Don't Miss!
- News Lok Sabha Election 2024: ಬೆಂಗಳೂರು ಉತ್ತರದಲ್ಲಿ ಬಿಜೆಪಿಯದ್ದೇ ಪ್ರಾಬಲ್ಯ! ಶೋಭಾ ಎದುರು ‘ಕೈ’ ಅಸ್ತ್ರ ವರ್ಕೌಟ್ ಆಗುತ್ತಾ?
- Lifestyle ಕಂಡ ಕಂಡಲ್ಲಿ ಏಕೆ ಉಗುಳಬಾರದು ಗೊತ್ತಾ? ಈ ವಿಡಿಯೋ ನೋಡಿ..!
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Sports IPL 2024: ರಾಜಸ್ಥಾನ್ ರಾಯಲ್ಸ್ vs ಡೆಲ್ಲಿ ಕ್ಯಾಪಿಟಲ್ಸ್ ರೋಚಕ ಪಂದ್ಯದ ಟಾಸ್ ವರದಿ, ಆಡುವ 11ರ ಬಳಗ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ನನ್ನ ವಿರುದ್ಧ ಸಾಕ್ಷ್ಯವೇ ಇಲ್ಲ, ನನ್ನ ಬಕ್ರಾ ಮಾಡಿದ್ದೀರಾ'- ಸಂಜನಾ ಗಲ್ರಾನಿ
ಡ್ರಗ್ಸ್ ಪ್ರಕರಣದಲ್ಲಿ ನಟಿ ರಾಗಿಣಿ ದ್ವಿವೇದಿ ಹಾಗೂ ಸಂಜನಾ ಅವರನ್ನು ಸಿಸಿಬಿ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ. ಕೋರ್ಟ್ ಮುಂದೆ ಹಾಜರು ಪಡಿಸಿ ಹೆಚ್ಚಿನ ತನಿಖೆಗಾಗಿ ವಶಕ್ಕೆ ಪಡೆದುಕೊಂಡಿದ್ದಾರೆ.
ತನಿಖೆ ವೇಳೆ ನಟಿ ಸಂಜನಾ ಮತ್ತು ರಾಗಿಣಿ ಇಬ್ಬರು 'ಡ್ರಗ್ಸ್ ಸೇವಿಸಿರುವ' ಬಗ್ಗೆ ತಪ್ಪು ಒಪ್ಪಿಕೊಂಡಿದ್ದಾರೆ ಎಂಬ ಸುದ್ದಿಗಳು ಬಿತ್ತರವಾಗಿದ್ದವು. ಆದರೆ, ಇದಕ್ಕೆಲ್ಲ ವಿರುದ್ಧವಾದ ಘಟನೆ ನಿನ್ನೆ ನಡೆದಿದೆ. ಸಂಜನಾ ಮತ್ತು ರಾಗಿಣಿ ಅವರನ್ನು ವೈದ್ಯಕೀಯ ತಪಾಸಣೆಗಾಗಿ ಆಸ್ಪತ್ರೆಗೆ ಕರೆದುಕೊಂಡು ಬರಲಾಗಿತ್ತು. ಈ ವೇಳೆ ವೈದ್ಯರಿಗೆ ಸಹಕರಿಸದ ಸಂಜನಾ ''ನನ್ನ ವಿರುದ್ಧ ಸಾಕ್ಷ್ಯವೇ ಇಲ್ಲ, ಬಕ್ರಾ ಮಾಡಿದ್ದೀರಾ'' ಎಂದು ಹೇಳಿದ್ದಾರೆ. ಈ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಅರೆಸ್ಟ್ ಏಕೆ ಮಾಡಿದ್ದೀರಾ?
ಆಸ್ಪತ್ರೆಯಲ್ಲಿ ಸಂಜನಾ ಅವರ ರಕ್ತ ಪರೀಕ್ಷೆಗಾಗಿ ವೈದ್ಯರು ಮುಂದಾಗ್ತಾರೆ. ಈ ವೇಳೆ ಸಂಜನಾ ಅವರು ರಕ್ತ ಪರೀಕ್ಷೆಗೆ ಒಪ್ಪುವುದಿಲ್ಲ. ''ಮೊದಲು ನನ್ನನ್ನು ಏಕೆ ಅರೆಸ್ಟ್ ಮಾಡಿದ್ದೀರಾ, ನನಗೆ ಕಾರಣವೇ ಕೊಟ್ಟಿಲ್ಲ. ಸುಮ್ಮನೆ ಮೀಡಿಯಾಗಳಲ್ಲಿ ನನ್ನ ಬಕ್ರಾ ಮಾಡ್ಕೊಂಡು ಕರೆದುಕೊಂಡು ಬಂದಿದ್ದೀರಾ'' ಎಂದು ನಟಿ ಸಂಜನಾ ನಿರಾಕರಿಸಿದ್ದಾರೆ.
'ಡ್ರಗ್ಸ್ ಪ್ರಕರಣದಲ್ಲಿ ಮೂವರು ನಟಿಯರು ಮಾತ್ರನಾ'? ಪಾರೂಲ್ ಯಾದವ್ ಪ್ರಶ್ನೆ
ನನ್ನದೇ ರಕ್ತ ಎಂಬ ಭರವಸೆ ಇಲ್ಲ
''ಒಂದು ವೇಳೆ ನಾನು ರಕ್ತ ಪರೀಕ್ಷಗೆ ಒಳಗಾದರೂ, ಅದು ನನ್ನ ರಕ್ತದ ಫಲಿತಾಂಶ ಎನ್ನುವ ಭರವಸೆ ನನಗೆ ಇಲ್ಲ. ನನಗೆ ನಂಬಿಕೆ ಇಲ್ಲ'' ಎಂದು ವೈದ್ಯರ ಮುಂದೆ ಸಂಜನಾ ಪ್ರಶ್ನಿಸಿದ್ದಾರೆ. 'ನನ್ನನ್ನು ಒತ್ತಾಯ ಮಾಡಿ ರಕ್ತ ಪರೀಕ್ಷೆ ಮಾಡುವಂತಿಲ್ಲ, ಇದು ಕಾನೂನು ಬಾಹಿರ ಎಂದು ಸಹ' ಪರೀಕ್ಷೆಗೆ ನಿರಾಕರಿಸಿದರು.
ನನ್ನ ವಿರುದ್ಧ ಸಾಕ್ಷ್ಯವೇ ಇಲ್ಲ
''ಇಲ್ಲಿಯವರೆಗೂ ನನ್ನ ಬಕ್ರಾ ಮಾಡ್ಕೊಂಡು ಕರೆದುಕೊಂಡು ಬಂದಿದ್ದೀರಾ. ಇದುವರೆಗೂ ನನ್ನ ವಿರುದ್ಧ ಒಂದು ಸಾಕ್ಷ್ಯವೂ ಇಲ್ಲ. ನಾನು ಏನೂ ತಪ್ಪು ಮಾಡಿಲ್ಲ. ನಾನು ಯಾರಿಗೋ ಫೋನ್ ಮಾಡಿದ್ರೆ, ಅವರು ಯಾರೊಗೋ ಫೋನ್ ಮಾಡಿದ್ರೆ ಅದಕ್ಕೆ ನಾನು ಜವಾಬ್ದಾರಿಯಲ್ಲ'' ಎಂದು ಸಂಜನಾ ಪ್ರಶ್ನಿಸಿದ್ದಾರೆ.
ಸಂಜನಾ ಅರೆಸ್ಟ್: ಬೆಳಗ್ಗೆಯಿಂದ ಇಲ್ಲಿವರೆಗೂ ನಡೆದ ಬೆಳವಣಿಗೆಯ ವಿವರ
Recommended Video
ತನಿಖೆಗೆ ಸಹಕರಿಸುತ್ತಿಲ್ಲ!
ಐದು ದಿನಗಳ ಕಾಲ ಸಿಸಿಬಿ ವಶದಲ್ಲಿರುವ ನಟಿ ಸಂಜನಾ ಅವರನ್ನು ಮತ್ತೆ ಕೋರ್ಟ್ ಮುಂದೆ ಹಾಜರು ಪಡಿಸಲಾಗುವುದು. ಈ ವೇಳೆ ಹೆಚ್ಚಿನ ತನಿಖೆಗಾಗಿ ಮತ್ತೆ ಸಿಸಿಬಿ ವಶಕ್ಕೆ ಪೊಲೀಸರು ಕೇಳುವ ಸಾಧ್ಯತೆ ಇದೆ. ತನಿಖೆಗೆ ಸೂಕ್ತ ರೀತಿಯಲ್ಲಿ ಸಹಕರಿಸುತ್ತಿಲ್ಲ ಎಂದು ಪೊಲೀಸರು ಕಾರಣ ನೀಡಬಹುದು.