ಮುಖಪುಟ

ಸಿನಿ ಸಮಾಚಾರ

Recommended Video

ನಟ ಶಿವರಾಜ್ ಕುಮಾರ್ ಇಂದು ತಮ್ಮ 56ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ.‌ ನಿನ್ನೆ ತಡ ರಾತ್ರಿಯಿಂದಲೇ ನಾಗವರ ಬಳಿಯ ಶಿವಣ್ಣ ಅವರ ಶ್ರೀ ಮುತ್ತು ನಿವಾಸದಲ್ಲಿ ಅಭಿಮಾನಿಗಳ ಸಂಭ್ರಮಾಚರಣೆ ಶುರುವಾಗಿದೆ.

ನಿನ್ನೆ ರಾತ್ರಿ 12 ಗಂಟೆಗೆ ಸರಿಯಾಗಿ ಶಿವಣ್ಣ ಕೇಕ್ ಕಟ್ ಮಾಡುವ ಮೂಲಕ ಬರ್ತ್ ಡೇ ಆಚರಿಸಿಕೊಂಡರು. ನೂರಾರೂ ಅಭಿಮಾನಿಗಳು ತಂದ ಉಡುಗೋರೆಯನ್ನು ಸ್ವೀಕರಿಸಿ, ಅವರ ಜೊತೆಗೆ ಫೋಟೋ ತೆಗೆಸಿಕೊಂಡು ಖುಷಿ ಪಟ್ಟರು ಶಿವಣ್ಣ.

'ಭರತ ಚಕ್ರವರ್ತಿ' ಶಿವಣ್ಣನ ಸಿನಿಮಾ ಗೆಲ್ಲೋದು ಇದೇ ಕಾರಣಕ್ಕೆ ಇರ್ಬೋದು!

ಈ ವರ್ಷ ಶಿವಣ್ಣನ ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಮಾಡಲು ಅಭಿಮಾನಿಗಳು ನಿರ್ಧಾರ ಮಾಡಿದ್ದಾರೆ. ಶಿವು ಅಡ್ಡ ಟೀಂ ಬರೋಬ್ಬರಿ 56 ಅಡಿ ಕೇಕ್ ಅನ್ನು ಶಿವಣ್ಣ ನಿಂದ ಕಟ್ ಮಾಡಿಸುವ ಪ್ಲಾನ್ ಮಾಡಿದೆ. ಕಳೆದ ವರ್ಷ ಪಾರ್ವತಮ್ಮ ರಾಜ್ ಕುಮಾರ್ ಅವರ ನಿಧನದ ಹಿನ್ನೆಲೆಯಲ್ಲಿ ಅಭಿಮಾನಿಗಳು ಶಿವರಾಜ್ ಕುಮಾರ್ ಹುಟ್ಟುಹಬ್ಬವನ್ನು ಸರಳವಾಗಿ ಮಾಡಿದ್ದರು. ಆದರೆ ಈ ಬಾರಿ ಅವರ ಸಂಭ್ರಮ ಡಬಲ್ ಆಗಿದೆ. 'ಟಗರು' ಸಿನಿಮಾದ ಯಶಸ್ಸು ಕೂಡ ಅವರ ಸಂತಸಕ್ಕೆ ಕಾರಣ ಆಗಿದೆ.

ಇನ್ನು ಶಿವಣ್ಣನ ಹುಟ್ಟುಹಬ್ಬದ ವಿಶೇಷವಾಗಿ ಅನೇಕ ಸಿನಿಮಾಗಳ ಹೊಸ ಹೊಸ ಪೊಸ್ಟರ್ ಗಳು ಬಿಡುಗಡೆಯಾಗುತ್ತಿವೆ. 'ಕವಚ', 'ರುಸ್ತುಂ', 'ವೈರ ಮುಡಿ' ಹಾಗೂ ಯೊಗರಾಜ್ ಭಟ್ - ಶಿವಣ್ಣನ ಕಾಂಬಿನೇಶನ್ ಸಿನಿಮಾಗಳ ಪೋಸ್ಟರ್ ಗಳು ಹೊರಬಂದಿದೆ. ಜೊತೆಗೆ ಟಿ ಎಸ್ ನಾಗರಭರಣ ಅವರ ಜೊತೆಗೆ ಶಿವಣ್ಣ ಮತ್ತೊಂದು ಕಾದಂಬರಿ ಆಧಾರಿತ ಸಿನಿಮಾ ಮಾಡುತ್ತಿದ್ದು, ಈ ಚಿತ್ರ ಕೂಡ ಇಂದು ಅನೌನ್ಸ್ ಆಗಲಿದೆ.