Choo Mantar Teaser: ಮಾರ್ಗನ್ ಹೌಸ್ ರಹಸ್ಯ ಭೇಧಿಸಲು ಬಂದ ಶರಣ್

ಹಾರರ್ ಥ್ರಿಲ್ಲರ್ 'ಛೂ ಮಂತರ್'

ಹಾಲಿವುಡ್ ಸಿನಿಮಾಗಳನ್ನು ನೆನಪಿಸುವ ವಿಷ್ಯುವಲ್ಸ್ 'ಛೂ ಮಂತರ್' ಸಿನಿಮಾದಲ್ಲಿದೆ ಎನ್ನುವುದು ಟೀಸರ್ ನೋಡಿದ್ರೆ ಅರ್ಥವಾಗುತ್ತದೆ. ಪಾಳು ಬಿದ್ದ ಉತ್ತರಾಕಾಂಡದ ಮಾರ್ಗನ್ ಹೌಸ್‌ ಪ್ಯಾಲೇಸ್‌ನಲ್ಲಿ ಚಿತ್ರವಿಚಿತ್ರ ಘಟನೆಗಳು ನಡೆಯುತ್ತಿರುತ್ತದೆ. ಭೂತ ಪ್ರೇತ ಇರುವ ಆತಂಕ ಮನೆಯಲ್ಲಿರುವವರನ್ನು ಕಾಡುತ್ತಿರುತ್ತದೆ. ಆ ಪ್ರಶ್ನೆಗಳಿಗೆ ಉತ್ತರ ಹುಡುಕುವ ನಾಯಕನಾಗಿ ಶರಣ್ ಎಂಟ್ರಿ ಕೊಡುತ್ತಾರೆ. ಟೀಸರ್ ನೋಡುಗರನ್ನು ಕಥೆಯ ಒಳಗೆ ಕರೆದುಕೊಂಡು ಹೋಗುತ್ತದೆ.

ನೋಡುಗರಿಗೆ ಸಖತ್ ಥ್ರಿಲ್

ಬ್ರಿಟೀಷರ ಕಾಲದ ಕಥೆ. ಬ್ರಿಟಿಷ್ ಅಧಿಕಾರಿ ಮಾರ್ಗನ್ ಮತ್ತು ಆತನ ರಾಣಿ. ನಿಧಿಗಾಗಿ ಕಾದಾಟ ಹೀಗೆ ಸಾಕಷ್ಟು ಅಂಶಗಳನ್ನು ಸೇರಿಸಿ ಈ ಹಾರರ್ ಕಾಮಿಡಿ ಸಿನಿಮಾ ಕಟ್ಟಿಕೊಡುತ್ತಿರುವಂತೆ ಕಾಣುತ್ತಿದೆ. 'ಛೂ ಮಂತರ್' ಚಿತ್ರದಲ್ಲಿ ಕಾಮಿಡಿ ಇದ್ದರೂ ಟೀಸರ್ ಮಾತ್ರ ಬಹಳ ಥ್ರಿಲ್ಲಿಂಗ್ ಆಗಿದೆ. ಚಿತ್ರದಲ್ಲಿ 3 ಕಥೆಗಳಿದ್ದು ಎಲ್ಲದಕ್ಕೂ ಚಿತ್ರದ ನಾಯಕನೇ ಮೂಲ ಆಗಿರುತ್ತಾನಂತೆ. ಬೆಂಗಳೂರು, ಮೈಸೂರು, ಉತ್ತರಕಾಂಡ ಹಾಗೂ ಲಂಡನ್‌ನಲ್ಲಿ ಸಿನಿಮಾ ಚಿತ್ರೀಕರಣ ನಡೆದಿದೆ.

ಗಮನ ಸೆಳೆಯುತ್ತಿದೆ ಟೀಸರ್

ನವನೀತ್ ನಿರ್ದೇಶನದ 'ಕರ್ವ' ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಸಿನಿಮಾ ನೋಡುವ ಪ್ರೇಕ್ಷಕನಿಗೆ ಸಖತ್ ಕಿಕ್ ಕೊಟ್ಟಿತ್ತು. ಅದೇ ಕಾರಣಕ್ಕೆ ನವನೀತ್ ಸಿನಿಮಾ ಅಂದಾಕ್ಷಣ ಭಾರೀ ನಿರೀಕ್ಷೆ ಮೂಡುತ್ತದೆ. ಅದಕ್ಕೆ ತಕ್ಕಂತೆ ಟೀಸರ್ ಕೂಡ ಕಟ್ ಮಾಡಿದ್ದಾರೆ. ಇನ್ನು ಅವಿನಾಶ್ ಬಿಜಿಎಂ ಕೂಡ ಕಥೆಗೆ ಬೇಕಾದ ಮೂಡ್ ಕ್ರಿಯೇಟ್ ಮಾಡವಂತಿದೆ. ಪ್ರಭು ಮುಂಡ್ಕರ್, ರಜನಿ ಭಾರಧ್ವಜ್ ಕೂಡ ತಾರಾಗಣದಲ್ಲಿದ್ದಾರೆ.