ಪರಭಾಷೆ ಚಿತ್ರಗಳಿಗೆ 'ಡೋಂಟ್ ಕೇರ್' ಎಂದ ಶಿವಣ್ಣ

ಸಂಸ್ಕ್ರತಿಯಲ್ಲಿ ನಾವು ಶ್ರೀಮಂತರು

''ಕನ್ನಡ ಸಿನಿಮಾಗಳು ತುಂಬಾ ಚೆನ್ನಾಗಿ ಬರ್ತಿದೆ. ಬೇರೆ ಭಾಷೆಯ ಸಿನಿಮಾಗಳ ಹಾವಳಿ ಅಂತ ಅಂದುಕೊಳ್ಳುವುದೇ ಇಲ್ಲ. ಯಾವ ಭಾಷೆಯ ಸಿನಿಮಾ ಬಂದ್ರೂ ಕನ್ನಡ ಸಂಸ್ಕ್ರತಿ ಶ್ರೀಮಂತವಾಗಿದೆ''

ರಾಜಾರೋಷವಾಗಿ ಹೇಳ್ತೀನಿ

''ಕನ್ನಡದಲ್ಲಿ ಆವಾಗನಿಂದ ಇವಾಗನಿವರೆಗೂ ಒಳ್ಳೆಯ ಡೈರೆಕ್ಟರ್ ಗಳು ಇದ್ದಾರೆ. ಆಗ ಪುಟ್ಟಣ್ಣ ಕಣಗಾಲ್ ಸಿನಿಮಾಗಳಿಂದ ಹಿಡಿದು ಈಗ ಪ್ರೇಮ್, ಉಪೇಂದ್ರ ಅಂತಹ ನಿರ್ದೇಶಕರಿದ್ದಾರೆ ಅಂತ ನಾವು ರಾಜಾರೋಷವಾಗಿ ಹೇಳಬಹುದು''

ಪರಭಾಷೆಗೆ ನಾವು ಎದುರಲ್ಲ

''ಯಾವ ಪರಭಾಷೆಯ ಚಿತ್ರಕ್ಕೂ ನಾವು ಎದುರಲ್ಲ. ಇದನ್ನ ನಾನಂತೂ ಒಪ್ಪಿಕೊಳ್ಳುವುದಿಲ್ಲ. ಅವರು ತುಂಬಾ ದೊಡ್ಡ ದೊಡ್ಡ ಸಿನಿಮಾ ಮಾಡಬಹುದು. ಅವರ ಚಿತ್ರಗಳಲ್ಲಿ ಅದ್ಧೂರಿತನ ಇರಬಹುದು. ನಾವು ಸಾಂಸ್ಕ್ರತಿಕವಾಗಿ ಅದ್ಧೂರಿಯಾಗಿದ್ದೀವಿ. ನಮ್ಮ ಭಾಷೆಯಲ್ಲಿ ಶ್ರೀಮಂತವಾಗಿದ್ದೇವೆ''

ನನಗೆ ನಮ್ಮ ಇಂಡಸ್ಟ್ರಿ ಹೆಮ್ಮೆ

''ಅಪ್ಪಾಜಿ ಸಿನಿಮಾ, ವಿಷ್ಣುವರ್ಧನ್ ಅವರ ಸಿನಿಮಾ, ಅಂಬರೀಶ್ ಅವರ ಸಿನಿಮಾ, ಅನಂತ್ ನಾಗ್ ಅವರ ಸಿನಿಮಾ ಅವರಿಂದ ಇಲ್ಲಿಯವರೆಗೂ ಎಲ್ಲ ಚಿತ್ರಗಳು ಅಷ್ಟೊಂದು ಅದ್ಧೂರಿತನ ಇದೆ. ಇದನ್ನ ನಾನು ತುಂಬಾ ಹೆಮ್ಮೆಯಿಂದ ಹೇಳುತ್ತೇನೆ''