'ಗಂಡ ಹೆಂಡತಿ' ಸಂಧಾನ: ಆರೋಪ ಮಾಡಿದ್ದು ಸಂಜನಾ, 'ಸಾರಿ' ಕೇಳಿದ್ದು ಅವರೇ.!

ನಾನು ಹೇಳಿದ್ದು ನಿಜ

'ಮೀಟೂ ಅಭಿಯಾನದಲ್ಲಿ ನಾನು ಹೇಳಿದ್ದೆಲ್ಲಾ ಸತ್ಯ. ನನ್ನ ಆರೋಪದಲ್ಲಿ ಸುಳ್ಳಿಲ್ಲ. ಸಿನಿಮಾ ಮಾಡುವಾಗ ನನಗೆ ಚಿಕ್ಕ ವಯಸ್ಸು. ಏನೂ ಮಾಡಬೇಕು ಎಂದು ಗೊತ್ತಿರಲಿಲ್ಲ. ಮೀಟೂ ಅಭಿಯಾನ ಬಂದ ಮೇಲೆ ನನ್ನ ಅನುಭವ ಹಂಚಿಕೊಂಡಿದ್ದೆ'' ಎಂದು ಹೇಳುವ ಸಂಜನಾ, 'ನನ್ನ ಹೇಳಿಕೆಯಿಂದ ನಿರ್ದೇಶಕ ರವಿಶ್ರೀವತ್ಸಗೆ ನೋವಾಗಿದೆ. ಅವರಲ್ಲಿ ನಾನು ಕ್ಷಮೆ ಕೇಳುತ್ತೇನೆ' ಎಂದಿದ್ದಾರೆ.

ಹಿರಿಯರ ಮಾತಿಗೆ ಗೌರವ

ಈ ವಿವಾದಕ್ಕೆ ಸಂಬಂಧಪಟ್ಟಂತೆ ಸಂಜನಾ ನಿರ್ದೇಶಕ ಸಂಘಕ್ಕೆ ಬಂದು ಮಾತನಾಡಬೇಕು ಎಂದು ಅಧ್ಯಕ್ಷ ನಾಗೇಂದ್ರ ಪ್ರಸಾದ್ ಹೇಳಿದ್ದರು. ಆದ್ರೆ, ವಿದೇಶದಲ್ಲಿ ನಟಿ ಸಂಜನಾ ಆ ಸಮಯದಲ್ಲಿ ಬರಲು ಸಾಧ್ಯವಾಗಿರಲಿಲ್ಲ. ಇಂದು ನಿರ್ದೇಶಕ ಸಂಘಕ್ಕೆ ಭೇಟಿ ನೀಡಿದ್ದ ಸಂಜನಾ, ಸಂಘದ ಅಧ್ಯಕ್ಷ ವಿ ನಾಗೇಂದ್ರ ಪ್ರಸಾದ್ ಅವರ ಸಮ್ಮುಖದಲ್ಲಿ ಕ್ಷಮೆ ಕೇಳಿದ್ದಾರೆ. ಕಲಾವಿದರ ಸಂಘದ ಹಿರಿಯರಾದ ರಾಕ್ ಲೈನ್ ವೆಂಕಟೇಶ್, ಅಂಬರೀಶ್ ಹಾಗೂ ನಿರ್ದೇಶಕ ಸಂಘ ಅವರ ಮಾತಿಗೆ ಬೆಲೆ ಕೊಟ್ಟು ನಾನು ಕ್ಷಮೆ ಕೇಳುತ್ತಿದ್ದೇನೆ ಎಂದು ಈ ವಿವಾದಕ್ಕೆ ಅಂತ್ಯವಾಡಿದರು.

ರವಿಶ್ರೀವತ್ಸ ಏನಂದ್ರು.?

'ಸಂಜನಾ ಅವರು ನನ್ನನ್ನು ಕ್ಷಮೆ ಕೇಳಿದ್ದಾರೆ. ನಾನು ಗೆದ್ದಿದ್ದೇನೆ. ಇನ್ನು ಈ ಬಗ್ಗೆ ನಾನು ಮಾತನಾಡುವುದಿಲ್ಲ'' ಎಂದು ನಿರ್ದೇಶಕ ರವಿ ಶ್ರೀವತ್ಸ ಹೇಳಿದ್ದಾರೆ. ಅಲ್ಲಿಗೆ ಸಂಜನಾ ಕ್ಷಮೆಯಿಂದ ನಿರ್ದೇಶಕರು ಸಮಾಧಾನಗೊಂಡಿದ್ದಾರೆ.

'ಗಂಡ-ಹೆಂಡತಿ' ವಿವಾದ ಅಂತ್ಯ

ಇನ್ನು ಆರೋಪ ಮಾಡಿದಾಗ, ಅವರು ಹಾಗೆ, ಅವರು ಹೀಗೆ ಎಂದೆಲ್ಲಾ ಹೇಳಿದ್ದ ಸಂಜನಾ, ಕ್ಷಮೆ ಕೇಳಿಬಿಟ್ಟರಲ್ಲ. ಹಾಗಾದ್ರೆ, ಅವರ ಆರೋಪದಲ್ಲಿ ಸತ್ಯವಿರಲಿಲ್ವಾ.? ಹಿರಿಯರ ಮಾತಿಗೆ ಬೆಲೆ ಕೊಟ್ಟು ಕ್ಷಮೆ ಅಂತಿದ್ದಾರೆ. ಬಟ್, ಆತ್ಮಗೌರವಕ್ಕಿಂತ ಹಿರಿಯರ ಮಾತು ದೊಡ್ಡದಾಯಿತಾ.? ಎಂಬ ಅನುಮಾನಗಳು ಈಗ ಕಾಡುತ್ತಿದೆ.