ಶಿವಣ್ಣ ಲಕ್ಷ್ಮಿ ಚಿತ್ರದಲ್ಲಿ ಡಿಂಗ್ ಚಾಕ್ ಬೆಡಗಿ ಶಾಲಿನಿ

ಪಡ್ಡೆಗಳ ನಿದ್ದೆಗೆಡಿಸಲು ಗಾಂಧಿನಗರಕ್ಕೆ ಮತ್ತೊಬ್ಬ ಡಿಂಗ್ ಚಾಕ್ ಬೆಡಗಿಯ ಆಮದಾಗಿದೆ. ಈಕೆ ಬೇರಾರು ಅಲ್ಲ ಈಗಾಗಲೆ ತೆಲುಗು, ತಮಿಳು ಚಿತ್ರಗಳಲ್ಲಿ ತಮ್ಮ ಮಾದಕ ಮೈಮಾಟದಿಂದ ಪಡ್ಡೆಗಳ ಹೃದಯಕ್ಕೆ ಕನ್ನ ಹಾಕಿರುವ ಶಾಲಿನಿ ನಾಯ್ಡು.

ಈಕೆ ಈಗ ಗಾಂಧಿನಗರಕ್ಕೆ ಬಂದಿರುವುದು ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಅವರ 'ಲಕ್ಷ್ಮಿ' ಚಿತ್ರಕ್ಕಾಗಿ. ಇದೆ ಐಟಂ ಹಾಡಿಗಾಗಿ ಹಲವರ ಹೆಸರುಗಳು ಕೇಳಿಬಂದಿದ್ದವು. ಅವುಗಳಲ್ಲಿ ತುಪ್ಪದ ಹುಡುಗಿ ರಾಗಿಣಿ ದ್ವಿವೇದಿ ಕೂಡ ಒಬ್ಬರು.

ಶಾಲಿನಿ ನಾಯ್ಡು ಗ್ಯಾಲರಿ

ಈ ಹಾಡಿನ ಚಿತ್ರೀಕರಣ ರಾಕ್ ಲೈನ್ ಸ್ಟುಡಿಯೋದಲ್ಲಿ ನಡೆಯಿತು. ಪ್ರದೀಪ್ ಆಂಥೋನಿ ಅವರ ನೃತ್ಯ ನಿರ್ದೇಶನದಲ್ಲಿ ಈ ಸೆಕ್ಸಿ ಬೆಡಗಿ ಶಾಲಿನಿ ಹೆಜ್ಜೆ ಮೇಲೆ ಹೆಜ್ಜೆ ಹಾಕಿದ್ದಾರೆ. ಗುರುಕಿರಣ್ ಅವರ ಸಂಗೀತ ಕವಿರಾಜ್ ಅವರ ಸಾಹಿತ್ಯಕ್ಕೆ ತಕ್ಕಂತೆ ಶಾಲಿನಿ ತಮ್ಮ ಮೈಮಾಟ ತೋರಿದ್ದಾರೆ.

'ಲಕ್ಷ್ಮಿ' ಚಿತ್ರದಲ್ಲಿ ಶಿವಣ್ಣನಿಗೆ ಪ್ರಿಯಾಮಣಿ ನಾಯಕಿ. ರಾಘವಲೋಕಿ ಆಕ್ಷನ್ ಕಟ್ ಹೇಳುತ್ತಿರುವ ಚಿತ್ರ. ಡಬ್ಬಿಂಗ್, ರೀರೆಕಾರ್ಡಿಂಗ್, ಗ್ರಾಫಿಕ್ಸ್, ಡಿಐ ಅಳವಡಿಕೆ ಎಲ್ಲ ಕೆಲಸಗಳು ಮುಗಿದಿದ್ದು ಈ ಐಟಂ ಹಾಡನ್ನು ಸೇರಿಸುವುದೊಂದು ಬಾಕಿ ಇದೆ. (ಏಜೆನ್ಸೀಸ್)