ಎಲ್ಲರಿಗೂ ಬೀಗರ ಊಟ ಹಾಕಿಸುವ ಆಸೆ ಇತ್ತು; ಭಾವುಕರಾದ ನಟಿ ಸಂಜನಾ

ಬೀಗರ ಊಟ ಹಾಕಿಸುವ ಆಸೆ ಇತ್ತು

ಇಂದು ಕನ್ನಡ ಚಲನಚಿತ್ರ ವಾಣಿಜ್ಯ ಮಂಡಳಿ ಪಕ್ಕದಲ್ಲಿರುವ ಗುರುರಾಜ ಕಲ್ಯಾಣ ಮಂಟಪದಲ್ಲಿ ಸಂಕಷ್ಟದಲ್ಲಿರುವ ಸಿನಿ ಕಾರ್ಮಿಕರಿಗೆ ಆಹಾರ ಕಿಟ್ ವಿತರಿಸಿದರು. ಈ ವೇಳೆ ಮದುವೆ ಬಗ್ಗೆ ಮತ್ತು ಮದುವೆ ವಿಚಾರವಾಗಿ ಕಂಡಿದ್ದ ಕನಸಿನ ಬಗ್ಗೆ ಬಹಿರಂಗ ಪಡಿಸಿದ್ದಾರೆ. ಎಲ್ಲರಿಗೂ ಬೀಗರ ಊಟ ಹಾಕಿಸುವ ಆಸೆ ಇತ್ತು, ಆದರೆ ಲಾಕ್ ಡೌನ್ ಮತ್ತು ಡ್ರಗ್ಸ್ ಪ್ರಕರಣದಿಂದ ಸಾಧ್ಯವಾಗಿಲ್ಲ ಎಂದಿದ್ದಾರೆ.

ಮದುವೆ ಬಗ್ಗೆ ದೊಡ್ಡ ಕನಸು ಕಟ್ಟಿದ್ದೆ

'ಎಲ್ಲರಿಗೂ ಬೀಗರ ಊಟ ಹಾಕಿಸುವ ಆಸೆ ಇತ್ತು. ನನ್ನ ಮದುವೆ ಆಗಿದ್ದು ಲಾಕ್ ಡೌನ್ ನಲ್ಲಿ, ಅಷ್ಟರಲ್ಲೇ ಎರಡನೇ ಲಾಕ್ ಡೌನ್ ಬಂತು. ಮಧ್ಯದಲ್ಲಿ ನನ್ನ ಮೇಲೆ ಆರೋಪ ಬಂತು. ಎಲ್ಲರಿಗೂ ಜೋರಾಗಿ ಊಟ ಹಾಕಿಸಬೇಕು ಎನ್ನುವ ಆಸೆ ಇತ್ತು. ಮದುವೆ ಬಗ್ಗೆ ದೊಡ್ಡ ಕನಸು ಕಟ್ಟಿದ್ದೆ. ಆದರೆ ಆ ಅವಕಾಶವನ್ನು ಭಗವಂತ ಕೊಟ್ಟಿಲ್ಲ' ಎಂದು ಹೇಳುತ್ತಾ ಸಂಜನಾ ಭಾವುಕರಾಗಿದ್ದಾರೆ.

ವಿಡಿಯೋ: ಕೊರೊನಾ ಸಂಕಷ್ಟದಲ್ಲಿ ಸಂಜನಾ ಗಲ್ರಾನಿ ಸಮಾಜ ಸೇವೆ

ಈಗ ಕಷ್ಟದಲ್ಲಿರೋರಿಗೆ ಸಹಾಯ ಮುಖ್ಯ

ಮದುವೆಗೆ ಹಾಕಿಸುವ ಊಟವನ್ನು ಸಂಕಷ್ಟದಲ್ಲಿರುವ ಜನರಿಗೆ ಕೊಡೋಣ ಎಂದು ಅಮ್ಮ ಹೇಳಿದ್ರು ಅಂತ ಸಂಜನಾ ಹೇಳಿದ್ದಾರೆ. 'ಅಮ್ಮ ಹೇಳಿದ್ರು, ಸದ್ಯದ ಪರಿಸ್ಥಿತಿಯಲ್ಲಿ ಮದುವೆ ಊಟ ಹಾಕಿಸಲು ಆಗಲ್ಲ. ಕೊರೊನಾ ಯಾವಾಗ ಹೋಗುತ್ತಾ ಗೊತ್ತಿಲ್ಲ. ಜನ ಈಗ ಇದ್ದ ಸ್ಥಿತಿಯಲ್ಲಿ ಅವರಿಗೆ ಸಹಾಯ ಮಾಡುವುದು ತುಂಬಾ ಮುಖ್ಯ' ಎಂದು ಸಂಜನಾ ಹೇಳಿದ್ದಾರೆ.

Recommended Video

ನಮ್ಮಂತ ಚಿಕ್ಕ ಆರ್ಟಿಸ್ಟ್ ಗಳನ್ನ ಯಾಕೆ ಟಾರ್ಗೆಟ್ ಮಾಡ್ತೀರಾ? | Chandu Gowda | Filmibeat Kannada

ಕಳೆದ ವರ್ಷ ಲಾಕ್ ಡೌನ್ ನಲ್ಲಿ ಮದುವೆ

ಕಳೆದ ವರ್ಷ ಲಾಕ್ ಡೌನ್ ಸಮಯದಲ್ಲಿ ಸಂಜನಾ ಖಾಸಗಿ ಆಸ್ಪತ್ರೆಯಲ್ಲಿ ವೈದ್ಯರಾಗಿ ಕೆಲಸ ಮಾಡುತ್ತಿರುವ ಅಜೀಜ್ ಪಾಷ ಅವರನ್ನು ಮದುವೆಯಾಗಿದ್ದಾರೆ. ಅನೇಕ ವರ್ಷಗಳಿಂದ ಪ್ರೀತಿಸುತ್ತಿದ್ದ ಸಂಜನಾ ಮತ್ತು ಅಜೀಜ್ ಸರಳವಾಗಿ ಕೆಲವೇ ಕೆಲವು ಜನರ ಸಮ್ಮುಖದಲ್ಲಿ ಮದುವೆಯಾಗಿದ್ದಾರೆ.