»   » ಶಂಕರ್ ಮುಂದಿನ ಚಿತ್ರದಲ್ಲಿರುವ ಜೋಡಿ ಗುಟ್ಟು ರಟ್ಟು

ಶಂಕರ್ ಮುಂದಿನ ಚಿತ್ರದಲ್ಲಿರುವ ಜೋಡಿ ಗುಟ್ಟು ರಟ್ಟು

Posted By:
Subscribe to Filmibeat Kannada

ಖ್ಯಾತ ನಿರ್ದೇಶಕ ಶಂಕರ್ ತಮ್ಮ ಮುಂದಿನ ಚಿತ್ರದ ಗುಟ್ಟನ್ನು ರಟ್ಟುಮಾಡಿದ್ದಾರೆ. ವಿಕ್ರಮ್ ಹಾಗೂ ಸಮಂತಾ ಜೋಡಿಯನ್ನು ತಮ್ಮ ಹೊಸ ಚಿತ್ರಕ್ಕೆ ಆಯ್ದುಕೊಂಡಿರುವ ಶಂಕರ್, ಸದ್ಯದಲ್ಲೇ ಆ ಚಿತ್ರವನ್ನು ಪ್ರಾರಂಭಿಸಲಿದ್ದಾರೆ. ಈ ಬಗ್ಗೆ ಸಾಕಷ್ಟು ಮಾಹಿತಿಗಳನ್ನು ತಮ್ಮ 'ಬ್ಲಾಗ್'ನಲ್ಲಿ ಹೊರಹಾಕಿದ್ದಾರೆ. ಇದೊಮದು ರೊಮ್ಯಾಂಟಿಕ್ ಥ್ರಿಲ್ಲರ್ ಎಂಬುದು ತೀರಾ ವಿಶೇಷ.

ಬರುವ ತಿಂಗಳು ಜುಲೈ- 2012 ರಲ್ಲಿ ಸೆಟ್ಟೇರಲಿರುವ ಈ ಚಿತ್ರದ ಹೆಸರು 'ஐ' (ಕನ್ನಡದಲ್ಲಿ ಐ). ತಮಿಳಿನಲ್ಲಿ 'ಐ' ಅಂದರೆ ಬ್ಯೂಟಿ, ಸೌಂದರ್ಯ, ಕಿಂಗ್, ಗುರು, ಮೃದು, ಸೂಕ್ಷ್ಮ, ಮುಂತಾದ ಅರ್ಥಗಳಿವೆ. ಶಂಕರ್ ಚಿತ್ರದ ಕಥೆ ಸ್ಪಷ್ಟವಾಗಿ ಯಾವ ಅರ್ಥ ಕೊಡುತ್ತಿದೆ ಎಂಬುದನ್ನು ಚಿತ್ರ ನೋಡಿದ ಮೇಲೆ ಅರ್ಥೈಸಿಕೊಳ್ಳಬಹುದು.

ಅಂದಹಾಗೆ, ಈ ಚಿತ್ರದಲ್ಲಿ ಹಾಸ್ಯನಟ ಸಂತಾನಂ, ಮಲಯಾಳಂ ನಟ ಸುರೇಶ್ ಗೋಪಿ, ರಾಮ್ ಕುಮಾರ್ ಮುಂತಾದವರೂ ಕೂಡ ನಟಿಸಲಿದ್ದಾರೆ ಎಂದು ತಮ್ಮ 'ಬ್ಲಾಗ್' ನಲ್ಲಿ ಮಾಹಿತಿ ಬಹಿರಂಗಗೊಳಿಸಿದ್ದಾರೆ ನಿರ್ದೇಶಕ ಶಂಕರ್. ವಿಶೇಷವೆಂದರೆ ಈ ಚಿತ್ರಕ್ಕೆ ಆಸ್ಕರ್ ಪ್ರಶಸ್ತಿ ವಿಜೇತ ಸಂಗೀತ ನಿರ್ದೇಶಕ ಎ ಆರ್ ರೆಹಮಾನ್ ಸಂಗೀತ ಸಂಯೋಜಿಸಲಿದ್ದಾರೆ.

ಖ್ಯಾತ ಕ್ಯಾಮರಾಮನ್ ಪಿಸಿ ಶ್ರೀರಾಮ್ ಕ್ಯಾಮರಾ ಕೆಲಸ ನೋಡಿಕೊಳ್ಳಲಿದ್ದು ಹಾಲಿವುಡ್ ಘಟಾನುಘಟಿಗಳಲ್ಲಿ ಕೆಲವರು ಈ ಚಿತ್ರದಲ್ಲಿ ತಂತ್ರಜ್ಞರಾಗಿ ಕೆಲಸ ಮಾಡಲಿದ್ದಾರೆ. ಸಿಕ್ಕ ಮಾಹಿತಿಯಂತೆ ಈ ಚಿತ್ರದ ಕಾಸ್ಟ್ಯೂಮ್ ಡಿಸೈನರ್ ಆಗಿ ಮೆನ್ ಇನ್ ಬ್ಲಾಕ್ ಖ್ಯಾತಿಯ 'ಮೇರಿ ವಾಟ್' ಇದ್ದಾರೆ. ಜೊತೆಗೆ ಪೀಟರ್ ಮಿಂಗ್ ಹಾಗೂ ಅನಲ್ ಅರಸು ಸ್ಟಂಟ್ ನಿರ್ವಹಿಸಲಿದ್ದಾರೆ.

ಇಷ್ಟೇ ಅಲ್ಲ, ಪ್ರಸಿದ್ಧ ಎಡಿಟರ್ ಅಂತೋನಿ ಹಾಗೂ ಕಲಾನಿರ್ದೇಶಕ ಮುತ್ತುರಾಜ್ ಕೂಡ ಈ ಚಿತ್ರದಲ್ಲಿ ಕೈಜೋಡಿಸಲಿದ್ದಾರೆ. ಅಂತಾರಾಷ್ಟ್ರೀಯ ಮಟ್ಟದ, ಹ್ಯಾರಿ ಪೋಟರ್ ಸಿರೀಸ್ ಗೆ 'VFX' ನಿರ್ವಹಿಸಿದ ತಂಡವೇ ಈ ಚಿತ್ರಕ್ಕೂ ಕೆಲಸ ಮಾಡಲಿದೆ. ಇಷ್ಟೆಲ್ಲಾ ಇದೆ ಅಂದಮೇಲೆ ಬರಲಿರುವ ಶಂಕರ್ ಚಿತ್ರ ಹೇಗಿರಬಹುದೆಂದು ಊಹಿಸಿಕೊಳ್ಳುವುದು ಕಷ್ಟವೇನಲ್ಲ. ಒಟ್ಟಿನಲ್ಲಿ, ವಿಕ್ರಮ್ ಹಾಗೂ ಸಮಂತಾ ಜೋಡಿ ಲಕ್ಕಿ ಎನ್ನಬಹುದು. (ಏಜೆನ್ಸೀಸ್)

English summary
Shankar has announced his next film starring Vikram and Samantha and titled the film I. It will take off in mid July.
 

Kannada Photos

Go to : More Photos

ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada

X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more