ರೋಮ್ಯಾಂಟಿಕ್‌ ಮೂಡ್ನಲ್ಲಿ ರಚಿತಾ ರಾಮ್-ಸತೀಶ್: ಪ್ರೇಮಿಗಳ ದಿನಕ್ಕೆ 'ಮ್ಯಾಟ್ನಿ' ಗಿಫ್ಟ್

'ಮ್ಯಾಟ್ನಿ' ಟೀಸರ್ ರಿಲೀಸ್

ರಚಿತಾ ರಾಮ್ ಹಾಗೂ ಸತೀಶ್ ಕಾಂಬಿನೇಷನ್‌ನಲ್ಲಿ ಶೂಟ್ ಆಗುತ್ತಿರುವ ಸಿನಿಮಾ 'ಮ್ಯಾಟ್ನಿ' ಟೀಸರ್ ಗಮನ ಸೆಳೆದಿದೆ. ಟೀಸರ್‌ನಲ್ಲಿ ತೋರಿಸಿದ ಒಂದೊಂದು ಫ್ರೇಮ್ ಗ್ರ್ಯಾಂಡ್ ಆಗಿದೆ. ಈ ಟೀಸರ್ ಬಗ್ಗೆ ಸತೀಶ್ ಫುಲ್ ಖುಷಿಯಾಗಿದ್ದಾರೆ. "ಮ್ಯಾಟ್ನಿ ಟೀಸರ್ ಅನ್ನು ವ್ಯಾಲೆಂಟೈನ್ಸ್ ಡೇ ಬಿಡುಗಡೆ ಮಾಡಬೇಕು ಅಂತಲೇ ಡಿಸೈಡ್ ಮಾಡಿದ್ದೆವು. ಅದಕ್ಕಾಗಿಯೇ ಟೀಸರ್ ಅನ್ನು ಕಟ್ ಮಾಡಿದ್ದೆವು. ಸಿನಿಮಾ ಲವ್ ಇದೆ. ಆದರೆ, ಲವ್ ಬಿಟ್ಟು ಬೇರೆನೂ ಒಂದಿಷ್ಟು ವಿಷಯಗಳಿವೆ. ಸ್ನೇಹ, ಲವ್, ಮದುವೆ ಹೀಗೆ ಬೇರೆ ಬೇರೆ ವಿಷಯವಿದೆ. ಪ್ರತಿಯೊಂದು ಫ್ರೇಮ್ ಕೂಡ ಇಷ್ಟೇ ಬ್ಯೂಟಿಫುಲ್ ಆಗಿರುತ್ತೆ. ಇಡೀ ಸಿನಿಮಾ ಗ್ರ್ಯಾಂಡ್ ಆಗಿರುತ್ತೆ." ಅಂತ ನೀನಾಸಂ ಸತೀಶ್ ಭರವಸೆ ಕೊಡುತ್ತಾರೆ.

ಪ್ರೇಮಿಗಳ ದಿನದಂದು ಪೋಸ್ಟರ್, ಹಾಡುಗಳದ್ದೇ ಸಂಭ್ರಮ: ವ್ಯಾಲೆಂಟೈನ್ಸ್ ಡೇ ಆಚರಿಸಿದ ಸಿನಿಮಾಗಳ್ಯಾವುವು?

'ಮ್ಯಾಟ್ನಿ ಟೀಸರ್‌ಗೆ ಒಳ್ಳೆ ರೆಸ್ಪಾನ್ಸ್ ಸಿಕ್ಕಿದೆ'

"ರಚಿತಾ ರಾಮ್ ಹಾಗೂ ನನ್ನದು ಹಿಟ್ ಪೇರ್ ಆಗಿರುವುದರಿಂದ, ಮೊದಲ ಸಿನಿಮಾ ಹಿಟ್ ಆಗಿರುವುದರಿಂದ, ಏನಮ್ಮಿ ಯಾಕಮ್ಮಿ ವರ್ಕ್‌ಔಟ್ ಆಗಿರುವುದರಿಂದ ಈ ಸಿನಿಮಾ ನೋಡುವವರಿಗೆ ಎಕ್ಸ್‌ಪೆಕ್ಟೆಷನ್ ಇರುತ್ತೆ. ಮುಂದಿನ ಸಿನಿಮಾ ಹೇಗಿರಬಹುದು ಅಂತಿರುತ್ತೆ. ಮತ್ತೊಂದು ಲೆವೆಲ್‌ನಲ್ಲಿ ಇರಬೇಕು ಅಂತಾನೇ ಟೈಮ್ ತೆಗೆದುಕೊಂಡು ಮಾಡಿದ್ದು, ಈ ಮ್ಯಾಟ್ನಿ ಟೀಸರ್‌ಗೆ ಸೋಶಿಯಲ್ ಮೀಡಿಯಾದಲ್ಲಿ ರೆಸ್ಪಾನ್ಸ್ ಚೆನ್ನಾಗಿ ಸಿಗುತ್ತೆ ಇದೆ." ಪ್ರೇಮಿಗಳ ದಿನ ಬಿಟ್ಟ ಟೀಸರ್ ಬಗ್ಗೆ ಸತೀಶ್ ಹರ್ಷ ವ್ಯಕ್ತಪಡಿಸಿದ್ದಾರೆ.

'ಸಂಜೆ ಮೇಲೆ ಹಾಡು ಸೂಪರ್ ಹಿಟ್ ಆಗುತ್ತೆ'

"ನಮ್ಮಿಬ್ಬರ ಲವ್ ಸ್ಟೋರಿ ಮತ್ತು ಒಂದು ಸಾಂಗ್ ಇದೆ. ಅದು ತುಂಬಾನೇ ಚೆನ್ನಾಗಿ ಮೂಡಿಬಂದಿದೆ. ಈ ಹಾಡು ಜನರಿಗೆ ತುಂಬಾನೇ ಇಷ್ಟ ಆಗುತ್ತೆ. ಏನಮ್ಮ ಯಾಕಮ್ಮಿ ಹಾಡನ್ನು ಕ್ರಾಸ್ ಮಾಡುತ್ತೆ ಅಂತೆಲ್ಲಾ ಹೇಳುವುದಕ್ಕೆ ಆಗುವುದಿಲ್ಲ. ಅದು ನಮ್ಮ ಕೈಯಲ್ಲಿ ಇಲ್ಲ. ಏನಮ್ಮಿ ಹಾಡಿಗಿಂತಲೂ ಈ ಹಾಡನ್ನು ವಿಜ್ಯೂವಲಿ ತುಂಬಾನೇ ಚೆನ್ನಾಗಿ ತೆಗೆದಿದ್ದಾರೆ. ಸಂಜೆ ಮೇಲೆ ಸುಮ್ನೆ ಹಂಗೆ ಫೋನ್ ಮಾಡ್ಲಾ ನಿಂಗೆ' ಅನ್ನುವ ಹಾಡು ಅದು. ಸಾಹಿತ್ಯನೇ ಕಿಕ್ ಕೊಡುತ್ತೆ." ಅಂತ ಹಾಡಿನ ಸೀಕ್ರೆಟ್ ರಿವೀಲ್ ಮಾಡಿದ್ದಾರೆ.

'ಗರಡಿ' ಸಿನಿಮಾದಿಂದ ಹೊರನಡೆದ ರಚಿತಾ ರಾಮ್ ಜಾಗಕ್ಕೆ ಬಂದ್ರು ಮತ್ತೋರ್ವ ನಟಿ!

50% ಶೂಟಿಂಗ್ ಆಗಿದೆ ಅಷ್ಟೇ

"ಸಿನಿಮಾ ಇನ್ನೂ ಕಂಪ್ಲೀಟ್ ಆಗಬೇಕು. ಕೇವಲ 50 ಪರ್ಸೆಂಟ್ ಶೂಟಿಂಗ್ ಆಗಿದೆ ಅಷ್ಟೇ. ಇನ್ನೂ 3- 4 ತಿಂಗಳ ಮೇಲೆ ಆಗುತ್ತೆ. ಇನ್ನೂ ಶೂಟಿಂಗ್ ತುಂಬಾನೇ ಇದೆ. ಸಿನಿಮ್ಯಾಟೋಗ್ರಫಿ, ಪೂರ್ಣ ಅವರ ಮ್ಯೂಸಿಕ್ ತುಂಬಾನೇ ಚೆನ್ನಾಗಿದೆ. ರಚಿತಾ ರಾಮ್ ಹಾಗೂ ನನ್ನ ಕಾಂಬಿನೇಷನ್‌ನನ್ನು ಇಷ್ಟ ಪಡುತ್ತಾರೆ. ಪ್ಯಾಷನೇಟ್ ಟೀಂ ಇದೆ. ಸಿನಿಮಾ ಇಷ್ಟ ಪಡುತ್ತಾರೆ ಅನ್ನುವುದು ನನ್ನ ನಂಬಿಕೆ." ಎನ್ನುತ್ತಾರೆ ಸತೀಶ್ ನೀನಾಸಂ.