ಶಕೀಲಾ ಅಭಿನಯದ 250ನೇ ಚಿತ್ರಕ್ಕೆ ಸೆನ್ಸಾರ್ ಮಾಡ್ತಿಲ್ಲ.! ಕಾರಣ.?

ಬಹುಭಾಷಾ ನಟಿ ಶಕೀಲಾ ಅಭಿನಯದ 250ನೇ ಸಿನಿಮಾ ಶೀಲವತಿ ಬಿಡುಗಡೆಗೆ ಸಜ್ಗಾಗಿದೆ. ಆದ್ರೆ, ಈ ಚಿತ್ರಕ್ಕೆ ಸೆನ್ಸಾರ್ ಮಂಡಳಿಯಿಂದ ವಿಘ್ನ ಎದುರುರಾಗಿದೆ. ಶೂಟಿಂಗ್ ಮುಗಿಸಿ ಸೆನ್ಸಾರ್ ಬಾಗಿಲಿಗೆ ಹೋಗಿರುವ ಈ ಚಿತ್ರಕ್ಕೆ ಸೆನ್ಸಾರ್ ಮಾಡುತ್ತಿಲ್ಲ. ಯಾಕಂದ್ರೆ, ಚಿತ್ರದ ಟೈಟಲ್ ಬದಲಾಯಿಸಬೇಕಂತೆ.

ಈ ಬಗ್ಗೆ ಅಸಮಾಧಾನಗೊಂಡಿರುವ ನಟಿ ಶಕೀಲಾ ಟ್ವಿಟ್ಟರ್ ನಲ್ಲಿ ಸೆನ್ಸಾರ್ ಅಧಿಕಾರಿಗಳ ವಿರುದ್ಧ ಕಿಡಿ ಕಾರಿದ್ದಾರೆ. ''ನನ್ನ ಸಿನಿಮಾ ಈ ತಿಂಗಳು ಸೆನ್ಸಾರ್ ಆಗಿ ರಿಲೀಸ್ ಮಾಡಬೇಕೆಂದುಕೊಂಡಿದ್ದೇವೆ. ಆದ್ರೆ, ಸೆನ್ಸಾರ್ ಮಂಡಳಿಯವರು ಸಿನಿಮಾವನ್ನೇ ನೋಡದಯೇ ಈ ಚಿತ್ರಕ್ಕೆ 'ಶೀಲವತಿ' ಟೈಟಲ್ ನೀಡುವುದಿಲ್ಲ ಎನ್ನುತ್ತಿದ್ದಾರೆ'' ಎಂದು ಆಕ್ರೋಶ ಹೊರಹಾಕಿದ್ದಾರೆ.

''ಕೀಲಾ ಚಿತ್ರಕ್ಕೆ ಈ ಟೈಟಲ್ ಕೊಡುವುದಿಲ್ಲ ಎನ್ನುವುದು ಯಾಕೆ.? ಸಿನಿಮಾ ನೋಡಲಿ, ಆಮೇಲೆ ಆ ಟೈಟಲ್ ಬಗ್ಗೆ ಅವರಿಗೆ ಗೊತ್ತಾಗುತ್ತೆ. ಈಗಾಗಲೇ 250ನೇ ಸಿನಿಮಾ ಅಂತ ಪ್ರಚಾರ ಮಾಡಾಗಿದೆ. ಹೀಗೆ ಮಾಡುವುದು ಸರಿಯಲ್ಲ'' ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

ಹೀಗಾಗಿ, ಸೆನ್ಸಾರ್ ಮಂಡಳಿಯವರು ಮತ್ತೊಮ್ಮೆ ಈ ಬಗ್ಗೆ ಮರುಪರಿಶೀಲನೆ ಮಾಡಬೇಕಾಗಿ ಮನವಿ ಮಾಡಿಕೊಳ್ಳುತ್ತುದ್ದೇನೆ ಎಂದು ನಟಿ ಶಕೀಲಾ ಕೋರಿದ್ದಾರೆ.

ಅಂದ್ಹಾಗೆ, ಸುಮಾರು 10 ವರ್ಷಗಳ ನಂತರ ಶಕೀಲಾ ಅಭಿನಯಿಸುತ್ತಿರುವ ಚಿತ್ರ ಇದಾಗಿದ್ದು, ತೆಲುಗು, ತಮಿಳಿನಲ್ಲಿ ಬಿಡುಗಡೆಯಾಗಲಿದೆ. ಸಾಯಿ ರಾಮ್ ದಾಸರಿ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದಾರೆ.