Don't Miss!
- News IT Company: ಐಟಿ-ಬಿಟಿ ಕಂಪನಿಗಳಿಗೆ ಜಲಮಂಡಳಿಯ ನೀರಿನ ಭರವಸೆ
- Sports CSK vs RCB: ದಾಖಲೆಯ ಪುಟ ಸೇರಿದ ಉದ್ಘಾಟನಾ ಪಂದ್ಯ: 16.8 ಕೋಟಿ ಜನರಿಂದ ವೀಕ್ಷಣೆ
- Finance ಮೃತರ ಖಾತೆಯಲ್ಲಿರುವ ಹಣವನ್ನು ಕುಟುಂಬಸ್ಥರು ಡ್ರಾ ಮಾಡಬಹುದಾ, ಬ್ಯಾಂಕ್ ನಿಯಮಾವಳಿ ಏನು ಹೇಳುತ್ತೆ?
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Lifestyle ಬಾಯಲ್ಲಿ ನೀರು ತರಿಸುವ ಮಾವಿನ ಕಾಯಿ ಚಟ್ನಿ..! 5 ನಿಮಿಷದಲ್ಲಿ ರೆಡಿ..!
- Technology Motorola: ಮೊಟೊರೊಲಾ ಎಡ್ಜ್ 50 ಅಲ್ಟ್ರಾ ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! ವಿಶೇಷತೆ ಏನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶಕೀಲಾ ಆತ್ಮಕಥೆಯ ಕೆಲವು ಕಣ್ಣೀರ ಪುಟಗಳು
ತೊಂಬತ್ತರ ದಶಕದಲ್ಲಿ ತಮ್ಮ ಸೊಂಟದ ಸುತ್ತಳತೆಯಿಂದಲೇ ಪಡ್ಡೆಗಳನ್ನು ಹಳ್ಳಕ್ಕೆ ಕೆಡವಿದ ಹಾಟ್ ಬಾಂಬ್ ಶಕೀಲಾ ಆತ್ಮಕಥೆ ಈಗ ಮಲಯಾಳಂನಲ್ಲಿ ಬಿಸಿಬಿಸಿ ಪಪ್ಪಡಂ ತರಹ ಸೇಲ್ ಆಗುತ್ತಿದೆ. ತಾನು ಆತ್ಮಕಥೆ ಬರೆಯುತ್ತೇನೆ, ನಡೆದಂತಹ ಕಹಿ ಘಟನೆಗಳಿಗೆ ಅಕ್ಷರ ರೂಪ ನೀಡುತ್ತೇನೆ ಎಂದಾಗ ಚಿತ್ರೋದ್ಯಮದ ಕೆಲವರು ಹಾವು ತುಳಿದಂತಾದರು. ತನ್ನ ಕಥೆ ಎಲ್ಲಿ ಬಯಲಾಗುತ್ತದೋ ಎಂದು ಒಳಗೊಳಗೇ ಒದ್ದಾಡಿದರು.
ಅಂದುಕೊಂಡಂತೆ ಶಕೀಲಾ ಆತ್ಮಕಥೆ (Athmakadha) ಬಿಡುಗಡೆಯಾಗಿದೆ. ಈ 'ಕಲಾ'ಕೃತಿಯಲ್ಲಿ ಶಕೀಲಾ ತನಗೆ ಎದುರಾದ ಕಹಿ ಘಟನೆಗಳಿಗೆ ಹೆಚ್ಚಿನ ಪುಟಗಳನ್ನು ಮೀಸಲಿಟ್ಟಿದ್ದಾರೆ. ಒಂದು ಕಾಲದಲ್ಲಿ ಹೀರೋಯಿನ್ ಗಳಿಗಿಂತಲೂ ಹೆಚ್ಚಿನ ಸಂಭಾವನೆ ಪಡೆಯುತ್ತಿದ್ದವರು ಶಕೀಲಾ.
ಆ ರೀತಿಯ ಶಕೀಲಾ ಗತಕಾಲ ಗಮನಿಸಿದಾಗ ಅವರ ಹಾದಿ ಹೂವಿನ ಹಾದಿಯೇನು ಆಗಿರಲಿಲ್ಲ. ಅವರ ಬಾಳಿನಲ್ಲಿ ಎಲ್ಲವೂ ವಿಷಾದಮಯ ಸಂಗತಿಗಳೇ. ಚಿಕ್ಕಂದಿನಲ್ಲಿ ಸೂಳ್ಳೂರುಪೇಟ ಬಳಿಯ ಕೋಟೆಯಲ್ಲಿ ಬೆಳೆದ ಶಕೀಲಾ ಮಲಯಾಳಂ ಚಿತ್ರರಂಗಕ್ಕೆ ಅಡಿಯಿಟ್ಟ ಹಿಂದೆ ಸಾಕಷ್ಟು ಚಕಿತಗೊಳಿಸಿ ಹಾಗೆಯೇ ನೋವುಂಟು ಮಾಡುವ ಸಂಗತಿಗಳಿವೆ.
ಕೋಟ್ಯಾಂಟರ ಪುರುಷರ ಕನಸಿನರಾಣಿಯಾಗಿದ್ದ ಶಕೀಲಾ ತನ್ನ ಜೀವನದಲ್ಲಿ ಎಂದಿಗೂ ಸುಖ ಅನುಭವಿಸಲೇ ಇಲ್ಲ ಎಂದಿದ್ದಾರೆ. "ನನ್ನಲ್ಲಿ ಅಪರಾಧಿ ಮನೋಭಾವವಿಲ್ಲ...ಆದರೆ ನೋವು ಮಾತ್ರ ದಂಡಿಯಾಗಿದೆ" ಎಂಬ ಅಡಿಬರಹದೊಂದಿಗೆ ಮಲಯಾಳಂನಲ್ಲಿ ಬಿಡುಗಡೆಯಾಗಿರುವ ಈ ಆತ್ಮಕಥೆ ಈಗ ಅಲ್ಲಿ ಸಂಚಲನ ಮೂಡಿಸುತ್ತಿದೆ.
ಈಗ ಶಕೀಲಾ ಪ್ರಾಯ ನಲವತ್ತರ ಹರಯ. ಈ ವಯಸ್ಸಲ್ಲಿ ಅವರಿಗೆ ಪಡ್ಡೆಗಳನ್ನು ಕೆರಳಿಸುವ ವಯಸ್ಸೂ ಇಲ್ಲ, ಉತ್ಸಾಹವೂ ಇದ್ದಂಗಿಲ್ಲ. ಸೊಂಟ ಏಳು ಸುತ್ತಿನ ಕೋಟೆಯಂತಾಗಿದೆ. ಆದರೆ ಮನೆಮಂದಿಯಲ್ಲಾ ನೋಡುವಂತಹ ಒಂದು ಉತ್ತಮ ಚಿತ್ರವನ್ನಂತೂ ಖಂಡಿತ ನೀಡುತ್ತೇನೆ ಎಂಬ ವಿಶ್ವಾಸದಲ್ಲಿ ಅವರಿದ್ದಾರೆ.
ಶಕೀಲಾ ಆತ್ಮಕಥೆಯ ಕೆಲವು ಪುಟಗಳು ನಮ್ಮ ಒನ್ಇಂಡಿಯಾ ಓದುಗರಿಗಾಗಿ. ಏಕೆಂದರೆ ಶಕೀಲಾ ಇತ್ತೀಚೆಗೆ ಕನ್ನಡದಲ್ಲೂ ಒಳ್ಳೆಯ ಪಾತ್ರಗಳನ್ನು ಪೋಷಿಸುತ್ತಿದ್ದಾರೆ. ಸದ್ಯಕ್ಕೆ 'ಪಾತರಗಿತ್ತಿ' ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಓವರ್ ಟು ಶಕೀಲಾ...