ಹುಟ್ಟುಹಬ್ಬಕ್ಕೆ ಮಾಲ್ಡೀವ್ಸ್​ಗೆ ಹಾರಿದ ನಟಿ ಶ್ರುತಿ: ಇಲ್ಲಿವೆ ಫೋಟೋಗಳು

ತಾಯಂತೆ ಪ್ರತಿಭಾನ್ವಿತೆ ಗೌರಿ ಶ್ರುತಿ

ವೃತ್ತಿ ಜೀವನದಲ್ಲಿ ಯಶಸ್ಸು ಕಂಡಿದ್ದ ಶ್ರುತಿ, ತಮ್ಮ ವೈಯಕ್ತಿಕ ಜೀವನದಲ್ಲಿ ಏರಿಳಿತಗಳನ್ನು ಕಂಡರು. ಅವರ ಜೀವನದಲ್ಲಿ ಕೆಲ ಕಹಿ ಘಟನೆಗಳು ನಡೆದು ಹೋಗಿವೆ. ಆದರೆ ಸದ್ಯ ತಮ್ಮ ಮಗಳ ಜೊತೆ ಸಂತೋಷದ ಕ್ಷಣಗಳನ್ನು ಕಳೆಯುತ್ತಿದ್ದಾರೆ. ಶ್ರುತಿ ಸಿಂಗಲ್​ ಮದರ್​ ಆಗಿ ತಮ್ಮ ಮುದ್ದಿನ ಮಗಳು ಗೌರಿ ಅವರನ್ನು ಬೆಳೆಸುವಲ್ಲಿ ಯಶಸ್ವಿಯಾಗಿದ್ದಾರೆ. ತಾಯಂತೆ ಮಗಳೂ ಕೂಡ ಪ್ರತಿಭಾನ್ವಿತೆಯಾಗಿದ್ದು, ಗೌರಿ ಉತ್ತಮ ಹಾಡುಗಾರರಾಗಿದ್ದಾರೆ.

ಮಾಲ್ಡೀವ್ಸ್​ಗೆ ಹಾರಿದ ನಟಿ ಶ್ರುತಿ

ಶ್ರುತಿ ಇಂದು ತಮ್ಮ 47ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದು, ತಾಯಿಯ ಹುಟ್ಟುಹಬ್ಬಕ್ಕಾಗಿ ಮಗಳು ಗೌರಿ ಸಪ್ರೈಸ್​ ಪ್ಲಾನ್​ ಮಾಡಿದ್ದಾರೆ. ಪ್ರತಿ ಬಾರಿಯೂ ಹೊಸ ಜಾಗಕ್ಕೆ ಭೇಟಿ ಕೊಡುತ್ತಿದ್ದ ಈ ತಾಯಿ ಮಗಳ ಜೋಡಿ ಈಗ ಮಾಲ್ಡೀವ್ಸ್​ಗೆ ಹಾರಿದ್ದಾರೆ. ಶ್ರುತಿ ಈ ಬಾರಿ ಹುಟ್ಟುಹಬ್ಬವನ್ನು ತಮ್ಮ ಮಗಳ ಜೊತೆ ಮಾಲ್ಡೀವ್ಸ್​ನಲ್ಲಿ ಆಚರಿಸುತ್ತಿದ್ದಾರೆ.

ಸ್ಪೆಷಲ್​ ವಿಡಿಯೋ ಹಂಚಿಕೊಂಡ ಗೌರಿ ಶ್ರುತಿ

ಮಾಲ್ಡೀವ್ಸ್​ನಲ್ಲಿ ಕಳೆದ ಕ್ಷಣಗಳ ಫೋಟೊವನ್ನು ಶ್ರುತಿ ಹಾಗೂ ಗೌರಿ ನಮ್ಮ ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಇನ್ನು ಶ್ರುತಿ ಅವರ ಸುಂದರವಾದ ಫೋಟೊಗಳನ್ನು ಹಂಚಿಕೊಂಡಿರುವ ಗೌರಿ ಶ್ರುತಿ ತಾಯಿಯೊಂದಿಗೆ ಸಾಹಸ ಸಿಂಹ ವಿಷ್ಣುವರ್ಧನ್​ ಅವರಿಗೂ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ. ಸೂರಪ್ಪ ಚಿತ್ರದ ಹಾಡೊಂದನ್ನು ಶೇರ್​ ಮಾಡಿರುವ ಗೌರಿ ಶ್ರುತಿ ಶುಭಾಶಯ ಕೋರಿದ್ದಾರೆ.

ನಗುತಾ ಬಾಳು ಬಾಳು ಎಂದು ಹಾರೈಸಿದ ಶರಣ್​

ಇನ್ನು ನಟ ಶರಣ್​ ತಮ್ಮ ಸಹೋದರಿ ಶ್ರುತಿ ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ. ತಮ್ಮ ಸೋಶಿಯಲ್​ ಮೀಡಿಯಾದಲ್ಲಿ ಫೋಟೊ ಹಂಚಿಕೊಂಡಿರುವ ಶ್ರುತಿ ನಗುತಾ ನಗುತಾ ಬಾಳು ನೀನು ನೂರು ವರುಷ ಎಂದು ಹಾರೈಸಿದ್ದಾರೆ. ಸದ್ಯ ರಿಯಾಲಿಟಿ ಶೋಗಳಲ್ಲಿ ತೀರ್ಪುಗಾರರಾಗಿ ಕಾಣಿಸಿಕೊಳ್ಳುತ್ತಿರುವ ಶ್ರುತಿ ಅವರಿಗೆ ಗಿಚ್ಚಿ ಗಿಲಿ ಗಿಲಿ ತಂಡವೂ ಸಹ ಹುಟ್ಟುಹಬ್ಬಕ್ಕೆ ವಿಶೇಷವಾಗಿ ಶುಭಾಶಯ ಕೋರಿದ್ದಾರೆ.