'ಟಾಪ್ ಲೆಸ್' ವಿವಾದದಿಂದ ಕಣ್ಣೀರು ಹಾಕಿದ ಸಂಜನಾ ತಾಯಿ

ಸಂಜನಾ ಬೆತ್ತಲೆ ಆಗಿದ್ದಾರೆ ಎಂಬ ಸುದ್ದಿ ಕೋಲಾಹಲ ಸೃಷ್ಟಿಸಿತ್ತು. ಆದರೆ ಈ ವಿಷಯ ಸಂಜನಾ ಅವರ ತಾಯಿಗೆ ದೊಡ್ಡ ನೋವು ಉಂಟು ಮಾಡಿದೆ. ಮಗಳ ಈ ರೀತಿಯ ಸುದ್ದಿ ಕೇಳಿದ ಅವರು ಸುದ್ದಿಗೋಷ್ಠಿಯಲ್ಲಿ ಕಣ್ಣೀರಿಟ್ಟರು.

ಇಂದು ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಸಂಜನಾ ತಾಯಿ ''ನಾವು ಏನು ತಪ್ಪು ಮಾಡದಿದ್ದರೂ ಜನ ನಮ್ಮನ್ನು ದೂರುತ್ತಿದ್ದಾರೆ. ಅದು ನಮಗೆ ನೋವು ಕೊಡುತ್ತಿದೆ. ಶೂಟಿಂಗ್ ವೇಳೆಯಲ್ಲಿ ನಾನು ಅದೇ ಜಾಗದಲ್ಲಿ ಇದ್ದೇ. ಆಕೆ ಆ ದೃಶ್ಯದ ಫೋಟೋಗಳನ್ನು ಅವಳ ತಂಗಿಗೂ ಕಳಿಸಿದ್ದಳು. ಅಲ್ಲೇ ನಾವು ಒಟ್ಟಿಗೆ ಊಟ ಮಾಡಿದ್ದೆವು. ಆದರೆ ಈ ದೃಶ್ಯ ಇಷ್ಟು ದೊಡ್ಡದಾಗುತ್ತದೆ ಎಂದು ಗೊತ್ತಿರಲಿಲ್ಲ'' ಅಂತ ಹೇಳಿ ಕಣ್ಣೀರು ಹಾಕಿದ್ದರು.

ಸದ್ಯ ಈ ವಿವಾದಕ್ಕೆ ಸಂಬಂಧಿಸಿದಂತೆ ಸಂಜನಾ ತಮ್ಮ ಸ್ಪಷ್ಟೀಕರಣ ನೀಡಿದ್ದಾರೆ. ಜೊತೆಗೆ ಈ ವಿಚಾರವಾಗಿ ಫಿಲ್ಮ್ ಚೆಂಬರ್ ನಲ್ಲಿ ದೂರು ನೀಡುವುದಕ್ಕೆ ಸಂಜನಾ ಮುಂದಾಗಿದ್ದಾರೆ.