'ವಿಶ್ವ ತಂದೆಯರ ದಿನ'ದಂದು ಅಗಲಿದ ತಂದೆಯನ್ನು ನೆನೆದ ಕನ್ನಡ ತಾರೆಯರು

ದರ್ಶನ್ ಮಾಡಿರುವ ಟ್ವೀಟ್ ಇದು

''ಅಪ್ಪ ಅಂದ್ರೆ ಸಾವಿರ ಆನೆಗಳ ಬಲ. ಮಕ್ಕಳ ಮೊದಲ ಹೀರೋ. ಎಲ್ಲರಿಗೂ ಅವರ ಋಣ ತೀರಿಸುವ ಅದೃಷ್ಟ ಸಿಗುವುದಿಲ್ಲ. ಅವರ ಮುಪ್ಪಿನಲ್ಲಿ ನೀವು ತಂದೆಯಾಗಿ ಅವರನ್ನು ಪ್ರೀತಿಯಿಂದ ನೋಡಿಕೊಳ್ಳಿ. ಎಲ್ಲರಿಗೂ ಅಪ್ಪಂದಿರ ದಿನಾಚರಣೆಯ ಹಾರ್ದಿಕ ಶುಭಾಶಯಗಳು'' ಎಂದ ತಮ್ಮ ತಂದೆಯೊಂದಿಗೆ ಹಾಗೂ ತಮ್ಮ ಮಗನೊಂದಿಗೆ ಇರುವ ಫೋಟೋಗಳನ್ನು ದರ್ಶನ್ ಶೇರ್ ಮಾಡಿದ್ದಾರೆ.

ನಟಿ ಹರಿಪ್ರಿಯಾ ಮಾಡಿರುವ ಟ್ವೀಟ್ ನೋಡಿ...

''ಪ್ರತಿ ದಿನ ನಾನು ನಿಮ್ಮನ್ನ ಮಿಸ್ ಮಾಡಿಕೊಳ್ಳುವೆ ಅಪ್ಪ. ಆದ್ರೆ, ಇಂದು ಎಲ್ಲರೂ ತಮ್ಮ ತಂದೆ ಜೊತೆಗಿನ ಹೊಸ ಫೋಟೋಗಳನ್ನು ಶೇರ್ ಮಾಡುತ್ತಿರುವುದನ್ನ ನೋಡಿ ಹಿಂದೆಂದಿಗಿಂತಲೂ ನಾನು ನಿಮ್ಮನ್ನು ಹೆಚ್ಚು ಮಿಸ್ ಮಾಡಿಕೊಳ್ಳುತ್ತಿರುವೆ. ನಿಮ್ಮೊಂದಿಗೆ ನಾನು ಕಳೆದ ಪ್ರತಿ ಕ್ಷಣವೂ ಅಮೂಲ್ಯವಾದದ್ದು. ಎಲ್ಲ ತಂದೆಯರಿಗೂ ಅಪ್ಪಂದಿರ ದಿನಾಚರಣೆಯ ಶುಭಾಶಯಗಳು'' - ಹರಿಪ್ರಿಯಾ

ಅಪ್ಪನನ್ನ ನೆನೆದ ದಿನಕರ್

''ಅಪ್ಪಂದಿರ ದಿನಾಚರಣೆಯ ಶುಭಾಶಯಗಳು'' ಎಂದು ಎಲ್ಲರಿಗೂ ಶುಭಾಶಯಗಳನ್ನು ಕೋರಿ ತಮ್ಮ ತಂದೆ ತೂಗುದೀಪ ಶ್ರೀನಿವಾಸ್ ರವರ ಫೋಟೋ ಹಾಗೂ ತಮ್ಮ ಮಕ್ಕಳೊಂದಿಗೆ ತಾವಿರುವ ಇರುವ ಫೋಟೋವನ್ನ ದಿನಕರ್ ತೂಗುದೀಪ ಶೇರ್ ಮಾಡಿದ್ದಾರೆ.

ತಂದೆಯ ನೆನಪಲ್ಲಿ ಮಕ್ಕಳು

ಅಪ್ಪನ ಆಶೀರ್ವಾದದಿಂದ, ಅಪ್ಪ ನಡೆದ ಹಾದಿಯಲ್ಲೇ ನಡೆಯುತ್ತಿರುವ ತರುಣ್ ಸುಧೀರ್ ಹಾಗೂ ನಂದಕಿಶೋರ್ ಇಂದು ಅಪ್ಪಂದಿರ ದಿನಾಚರಣೆಯಂದು ತಂದೆಯನ್ನ ನೆನೆಸಿಕೊಳ್ಳದೇ ಇರಲಾರರು.