ಸಖತ್ ಜೋರಾಗಿದೆ 'ಯುವರತ್ನ' ನಾಯಕಿ ಸಯೇಶಾ ಮದುವೆ ಸಂಭ್ರಮ

ಸಂಗೀತ್ ಸಂಭ್ರಮದಲ್ಲಿ ಸಯೇಶಾ

ಹೈದ್ರಾಬಾದ್ ನಲ್ಲಿ ಸಯೇಶಾ ಮತ್ತು ಆರ್ಯ ಅವರ ಮದುವೆ ಕಾರ್ಯಕ್ರಮಗಳು ಅದ್ದೂರಿಯಾಗಿ ನಡೆಯುತ್ತಿದೆ. ಸಯೇಶಾ ಮನೆಯಲ್ಲಿ ಇಂದು ಸಂಗೀತ್ ಕಾರ್ಯಕ್ರಮದ ರಂಗು ಕಳೆಗಟ್ಟಿದೆ. ಪಿಂಕ್ ಕಲರ್ ಲೆಹಂಗಾದಲ್ಲಿ ಮದುಮಗಳಾಗಿ ಸಯೇಶಾ ಕಂಗೊಳಿಸುತ್ತಿದ್ದಾರೆ. ಈ ಅದ್ದೂರಿ ಕಾರ್ಯಕ್ರಮದಲ್ಲಿ ಬಾಲಿವುಡ್ ನಟ ಸಂಜಯ್ ದತ್ ಅತಿಥಿಯಾಗಿ ಭಾಗಿಯಾಗಿದ್ದು ವಿಶೇಷವಾಗಿತ್ತು.

ಇಬ್ಬರ ನಡುವೆ 17 ವರ್ಷ ವಯಸ್ಸಿನ ಅಂತರ

ಪ್ರೀತಿಗೆ ವಯಸ್ಸಿನ ಅಂತರವಿಲ್ಲ ಎಂದು ಹೇಳುತ್ತಾರೆ. ಈ ಜೊಡಿಯ ವಿಚಾರದಲ್ಲಿ ನಿಜವಾಗಿದೆ. ಯಾಕಂದ್ರೆ ಸಯೇಶಾಗೆ ಇನ್ನೂ 21 ವರ್ಷ. ಚಿತ್ರರಂಗದಲ್ಲಿನ್ನೂ ಅಂಬೆಗಾಲಿಡುತ್ತಿರುವ ನಟಿ. ಆದ್ರೆ ನಟ ಆರ್ಯ ಅವರಿಗೆ 38 ವರ್ಷ ವಯಸ್ಸಾಗಿದೆ. ಇಬ್ಬರ ನಡುವ ಬರೋಬ್ಬರಿ 17 ವರ್ಷದ ಅಂತರವಿದೆ.

'ಘಜನಿಕಾಂತ್' ಚಿತ್ರದಲ್ಲಿ ಅರಳಿದ ಪ್ರೇಮ

ಅಸಲಿಗೆ ಈ ತಾರಾ ಜೋಡಿಯ ಪ್ರೇಮ್ ಕಹಾನಿ ಶುರುವಾಗಿದ್ದು "ಘಜನಿಕಾಂತ್" ಚಿತ್ರದ ಮೂಲಕ. "ಘಜನಿಕಾಂತ್" ಚಿತ್ರದಲ್ಲಿ ಆರ್ಯಾಗೆ ನಾಯಕಿಯಾಗಿ ಮಿಂಚಿದ್ದರು ಸಯೇಶಾ. ಆಗಲೆ ಇಬ್ಬರ ನಡುವೆ ಪ್ರೀತಿ ಶುರುವಾಗಿದ್ದು. ನಂತರ ಇವರಿಬ್ಬರ ಪ್ರೀತಿಗೆ ಮನೆಯವರಿಂದ ಗ್ರೀನ್ ಸಿಗ್ನಲ್ ಸಹ ಸಿಕ್ಕಿದೆ, ಈಗ ಈ ಜೋಡಿ ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿದ್ದಾರೆ.

ಮುಸ್ಲಿಂ ಸಂಪ್ರದಾಯದಂತೆ ಮದುವೆ

ಅಂದ್ಹಾಗೆ, ಸಯೇಶಾ ಮತ್ತು ಆರ್ಯ ಮದುವೆ ಮುಸ್ಲಿಂ ಕುಟುಂಬದ ಸಂಪ್ರದಾಯದಂತೆ ನಡೆಯಲಿದೆ. ಆರ್ಯ ಮತ್ತು ಸಯೇಶಾ ಇಬ್ಬರು ಮುಸ್ಲಿಂ ಕುಟುಂಬದವರಾಗಿದ್ದರಿಂದ ಮದುವೆ ಸಹ ಮುಸ್ಲಿಂ ಸಂಪ್ರದಾಯದ ಪ್ರಕಾರ ನಡೆಯಲಿದೆ.

ಹೈದ್ರಾಬಾದ್ ನಲ್ಲಿ ಆರತಕ್ಷತೆ

ಈಗಾಗಲೇ ಹೈದ್ರಾಬಾದ್ ನಲ್ಲಿ ಸಂಗೀತ್ ಮತ್ತು ಮೆಹಂದಿ ಕಾರ್ಯಕ್ರಮ ಭರಾಟೆ ಜೋರಾಗಿದೆ. ಮಾರ್ಚ್ 9ಕ್ಕೆ ಅಂದರೆ ನಾಳೆ ಹೈದ್ರಾಬಾದ್ ನಲ್ಲಿ ವಿವಾಹ ಕಾರ್ಯಕ್ರಮ ನಡೆಯಲಿದೆ. ಜೊತೆಗೆ ಆರತಕ್ಷತೆಯೂ ಸಹ ಹೈದ್ರಾಬಾದ್ ನಲ್ಲೇ ನಡೆಯಲಿದೆ. ಆದರೆ ಸಯೇಶಾ ಕುಟುಂಬ ಮುಂಬೈ ಮೂಲದವರಾದರಿಂದ ಮುಂಬೈನಲ್ಲಿಯೂ ಆರತಕ್ಷತೆ ನಡೆಸಲು ಪ್ಲಾನ್ ಮಾಡಿದ್ದಾರೆ.