ತಮಿಳಿನಲ್ಲಿ 'ಕವಲುದಾರಿ' ರೀಮೇಕ್: ಅಪ್ಪ ಮತ್ತು ಮಗನೇ ಹೀರೋಗಳು

Recommended Video

ಕನ್ನಡದ ಯಶಸ್ಸು ಕಂಡಿದ್ದ ಕವಲುದಾರಿ ಸಿನಿಮಾ ಈಗ ತಮಿಳಿನಲ್ಲಿ ರೀಮೇಕ್ ಆಗ್ತಿದೆ. ಹೇಮಂತ್ ರಾವ್ ನಿರ್ದೇಶಿಸಿ, ರಿಷಿ ಮತ್ತು ಅನಂತ್ ನಾಗ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದ ಈ ಚಿತ್ರದ ತಮಿಳು ಅವತರಣಿಕೆಯಲ್ಲಿ ನಿಜ ಜೀವನದ ಅಪ್ಪ ಮತ್ತು ಮಗನೇ ಅಭಿನಯಿಸುತ್ತಿದ್ದಾರೆ.

ಅನಂತ್ ನಾಗ್ ಪಾತ್ರದಲ್ಲಿ ಹಿರಿಯ ತಮಿಳು ನಟ ಸತ್ಯರಾಜ್ ಹಾಗೂ ರಿಷಿ ಕಾಣಿಸಿಕೊಂಡಿದ್ದ ಪಾತ್ರದಲ್ಲಿ ಸತ್ಯರಾಜ್ ಅವರ ಮಗ ಸಿಬಿರಾಜ್ ಬಣ್ಣ ಹಚ್ಚುತ್ತಿದ್ದಾರೆ.

ತಮಿಳಿನಲ್ಲಿ ಪ್ರದೀಪ್ ಕೃಷ್ಣಮೂರ್ತಿ ಈ ಚಿತ್ರವನ್ನ ನಿರ್ದೇಶನ ಮಾಡುತ್ತಿದ್ದಾರೆ. ಟ್ರಾಫಿಕ್ ಪೊಲೀಸ್ ಅಧಿಕಾರಿ ಸುಮಾರು 30 ವರ್ಷದ ಹಿಂದಿನ ಮರ್ಡರ್ ಕೇಸ್ ತನಿಖೆ ಮಾಡುವ ರೋಚಕ ಕಥಾಹಂದರವನ್ನ ಈ ಚಿತ್ರ ಹೊಂದಿದೆ.

ಸದ್ಯಕ್ಕೆ ಸತ್ಯರಾಜ್ ಮತ್ತು ಸಿಬಿರಾಜ್ ಅವರನ್ನ ಅಂತಿಮಗೊಳಿಸಿಕೊಂಡಿರುವ ನಿರ್ದೇಶಕ, ಉಳಿದ ಪಾತ್ರದಾರಿಗಳಿಗಾಗಿ ಹುಡುಕಾಟ ಮಾಡುತ್ತಿದ್ದಾರೆ. ಬಹುತೇಕ ಪ್ರೀ-ಪ್ರೊಡಕ್ಷನ್ ಕೆಲಸ ಮುಗಿಸಿರುವ ಚಿತ್ರತಂಡ ಅಕ್ಟೋಬರ್ ನಲ್ಲಿ ಸೆಟ್ಟೇರಲಿದೆ.

ಸಿಬಿರಾಜ್ ಮತ್ತು ಪ್ರದೀಪ್ ಕಾಂಬಿನೇಷನ್ ನಲ್ಲಿ ಈ ಹಿಂದೆ 'ಸತ್ಯ' ಎಂಬ ಸಿನಿಮಾ ಬಂದಿತ್ತು. ಇದೀಗ ಎರಡನೇ ಬಾರಿ ಈ ಜೋಡಿ ಒಂದಾಗಿದೆ. ಈ ಚಿತ್ರದ ಜೊತೆಗೆ ಸಿಬಿರಾಜ್ ಕೈಯಲ್ಲಿ ರಂಗಾ, ಮಾಯನ್ ಮತ್ತು ವಾಟ್ಲರ್ ಎಂಬ ಮೂರು ವಿಭಿನ್ನ ಪ್ರಾಜೆಕ್ಟ್ ಇದೆ.