ಊರ್ವಶಿ ಚಿತ್ರಮಂದಿರದಲ್ಲಿಯೂ ಸರ್ಕಾರಿ ಶಾಲೆ ಮಕ್ಕಳ ದರ್ಬಾರ್

ಬೆಂಗಳೂರಿನ ಕೆಲವು ಚಿತ್ರಮಂದಿರಗಳು ಪರಭಾಷೆಯ ಸಿನಿಮಾಗಳಿಗೆ ಬ್ರಾಂಡ್ ಆಗಿ ಬಿಟ್ಟಿದೆ. ಆ ರೀತಿ ಉರ್ವಶಿ ಚಿತ್ರಮಂದಿರದಲ್ಲಿ ಕೂಡ ಹೆಚ್ಚು ಬೇರೆ ಭಾಷೆಯ ಸಿನಿಮಾಗಳನ್ನೆ ಪ್ರದರ್ಶನ ಮಾಡಲಾಗುತ್ತದೆ.

ಆದರೆ, ಈಗ ಈ ಚಿತ್ರಮಂದಿರದಲ್ಲಿ ಕನ್ನಡ ಸರ್ಕಾರಿ ಶಾಲೆ ಮಕ್ಕಳು ಆಟ ನಡೆಯುತ್ತಿದೆ. ಅರ್ಥಾತ್ ರಿಷಬ್ ಶೆಟ್ಟಿ ನಿರ್ದೇಶನದ 'ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಸರಗೋಡು' ಸಿನಿಮಾ ಉರ್ವಶಿಯಲ್ಲಿ ರಿಲೀಸ್ ಆಗಿದೆ.

ಈ ಸಿನಿಮಾಗೆ ಉರ್ವಶಿಯಲ್ಲಿ ನಾಲ್ಕೂ ಶೋಗಳನ್ನು ನೀಡಿಲಾಗಿದೆ. ಯಾವುದೇ ಸ್ಟಾರ್ ಇಲ್ಲದ ಈ ಸಿನಿಮಾ ಇಷ್ಟೊಂದು ಜನಪ್ರಿಯತೆ ಪಡೆದಿರುವುದು ಹೆಮ್ಮೆಯ ವಿಚಾರವಾಗಿದೆ. ಈ ಚಿತ್ರಕ್ಕು ಮುಂಚೆ 'ಟಗರು' ಸಿನಿಮಾ ಕೂಡ ಇಲ್ಲಿ ಯಶಸ್ವಿಯಾಗಿ ಪ್ರದರ್ಶನ ಆಗಿತ್ತು.

ಅಂದಹಾಗೆ, ಕಾಸರಗೋಡಿನಲ್ಲಿ ನಡೆಯುವ ಈ ಕಥೆ ಕನ್ನಡ ಶಾಲೆ ಬಗ್ಗೆ ಹೆಣೆಯಲಾಗಿದೆ. ಸಿನಿಮಾದಲ್ಲಿ ಎಲ್ಲ ಮಕ್ಕಳ ನಟನೆಯ ಜೊತೆಗೆ ಅನಂತ್ ನಾಗ್ ಅವರ ಅಭಿನಯ ಕೂಡ ಮಜಾ ಕೊಡುತ್ತದೆ.