100 ರಿಂದ 500 ತಲುಪಿದೆ. ಶುಲ್ಕ ಪಾವತಿಸಲು ಜನರಿಗೆ ಆಯ್ಕೆ ಕೊಟ್ಟಾಗ ಸಹಜವಾಗಿ ಕಡಿಮೆ ಬೆಲೆಯನ್ನ ಆರಿಸಿಕೊಳ್ಳುತ್ತಾರೆ. ಇದು ನಿಜಕ್ಕೂ ಬೇಸರ ತರಿಸಿದೆ. ನಿಮ್ಮ ಕಾರ್ಮಿಕರು ನಿಯಮವನ್ನ ಪಾಲಿಸುತ್ತಿಲ್ಲ'' ಎಂದು ಸಂಯುಕ್ತಾ ಟ್ವೀಟ್ ಮಾಡಿದ್ದಾರೆ.

ನಿಜವಾದ ಫೈನ್ ಕಟ್ಟಿದ್ರೆ ಅದರ ಬೆಲೆ ತಿಳಿಯುತ್ತೆ

''ನಿಜವಾದ ಶುಲ್ಕ ಪಾವತಿಸಿದಾಗಲೇ ಜನರಿಗೆ ಅದರ ಮೌಲ್ಯ ಏನು ಎಂಬುದು ಗೊತ್ತಾಗುವುದು. ಆಗಲೇ ಟ್ರಾಫಿಕ್ ಶುಲ್ಕ ಎಷ್ಟು ದುಬಾರಿಯಾಗಿದೆ ಎಂಬ ಅರಿವು ಮೂಡುತ್ತೆ. ಅದರ ಬದಲು ಟ್ರಾಫಿಕ್ ನಿಯಮ ಪಾವತಿಸಲು ಮುಂದಾಗುತ್ತಾರೆ. ನಾವು ಯಾವಾಗಲೂ ಬೇರೆ ದೇಶದ ನಿಯಮಗಳ ಬಗ್ಗೆಯೇ ಹೆಚ್ಚು ಮಾತನಾಡುತ್ತೇವೆ. ಬೇರೆ ದೇಶದಲ್ಲಿ ಫೈನ್ ಹೆಚ್ಚಿರುತ್ತೆ. ಅದೇ ರೀತಿ ಅವರ ಪೊಲೀಸರು ಲಂಚ ಪಡೆದುಕೊಳ್ಳಲ್ಲ'' ಎಂದಿದ್ದಾರೆ.

ಸೋನು ಗೌಡ ವಿರೋಧಿಸಿದ್ದರು

ಟ್ರಾಫಿಕ್ ಶುಲ್ಕ ಹೆಚ್ಚಳದ ಬಗ್ಗೆ ಈ ಹಿಂದೆ ನಟಿ ಸೋನು ಗೌರ ಖಂಡಿಸಿದ್ದರು. ''ಹೆಚ್ಚು ಶುಲ್ಕ ಹಾಕುವ ಮೊದಲು ರಸ್ತೆಗಳನ್ನ ಸರಿ ಮಾಡಿ ಮುಖ್ಯಮಂತ್ರಿಗಳೇ...ಇದು ಜನರು ಕಷ್ಟಪಟ್ಟು ದುಡಿದ ದುಡ್ಡ. ಅದನ್ನ ಹಾಳುಮಾಡಬೇಡಿ'' ಎಂದು ಟೀಕಿಸಿದ್ದರು.

ತಮಿಳು ಚಿತ್ರಗಳಲ್ಲಿ ಸಂಯುಕ್ತಾ ಬ್ಯುಸಿ

ಸಂಯುಕ್ತಾ ಹೆಗಡೆ ನಟನೆ ತಮಿಳು ಸಿನಿಮಾ 'ಕೋಮಲಿ' ಬಿಡುಗಡೆಯಾಗಿತ್ತು. ಈಗ ಪಪ್ಪಿ ಮತ್ತು ಥೇಲ್ ಎಂಬ ತಮಿಳು ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಎಂಟಿವಿ ರೋಡಿಸ್ 14 ರಲ್ಲಿ, ಬಿಗ್ ಬಾಸ್ ಕನ್ನಡ 5ರಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿದ್ದರು.