'ಕೆಜಿಎಫ್-2'ಗೆ ಸಂಜಯ್ ದತ್ ಎಂಟ್ರಿ: ನಿರ್ಮಾಪಕ ವಿಜಯ್ ಹೇಳಿದ್ದೇನು?

ಸಂಜಯ್ ದತ್ ಬರಬಹುದು.!

ಈಗಾಗಲೇ ಸುದ್ದಿಯಾಗಿರುವಂತೆ ಕೆಜಿಎಫ್ ಚಾಪ್ಟರ್ 2 ಚಿತ್ರಕ್ಕೆ ಬಾಲಿವುಡ್ ನಟ ಸಂಜಯ್ ದತ್ ಬರಬಹುದು ಎಂದು ಸ್ವತಃ ನಿರ್ಮಾಪಕರೇ ಬಹಿರಂಗಪಡಿಸಿದ್ದಾರೆ. ದತ್ ಜೊತೆ ಒಂದು ಸುತ್ತಿನ ಮಾತುಕತೆ ಕೂಡ ಆಗಿದೆ. ಆದ್ರೆ, ಸದ್ಯಕ್ಕೆ ಖಚಿತವಾಗಿಲ್ಲ ಎಂದು ವಿಜಯ್ ಕಿರಗಂದೂರ್ ಹೇಳಿದ್ದಾರೆ.

ಮೂರ್ನಾಲ್ಕು ಖಳನಟರು.!

ಸಂಜಯ್ ದತ್ ಮಾತ್ರವಲ್ಲ, ಚಾಪ್ಟರ್ 2 ನಲ್ಲಿ ಮೂರ್ನಾಲ್ಕು ಹೊಸ ಖಳನಾಯಕರು ಬರುವ ಸಾಧ್ಯತೆ ಇದೆ. ಆದ್ರೆ, ಯಾರು ಎಂಬುದನ್ನ ಪಕ್ಕಾ ಆಗಿಲ್ಲ. ಕಥೆಯಲ್ಲಿ ಟ್ವಿಸ್ಟ್, ರೋಚಕತೆ ಇರಲಿದ್ದು, ಅದಕ್ಕೆ ತಕ್ಕಂತೆ ಖಳನಾಯಕರು ಇರಲಿದ್ದಾರೆ ಎಂದು ವಿಜಯ್ ತಿಳಿಸಿದ್ದಾರೆ.

ದತ್ ಓಕೆ ಎನ್ನಬಹುದು.!

ಕೆಜಿಎಫ್ ಚಿತ್ರದ ಯಶಸ್ಸು ನೋಡಿರುವ ಸಂಜಯ್ ದತ್, ಬಹುಶಃ ಚಾಪ್ಟರ್ 2 ಚಿತ್ರಕ್ಕೆ ಒಪ್ಪಿಕೊಂಡರು ಯಾವುದೇ ಅನುಮಾನವಿಲ್ಲ. ಇದೊಂದು ಪ್ಯಾನ್ ಇಂಡಿಯಾ ಸಿನಿಮಾವಾಗಿರುವುದರಿಂದ ಸಂಜಯ್ ದತ್ ಮನಸ್ಸು ಮಾಡಬಹುದು. ಒಂದು ವೇಳೆ ದತ್ ನಿರಾಕರಿಸಿದರೂ, ಆ ಜಾಗಕ್ಕೆ ಬೇರೆ ಯಾರಾದರೂ ಖ್ಯಾತ ನಟ ಬರಬಹುದು.

ಸಂಜು ಬಂದ್ರೆ ಕೆಜಿಎಫ್ ಹವಾ ಹೆಚ್ಚಾಗುತ್ತೆ

ಒಂದು ವೇಳೆ ಸಂಜಯ್ ದತ್ 'ಕೆಜಿಎಫ್' ಚಾಪ್ಟರ್ 2 ಸೇರಿಕೊಂಡರೇ, ಈ ಚಿತ್ರದ ಖದರ್ ಮತ್ತಷ್ಟು ಹೆಚ್ಚಾಗುತ್ತೆ. ನಿರೀಕ್ಷೆ ಬೆಟ್ಟದಷ್ಟಾಗುತ್ತೆ. ಯಶ್ ಎದುರು ಸಂಜಯ್ ದತ್ ಅವರನ್ನ ನೋಡಲು ಮಜಾ ಇರುತ್ತೆ. ಇದು ಸಾಧ್ಯವಾಗಲಿ ಎಂದು ಯಶ್ ಅಭಿಮಾನಿಗಳು ಆಸೆಪಡ್ತಿದ್ದಾರೆ.