ಡ್ರಗ್ಸ್ ಆರೋಪ ಮಾಡಿದ ಪ್ರಶಾಂತ್ ಸಂಬರಗಿಯನ್ನು ನಾಯಿಗೆ ಹೋಲಿಸಿದ ನಟಿ

ನನ್ನ ಹೆಸರು ಹೇಳುವ ಯೋಗ್ಯತೆ ಅವನಿಗಿಲ್ಲ: ಸಂಜನಾ ಕಿಡಿ

'ನಾನು ಡ್ರಗ್ಸ್ ವಿವಾದದ ಬಗ್ಗೆ ಈಗ ಮಾತನಾಡುವುದಿಲ್ಲ. ನನಗೆ ಚೀಪ್ ಪಬ್ಲಿಸಿಟಿ ಬೇಕಾಗಿಲ್ಲ. ಪ್ರಶಾಂತ್ ಸಂಬರಗಿಯನ್ನು ನಾನು ಭೇಟಿಯಾಗಿಲ್ಲ, ಆತ ಯಾರೆಂಬುದೂ ನನಗೆ ಗೊತ್ತಿಲ್ಲ. ನನ್ನ ಹೆಸರು ತೆಗೆದುಕೊಳ್ಳುವ ಯೋಗ್ಯತೆಯೂ ಆತನಿಗೆ ಇಲ್ಲ' ಎಂದು ಆಕ್ರೋಶ ಹೊರಹಾಕಿದ್ದಾರೆ.

ನಾನು 43 ಸಿನಿಮಾಗಳಲ್ಲಿ ಕೆಲಸ ಮಾಡಿದ್ದೀನಿ: ಸಂಜನಾ

'ಗಂಡ-ಹೆಂಡತಿ' ಒಂದು ಸಿನಿಮಾ ಮಾಡಿ ಇಷ್ಟೋಂದು ಹಣ ಹೇಗೆ ಸಂಪಾದನೆ ಮಾಡಿದಳು ಎಂದು ಪ್ರಶ್ನೆ ಮಾಡಿದ್ದಾರೆ. ನನ್ನ ವಿಕಿಪೀಡಿಯಾ ಪೇಜ್ ನೋಡಿ, ನಾನು 43 ಸಿನಿಮಾಗಳಲ್ಲಿ ನಟಿಸಿದ್ದೇನೆ. ಬಾಲಿವುಡ್‌ನಲ್ಲಿ ಟಿವಿಗಳಲ್ಲಿಯೂ ಕೆಲಸ ಮಾಡಿದ್ದೇನೆ. ಪವನ್ ಕಲ್ಯಾಣ್, ಪ್ರಭಾಸ್, ಮೋಹನ್ ಲಾಲ್, ಸುದೀಪ್, ದರ್ಶನ್, ಶಿವಣ್ಣ ಅವರಂಥಹವರೊಟ್ಟಿಗೆ ಕೆಲಸ ಮಾಡಿದ್ದೇನೆ ಎಂದಿದ್ದಾರೆ ಸಂಜನಾ.

'ಹದಿನಾರು ವರ್ಷ ಸಿನಿಮಾ ರಂಗದಲ್ಲಿ ಕೆಲಸ ಮಾಡಿದ್ದೀನಿ'

ಹದಿನಾರು ವರ್ಷ ನಾನು ಸಿನಿಮಾರಂಗದಲ್ಲಿ ಕೆಲಸ ಮಾಡಿದ್ದೇನೆ. ನಾನು ಸಂಪಾದಿಸಿರುವ ಒಂದೊಂದು ರೂಪಾಯಿಗೂ ನನ್ನ ಬಳಿ ಲೆಕ್ಕವಿದೆ. ನಾನು ಪ್ರಶಾಂತ್ ಸಂಬರಗಿ ಅಂಥಹವರಿಗೆ ಉತ್ತರ ಕೊಡಬೇಕಿಲ್ಲ ಎಂದಿದ್ದಾರೆ ಸಂಜನಾ.

ನಟಿಯರು ಅಶಕ್ತರೆಂದು ಆರೋಪ ಮಾಡುತ್ತಿದ್ದಾರೆ: ಸಂಜನಾ

ನಾಯಕಿ ನಟಿಯರು ಅಶಕ್ತರು ಎಂದು ಅವರ ಮೇಲೆ ಆರೋಪಗಳನ್ನು ಮಾಡುತ್ತಿದ್ದಾರೆ. ಆತನಿಗೆ ನನ್ನ ಹೆಸರು ಹೇಳುವ ಧೈರ್ಯ ಸಹ ಇಲ್ಲ. ಅಷ್ಟು ಸಣ್ಣ ವ್ಯಕ್ತಿ ಆತ ಎಂದು ಪ್ರಶಾಂತ್ ಸಂಬರಗಿ ವಿರುದ್ಧ ಹರಿಹಾಯ್ದಿದ್ದಾರೆ ಸಂಜನಾ ಗಲ್ರಾನಿ.