ವೇಶ್ಯಾವಾಟಿಕೆ ಪ್ರಕರಣದಲ್ಲಿ ನಟಿ ಸಂಗೀತಾ ಅರೆಸ್ಟ್

Recommended Video

ತಮಿಳು ಕಿರುತೆರೆಯಲ್ಲಿ ಸಾಕಷ್ಟು ಪ್ರಖ್ಯಾತಿ ಹೊಂದಿದ್ದ ನಟಿ ಸಂಗೀತಾ ಬಾಲನ್ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಚೆನೈನ ರೆಸಾರ್ಟ್ ನಲ್ಲಿ ವೇಶ್ಯಾವಾಟಿಕೆ ನಡೆಸುತ್ತಿದ್ದ ಆರೋಪದಲ್ಲಿ ಸಂಗೀತಾ ಬಾಲನ್ ಪೊಲೀಸರ ಅಥಿತಿ ಆಗಿದ್ದಾರೆ.

ಸಂಗೀತಾ ಅವರ ಜೊತೆಯಲ್ಲಿ ಸತೀಶ್ ಎನ್ನುವ ವ್ಯಕ್ತಿಯನ್ನು ಪೊಲೀಸರು ಬಂದಿಸಿದ್ದಾರೆ ಎಂದು ತಿಳಿದು ಬಂದಿದೆ. ಇವರಿಬ್ಬರು ಯುವತಿಯರಿಗೆ ಸಿನಿಮಾ-ಧಾರಾವಾಹಿಗಳಲ್ಲಿ ನಟಿಸಲು ಅವಕಾಶ ನೀಡುವುದಾಗಿ ಮತ್ತು ಒಳ್ಳೆ ಕಂಪನಿಗಳಲ್ಲಿ ಕೆಲಸ ಕೊಡಿಸುವುದಾಗಿ ಆಮಿಷ ತೋರಿಸಿ ಕರೆತಂದು ನಂತರ ಅವರನ್ನು ವೇಶ್ಯಾವಾಟಿಕೆಗೆ ಬಳಸುತ್ತಿದ್ದರು ಎನ್ನುವ ಆರೋಪವಿದೆ.

ಸಂಗೀತಾ ಮತ್ತು ಸತೀಶ್ ಅವರನ್ನು ಎಗ್ಮೋರ್ನಲ್ಲಿನ ಮುಖ್ಯ ಮೆಟ್ರೋಪಾಲಿಟನ್ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯಕ್ಕೆ ಹಾಜರು ಪಡಿಸಿ ನಂತರ ಜೈಲಿಗೆ ಕಳುಹಿಸಲಾಗಿದೆ. ಸಂಗೀತಾ ಬಾಲನ್ ತಮಿಳು ಕಿರುತೆರೆಯಲ್ಲಿ ಸಾಕಷ್ಟು ಪ್ರಸಿದ್ದಿ ಹೊಂದಿದ್ದರು.

1996 ರಲ್ಲಿ ಕರುಪ್ಪು ರೋಜಾ ಸಿನಿಮಾದೊಂದಿಗೆ ತಮಿಳು ಚಲನಚಿತ್ರೋದ್ಯಮಕ್ಕೆ ಕಾಲಿಟ್ಟಿದ್ದರು. ನಂತರ ವಾನಿ ರಾಣಿ, ಚೆಲ್ಲಾಮ ಅವಲ್ ಮತ್ತು ವಲ್ಲಿಯಂತಹ ಕಾರ್ಯಕ್ರಮದ ಮೂಲಕ ಸಂಗೀತಾ ಬಾಲನ್ ಫೇಮಸ್ ಆಗಿದ್ದರು.