Don't Miss!
- News ‘ದೇವೇಗೌಡ್ರು ಕೋಲಾರದಲ್ಲಿ ಕುಟುಂಬದವರಿಗೆ ಬಿಟ್ಟು ಕಾರ್ಯಕರ್ತರಿಗೆ ಟಿಕೆಟ್ ಯಾಕೆ ಕೊಟ್ರು ಗೊತ್ತಾ?’
- Automobiles ಎಲೆಕ್ಟ್ರಿಕ್ ಅವತಾರದಲ್ಲಿ ಬರಲಿದೆ ಹೋಂಡಾ ಆಕ್ಟಿವಾ: ಎಲೆಕ್ಟ್ರಿಕ್ ಸ್ಕೂಟರ್ಗಳ ರಾಜ ಆಗುತ್ತಾ?
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Sports ಧೋನಿ ಎದುರು ಬಂದಾಗ ಕೆ.ಎಲ್ ರಾಹುಲ್ ಕ್ಯಾಪ್ ತೆಗೆದಿದ್ದೇಕೆ?: ಕಾರಣವೇನು?
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಏಕ್ ಲವ್ ಯಾ' ತಂಡಕ್ಕೆ 'ಶಿಷ್ಯ' ದೀಪಕ್ ನ ಕರೆತಂದ ಪ್ರೇಮ್.!
ಕನ್ನಡ ಚಿತ್ರ ನಟ ದೀಪಕ್ ಯಾರು ಅಂತ ಗೊತ್ತಾಗಬೇಕಾದರೆ, ನೀವು 'ಶಿಷ್ಯ' ಚಿತ್ರವನ್ನ ನೆನಪು ಮಾಡಿಕೊಳ್ಳಲೇಬೇಕು. 2006 ರಲ್ಲಿ ಬಿಡುಗಡೆ ಆದ 'ಶಿಷ್ಯ' ಸಿನಿಮಾ ದೊಡ್ಡ ಮಟ್ಟದ ಯಶಸ್ಸು ಗಳಿಸದೇ ಇದ್ದರೂ, ಗಾಂಧಿನಗರದಲ್ಲಿ ಸಖತ್ ಸೌಂಡ್ ಮಾಡಿದ್ದು ಸತ್ಯ.
'ಶಿಷ್ಯ' ಚಿತ್ರದ ಮೂಲಕ ಗಾಂಧಿನಗರದಲ್ಲಿ ಗುರುತಿಸಿಕೊಂಡ ದೀಪಕ್ ಬಳಿಕ 'ಬಾ ಬೇಗೆ ಚಂದಮಾಮ', 'ಚನ್ನ', 'ಖದೀಮರು', 'ಮಾಗಡಿ', 'ಒನಕೆ ಓಬವ್ವ', '18th ಕ್ರಾಸ್' ಮುಂತಾದ ಚಿತ್ರಗಳಲ್ಲಿ ದೀಪಕ್ ನಟಿಸಿದ್ದರು. ಆದ್ರೆ, ಯಾವ ಚಿತ್ರವೂ ಅವರಿಗೆ ಯಶಸ್ಸನ್ನು ತಂದುಕೊಡಲಿಲ್ಲ.
ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಜೊತೆಗೆ 'ಬೆಳ್ಳಿ' ಚಿತ್ರದಲ್ಲಿ ಸ್ಕ್ರೀನ್ ಶೇರ್ ಮಾಡಿದ್ದ ದೀಪಕ್ ಇದೀಗ 'ಏಕ್ ಲವ್ ಯಾ' ಚಿತ್ರದ ಪ್ರಮುಖ ಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಪ್ರೇಮ್ ನಿರ್ದೇಶನದ 'ಏಕ್ ಲವ್ ಯಾ' ಚಿತ್ರದಲ್ಲಿ ದೀಪಕ್ ಖಾಕಿ ತೊಟ್ಟು ಪೊಲೀಸ್ ಅಧಿಕಾರಿಯ ಪಾತ್ರ ನಿರ್ವಹಿಸುತ್ತಿದ್ದಾರೆ.
ಅಸಲಿಗೆ, ಪ್ರೇಮ್ ಮತ್ತು ರಕ್ಷಿತಾ ಕುಟುಂಬಕ್ಕೆ 'ಶಿಷ್ಯ' ದೀಪಕ್ ಅತ್ಯಾಪ್ತ. ಹೀಗಾಗಿ, ಚಿತ್ರದ ಸ್ಪೆಷಲ್ ಮತ್ತು ರೆಬೆಲ್ ಪಾತ್ರಕ್ಕೆ ದೀಪಕ್ ರನ್ನೇ ಪ್ರೇಮ್ ಅಯ್ಕೆ ಮಾಡಿದ್ದಾರೆ. 'ಏಕ್ ಲವ್ ಯಾ' ಚಿತ್ರದ ಮೂಲಕ ರಕ್ಷಿತಾ ಸಹೋದರ ರಾಣಾ ಸ್ಯಾಂಡಲ್ ವುಡ್ ಗೆ ನಾಯಕನಾಗಿ ಎಂಟ್ರಿಕೊಡುತ್ತಿರುವುದು ನಿಮಗೆಲ್ಲಾ ಗೊತ್ತೇ ಇದೆ.
ಪ್ರೇಮ್ 'ಏಕ್ ಲವ್ ಯಾ' ಚಿತ್ರಕ್ಕೆ ಮೂರನೇ ನಾಯಕಿ ಎಂಟ್ರಿ
ಅಂದ್ಹಾಗೆ, 'ಏಕ್ ಲವ್ ಯಾ' ತಂಡದಲ್ಲಿ ರಚಿತಾ ರಾಮ್, ಶಶಿಕುಮಾರ್, ಚರಣ್ ರಾಜ್ ಸೇರಿದಂತೆ ದೊಡ್ಡ ತಾರಾಬಳಗವೇ ಇದೆ. ಚಿತ್ರೀಕರಣ ಹಂತದಲ್ಲೇ ಸಿನಿಮಾತಂಡ ಬಿಜಿಯಾಗಿದೆ.