3ನೇ ಚಿತ್ರಕ್ಕೆ ಚಾಲನೆ ಕೊಟ್ಟ ನಿರ್ದೇಶಕ ಸಂತೋಷ್ ಆನಂದ್ ರಾಮ್

2018 ಕ್ರಿಸ್ ಮಸ್ ಗೆ ಮುಂದಿನ ಸಿನಿಮಾ

ಸಂತೋಷ್ ಆನಂದ್ ರಾಮ್ ಅವರ ಮೂರನೇ ಚಿತ್ರ ಬಿಡುಗಡೆಯಾಗುವುದು 2018ರಲ್ಲಿ. ಮುಂದಿನ ವರ್ಷದ ಕ್ರಿಸ್ ಮಸ್ ಹಬ್ಬಕ್ಕೆ ತಮ್ಮ ಮುಂದಿನ ಚಿತ್ರವನ್ನ ಬಿಡುಗಡೆ ಮಾಡುತ್ತಾರಂತೆ.

ಕಥೆ ಬರೆಯಲು ಕೂತ ನಿರ್ದೇಶಕ

ಮೂರನೇ ಚಿತ್ರದ ಹೀರೋ ಯಾರು? ಎಂಬ ದೊಡ್ಡ ಪ್ರಶ್ನೆಯ ನಡುವೆ ಮೂರನೇ ಚಿತ್ರದ ಕಥೆ ಬರೆಯಲು ನಿರ್ದೇಶಕರು ಕೂತಿದ್ದಾರೆ. ತಮ್ಮ ನಿರ್ದೇಶನದ ತಂಡದ ಜೊತೆ ಸ್ಕ್ರಿಪ್ಟ್ ಕೆಲಸ ಆರಂಭಿಸಿದ್ದಾರೆ.

ನೂತನ ಕಚೇರಿ ಕಾರ್ಯಾರಂಭ

ಸಂತೋಷ್ ಆನಂದ್ ರಾಮ್ ಅವರು ನಿರ್ಮಾಣ ಮಾಡಿರುವ ನೂತನ ಕಚೇರಿಯಲ್ಲಿ ತಮ್ಮ ಕಾರ್ಯಾರಂಭವನ್ನ ಆರಂಭಿಸಿದ್ದಾರೆ. ಈ ಕುರಿತು ಫೋಟೋಗಳನ್ನ ಕೂಡ ತಮ್ಮ ಫೇಸ್ ಬುಕ್ ಪೇಜ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ.

ಹೀರೋ ಯಾರು?

ರಾಕಿಂಗ್ ಸ್ಟಾರ್ ಯಶ್, ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಂತರ ಯಾವ ಸ್ಟಾರ್ ಗೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ ಎನ್ನುವುದು ಗೌಪ್ಯವಾಗಿದೆ. ಸದ್ಯ, ಸ್ಕ್ರಿಪ್ಟ್ ಆರಂಭಿಸಿರುವ ಸಂತೋಷ್, ಸಂಪೂರ್ಣವಾಗಿ ಮುಗಿಸಿದ ನಂತರ ನಾಯಕನ ಬಗ್ಗೆ ಬಹಿರಂಗಪಡಿಸುತ್ತಾರಂತೆ.

ಶಿವಣ್ಣ-ಸುದೀಪ್ ಹೆಸರು ಚಾಲ್ತಿ

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರ ಜೊತೆ 'ರಣರಂಗ' ಅಂತ ಸಿನಿಮಾ ಮಾಡಲಿದ್ದಾರೆ ಎನ್ನುವ ಸುದ್ದಿ ಕೂಡ ಗಾಂಧಿನಗರದಲ್ಲಿದೆ. ಅದರ ಜೊತೆ ಕಿಚ್ಚ ಸುದೀಪ್ ಅವರಿಗೆ ಕಥೆ ಸಿದ್ದಮಾಡುತ್ತಿದ್ದಾರೆ ಎಂದು ಕೂಡ ಹೇಳಲಾಗ್ತಿದೆ. ಆದ್ರೆ, ಸಂತೋಷ್ ಅವರ ಮುಂದಿನ ಯಾರು ಎಂಬುದನ್ನ ಅವರೇ ಹೇಳಬೇಕಿದೆ.