ಕನ್ನಡಿಗರಿಗಾಗಿ ಶಾನ್ವಿ ನಟನೆ ಜೊತೆಗೆ ಏನೆಲ್ಲಾ ಮಾಡ್ತಿದ್ದಾರೆ !

ಕನ್ನಡ ನೆಲದಲ್ಲಿ ಶಾನ್ವಿ ಸ್ವದ್ಯೋಗ

'ಚಂದ್ರಲೇಖ' ಹಾಗೂ 'ಮಾಸ್ಟರ್ ಪೀಸ್' ಸಿನಿಮಾ ಮೂಲಕ ಪ್ರೇಕ್ಷಕರ ಮಧ್ಯೆ ಗುರುತಿಸಿಕೊಂಡಿರುವ ನಟಿ ಶಾನ್ವಿ ಶ್ರೀವಾತ್ಸವ ಸ್ವಂತ ಉದ್ಯೋಗ ಆರಂಭ ಮಾಡಿದ್ದಾರೆ. ಸಿನಿಮಾಗಳಲ್ಲಿ ಅಭಿನಯಿಸುವುದ ಜೊತೆಯಲ್ಲಿ ವಸ್ತ್ರ ವಿನ್ಯಾಸ ಮಾಡಲು ತಯಾರಿ ಮಾಡಿಕೊಂಡಿದ್ದಾರೆ.

ಹೊಸ ಕೆಲಸಕ್ಕೆ ಚಾಲನೆ

ಶಾನ್ವಿ ಇಂದಿನಿಂದಲೇ ತಮ್ಮ ವಸ್ತ್ರ ವಿನ್ಯಾಸದ ಕೆಲಸವನ್ನ ಆರಂಭ ಮಾಡಿದ್ದಾರೆ. ಅವನೇ ಶ್ರೀಮನ್ನಾರಾಯಣ ಸಿನಿಮಾದ ಮಹೂರ್ತಕ್ಕೆ ತಾವೇ ಡಿಸೈನ್ ಮಾಡಿದ ಕಾಸ್ಟ್ಯೂಮ್ಸ್ ಹಾಕಿಕೊಂಡಿದ್ದರು ಶಾನ್ವಿ. ವಿಶೇಷ ಅಂದರೆ ಶಾನ್ವಿ ಧರಿಸಿದ್ದ ಬಟ್ಟೆಯ ಮೇಲೆ 'ನಂಬಿಕೆ' ಅಂತ ಡಿಸೈನ್ ಮಾಡಲಾಗಿತ್ತು. ಮಾಸ್ಟರ್ ಪೀಸ್ ಬೆಡಗಿಗೆ ಸ್ವಂತ ಉದ್ಯೋಗದಲ್ಲಿ ಸಾಥ್ ನೀಡಿದ್ದು ಸ್ನೇಹಿತೆ ನಿಶಾರ ಕಿರಣ್.

ನಂಬಿಕೆಯ ಮೂಲಕ ಕೆಲಸ

ಶಾನ್ವಿ ಉತ್ತರ ಪ್ರದೇಶದ ವಾರಣಾಸಿ ಯ ಮೂಲದವರಾದರೂ ವಿದ್ಯಾಭ್ಯಾಸ, ಉದ್ಯೋಗ ಅಂತ ಆರಂಭ ಮಾಡಿದ್ದು ಮುಂಬೈನಲ್ಲಿ. ಆದರೆ ಜನರ ಮನಸ್ಸಿನಲ್ಲಿ ಜಾಗ ಗಿಟ್ಟಿಸಿಕೊಂಡಿದ್ದು ಮಾತ್ರ ಕರ್ನಾಟಕದಲ್ಲಿ ಅದಕ್ಕಾಗಿ ತಮ್ಮ ಉದ್ಯೋಗವನ್ನ ಕನ್ನಡ ರಾಜ್ಯದಲ್ಲೇ ಶುರು ಮಾಡಲು ಮುಂದಾಗಿದ್ದಾರೆ.

ಎಲ್ಲರಿಗೂ ಲಭ್ಯವಾಗಲಿದೆ ಶಾನ್ವಿ ಡಿಸೈನ್ಸ್

ಶಾನ್ವಿ ತಮಗಷ್ಟೇ ಅಲ್ಲದೆ ಕರ್ನಾಟಕದ ಎಲ್ಲಾ ಜನರಿಗೂ ತಾವು ಡಿಸೈನ್ ಮಾಡಿದ ವಸ್ತ್ರಗಳನ್ನ ಖರೀದಿ ಮಾಡುವಂತಹ ಅವಕಾಶವನ್ನ ಕಲ್ಪಿಸುತ್ತಿದ್ದಾರೆ. ತಮ್ಮದೇ ಡಿಸೈನಿಂಗ್ ಅಂಗಡಿ ಓಪನ್ ಮಾಡಿ ಎಲ್ಲರಿಗೂ ಕೊಂಡುಕೊಳ್ಳುವಂತಹ ಬೆಲೆಯಲ್ಲಿ ವಸ್ತ್ರಗಳನ್ನ ಮಾರಾಟಕ್ಕೆ ಇಡಲಿದ್ದಾರೆ.