ರಸ್ತೆ ಬದಿ ಟೀ ಕುಡಿದ ಶಿವಣ್ಣ: ಫೋಟೋಗಾಗಿ ಮುಗಿಬಿದ್ದ ಅಭಿಮಾನಿಗಳು

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಸರಳತೆಯ ಗುಣಕ್ಕೆ ಮತ್ತೊಂದು ತಾಜಾ ಉದಾಹರಣೆ ಸಿಕ್ಕಿದೆ. ಸದ್ಯ, ಮೈಸೂರಿನಲ್ಲಿರುವ ಸೆಂಚುರಿ ಸ್ಟಾರ್ ಬೆಳಗ್ಗೆ ರಸ್ತೆ ಬದಿಯ ಅಂಗಡಿಯೊಂದರ ಬಳಿ ಟೀ ಕುಡಿದಿದ್ದಾರೆ.

Recommended Video

ಈ ವೇಳೆ ಶಿವಣ್ಣ ಅವರನ್ನು ನೋಡಿದ ಅಭಿಮಾನಿಗಳು ಫೋಟೋಗಾಗಿ ಮುಗಿ ಬಿದ್ದಿದ್ದಾರೆ. ತಮ್ಮನ್ನು ನೋಡಲು ಬಂದ ಅಭಿಮಾನಿಗಳ ಜೊತೆ ಕೂಲ್ ಆಗಿ ಮಾತನಾಡಿದ ಕರುನಾಡ ಚಕ್ರವರ್ತಿ ಫೋಟೋಗೆ ಪೋಸ್ ನೀಡಿದರು.

ಶಿವಣ್ಣ ಅವರನ್ನು ನೋಡಿದ ಖುಷಿಯಲ್ಲಿ ಕೆಲವು ಅಭಿಮಾನಿಗಳು ಹೂಗುಚ್ಛ ಸಹ ತಂದು ಗೌರವಿಸಿದರು. ಅಭಿಮಾನಿಗಳ ಜೊತೆ ಡಾ ರಾಜ್ ಪುತ್ರ ನಡೆದುಕೊಂಡ ರೀತಿ ಕಂಡು ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ರಸ್ತೆ ಬದಿಯಲ್ಲಿ ಶಿವಣ್ಣ ಟೀ ಕುಡಿಯುತ್ತಿರುವುದು ಹಾಗೂ ಅಭಿಮಾನಿಗಳ ಜೊತೆ ನಿಂತು ಮಾತನಾಡುತ್ತಿರುವ ವಿಡಿಯೋಗಳ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಇನ್ನು ಹರ್ಷ ನಿರ್ದೇಶನದ 'ಭಜರಂಗಿ-2' ಚಿತ್ರದಲ್ಲಿ ಶಿವಣ್ಣ ನಟಿಸುತ್ತಿದ್ದಾರೆ. ಇತ್ತೀಚಿಗಷ್ಟೆ ವಿಜಯ್ ಮಿಲ್ಟನ್ ನಿರ್ದೇಶನದ 'ಶಿವಪ್ಪ' ಎಂಬ ಸಿನಿಮಾದ ಮುಹೂರ್ತ ಕಾರ್ಯಕ್ರಮ ನೆರವೇರಿದೆ. ಇದರ ಜೊತೆಗೆ ಆರ್‌ಡಿಎಕ್ಸ್, ಭೈರತಿ ರಣಗಲ್ಲು ಸಿನಿಮಾಗಳು ಸಹ ಹ್ಯಾಟ್ರಿಕ್ ಹೀರೋ ಕೈಯಲ್ಲಿದೆ.