ಕಲೆಕ್ಷನ್ ನಲ್ಲಿ 'ಕೆಜಿಎಫ್' ಎದುರು ಮಂಡಿಯೂರಿದ 'ಜೀರೋ'.!

ಜೀರೋ ಮೊದಲ ದಿನ ಗಳಿಸಿದ್ದೆಷ್ಟು?

ಶಾರೂಖ್ ಖಾನ್ ಸಿನಿಮಾ ಮೊದಲ ದಿನ 20.1 ಕೋಟಿ (ಭಾರತದಲ್ಲಿ) ಗಳಿಕೆ ಕಂಡಿತ್ತು ಎಂದು ಖ್ಯಾತ ವಿಶ್ಲೇಶಕ ತರಣ್ ಆದರ್ಶ್ ಟ್ವೀಟ್ ಮಾಡಿದ್ದರು. ಈ ಕಡೆ ಕೆಜಿಎಫ್ ಚಿತ್ರ ಮೊದಲ ದಿನ ವರ್ಲ್ಡ್ ವೈಡ್ 24 ಕೋಟಿ ಕಲೆಕ್ಷನ್ ಮಾಡಿದೆ ಎಂಬ ಸುದ್ದಿಗಳು ವರದಿಯಾಗಿದೆ.

ಎರಡನೇ ದಿನದ ಕಥೆ ಏನು?

ಎರಡನೇ ದಿನ ಜೀರೋ ಸಿನಿಮಾದ ಗಳಿಕೆಯಲ್ಲಿ ಕುಸಿತ ಕಂಡಿತ್ತು. ಮೊದಲ ದಿನ 21 ಕೋಟಿ ಬಾಚಿದ್ದ ಜೀರೋ ಎರಡನೇ ದಿನ ಕೇವಲ 18 ಕೋಟಿಗೆ ಸುಸ್ತಾಯಿತು. ಈ ಕಡೆ ಕೆಜಿಎಫ್ ಸಿನಿಮಾ ಎರಡನೇ ದಿನ ಐದು ಭಾಷೆಗಳಿಂದ ವರ್ಲ್ಡ್ ವೈಡ್ 37 ಕೋಟಿ ಗಳಿಕೆ ಕಂಡಿದೆ ಎನ್ನಲಾಗಿದೆ.

ಮೂರನೇ ದಿನ 'ಜೀರೋ' ಕಲೆಕ್ಷನ್ ?

ಮೊದಲ ಎರಡು ದಿನ ಸಾಧಾರಣ ಮೊತ್ತ ಗಳಿಸಿದ್ದ ಜೀರೋ ಸಿನಿಮಾ ಮೂರನೇ ದಿನವೂ ಅದೇ ಗಳಿಕೆಯನ್ನ ಮುಂದುವರಿಸಿತು. ಅಂದ್ರೆ, ಭಾನುವಾರ ಜೀರೋ ಗಳಿಸಿದ್ದು 20.7 ಕೋಟಿ. ಈ ಕೆಜಿಎಫ್ ಸಿನಿಮಾ ಮೂರನೇ ದಿನ ಎಷ್ಟು ಗಳಿಸಿದೆ ಎಂಬುದು ಸದ್ಯಕ್ಕೆ ಬಹಿರಂಗವಾಗಿಲ್ಲ. ಆದ್ರೆ, ಮೊದಲ ಎರಡು ದಿನಕ್ಕಿಂತ ಹೆಚ್ಚು ಗಳಿಸಿರಬಹುದು ಎಂಬ ನಿರೀಕ್ಷೆ ಇದೆ.

ಜೀರೋ ಒಟ್ಟು ಕಲೆಕ್ಷನ್?

ಅಂದ್ಹಾಗೆ, ಮೊದಲ ವಾರಾಂತ್ಯಕ್ಕೆ ಶಾರೂಖ್ ಖಾನ್ ಸಿನಿಮಾ ನೂರು ಕೋಟಿ ಕ್ಲಬ್ ಸೇರುತ್ತೆ ಎಂಬ ನಿರೀಕ್ಷೆ ಹುಸಿಯಾಗಿದೆ. ಮೂರು ದಿನದಲ್ಲಿ ಜೀರೋ ಗಳಿಸಿದ್ದು ಕೇವಲ 59.07 ಕೋಟಿ ಮಾತ್ರ. ಸದ್ಯಕ್ಕೆ ಇದು ಭಾರತದ ಒಟ್ಟಾರೆ ಗಳಿಕೆ ಎನ್ನಲಾಗಿದೆ. ಇನ್ನುಳಿದಂತೆ ಹೊರದೇಶದಲ್ಲಿ ಸೇರಿ, ಒಟ್ಟಾರೆ ಕಲೆಕ್ಷನ್ ಎಷ್ಟು ಎಂಬುದು ಕುತೂಹಲ ಮೂಡಿಸಿದೆ. ಒಟ್ನಲ್ಲಿ, ಜೀರೋ ಚಿತ್ರಕ್ಕೆ ಸೋಲು ಎಂಬುದು ಒಪ್ಪಲೇಬೇಕು. ಈ ಕಡೆ ಕೆಜಿಎಫ್ ಯಶಸ್ಸು ಕಂಡಿದೆ ಎಂದು ನಂಬಲೇಬೇಕು.