twitter
    For Quick Alerts
    ALLOW NOTIFICATIONS  
    For Daily Alerts

    ತಮಿಳು ಸಿನಿಮಾದಲ್ಲಿ ನಟಿಸುವ ಅವಕಾಶ ಕೈಬಿಟ್ಟ ಶಿವರಾಜ್ ಕುಮಾರ್

    |

    ನಟ ಶಿವರಾಜ್ ಕುಮಾರ್ ಅವರು ತಮಿಳು ಸಿನಿಮಾದಲ್ಲಿ ನಟಿಸಲಿದ್ದಾರೆ ಎಂಬ ಸುದ್ದಿ ಕೆಲ ದಿನಗಳ ಹಿಂದೆ ಹರಡಿತ್ತು. ಶಿವಣ್ಣ ಸಹ, ತಾವು ತಮಿಳು ಸಿನಿಮಾದಲ್ಲಿ ನಟಿಸುತ್ತಿರುವುದಾಗಿ ಹೇಳಿಕೊಂಡಿದ್ದರು. ಆದರೆ ಈಗ ಆ ಸಿನಿಮಾದಿಂದ ಹಿಂದೆ ಸರಿದಿದ್ದಾರೆ ಶಿವರಾಜ್ ಕುಮಾರ್.

    Recommended Video

    ತಮಿಳಿನ ಬಂಪರ್ ಆಫರ್ ಮಿಸ್ ಮಾಡಿಕೊಂಡ ಶಿವಣ್ಣ | Filmibeat Kannada

    ತಮಿಳಿನ ಖ್ಯಾತ ನಟ ವಿಕ್ರಂ ನಟನೆಯ ಸಿನಿಮಾದಲ್ಲಿ ಶಿವರಾಜ್ ಕುಮಾರ್ ಅವರಿಗೆ ಮುಖ್ಯ ಪಾತ್ರದ ಆಫರ್ ನೀಡಲಾಗಿತ್ತು. ಪ್ರತಿಭಾವಂತ ನಿರ್ದೇಶಕ ಕಾರ್ತಿಕ್ ಸುಬ್ಬರಾಜು ನಿರ್ದೇಶನದ ಈ ಸಿನಿಮಾದಲ್ಲಿ ನಟಿಸಲು ಶಿವಣ್ಣ ಸಹ ಉತ್ಸುಕರಾಗಿದ್ದರು.

    ಆದರೆ ಶಿವರಾಜ್ ಕುಮಾರ್ ಅವರಿಗೆ ಡೇಟ್ಸ್ ಹೊಂದಾಣಿಕೆ ಆಗದ ಕಾರಣ ಅನಿವಾರ್ಯವಾಗಿ ತಮಿಳು ಸಿನಿಮಾದಲ್ಲಿ ನಟಿಸಲು ಸಾಧ್ಯವಾಗುತ್ತಿಲ್ಲ. ಶಿವರಾಜ್ ಕುಮಾರ್ ಅವರು ಹಲವು ಸಿನಿಮಾಗಳನ್ನು ಒಪ್ಪಿಕೊಂಡಿದ್ದು ಅವನ್ನು ಬೇಗ ಮುಗಿಸುವ ಕಾರಣದಿಂದ ತಮಿಳು ಸಿನಿಮಾಕ್ಕೆ ಒಲ್ಲೆ ಎಂದಿದ್ದಾರೆ.

    ನಟಿಸುವ ಆಸೆಯಿತ್ತು ಶಿವರಾಜ್ ಕುಮಾರ್ ಗೆ

    ನಟಿಸುವ ಆಸೆಯಿತ್ತು ಶಿವರಾಜ್ ಕುಮಾರ್ ಗೆ

    ಈ ಹಿಂದೆ ಕಾರ್ತಿಕ್ ಸುಬ್ಬರಾಜು ಇಂದ ಕತೆ ಕೇಳಿದ್ದ ಶಿವರಾಜ್ ಕುಮಾರ್, 'ಕಾರ್ತಿಕ್ ಸುಬ್ಬರಾಜು ಅವರ ಈ ಹಿಂದಿನ ಸಿನಿಮಾಗಳನ್ನು ನೋಡಿದ್ದೇನೆ. ಈಗ ಅವರು ಹೇಳಿರುವ ಕತೆ ಸಹ ಅದ್ಭುತವಾಗಿದೆ. ಸಾಕಷ್ಟು ಭಾವನಾತ್ಮಕ ದೃಶ್ಯಗಳು ಸಿನಿಮಾದಲ್ಲಿವೆ, ನಾನು ಆ ಸಿನಿಮಾದಲ್ಲಿ ನಟಿಸಲು ಉತ್ಸುಕನಾಗಿದ್ದೇನೆ' ಎಂದಿದ್ದರು.

    ಡೇಟ್ಸ್ ಹೊಂದಾಣಿಕೆ ಆಗದ ಕಾರಣ ನಿರಾಕರಣೆ

    ಡೇಟ್ಸ್ ಹೊಂದಾಣಿಕೆ ಆಗದ ಕಾರಣ ನಿರಾಕರಣೆ

    ಆದರೆ ಹಲವಾರು ಸಿನಿಮಾಗಳನ್ನು ಒಪ್ಪಿಕೊಂಡಿರುವ ಶಿವರಾಜ್ ಕುಮಾರ್ ಗೆ ತಮಿಳು ಸಿನಿಮಾದಲ್ಲಿ ನಟಿಸಲು ಡೇಟ್ಸ್ ಹೊಂದಿಕೆ ಆಗಿಲ್ಲ. ಈಗ ಕೈಲಿರುವ ಸಿನಿಮಾಗಳನ್ನು ಸಹ ಬೇಗನೇ ಮುಗಿಸುವ ಒತ್ತಡ ಇರುವ ಕಾರಣ ಸಿನಿಮಾದ ಅವಕಾಶವನ್ನು ಒಲ್ಲದ ಮನಸ್ಸಿನಿಂದ ನಿರಾಕರಿಸಿದ್ದಾರೆ ಶಿವಣ್ಣ.

    ತೆಲುಗಿನ ಸಿನಿಮಾದಲ್ಲಿ ನಟಿಸಿರುವ ಶಿವರಾಜ್ ಕುಮಾರ್

    ತೆಲುಗಿನ ಸಿನಿಮಾದಲ್ಲಿ ನಟಿಸಿರುವ ಶಿವರಾಜ್ ಕುಮಾರ್

    ಈ ಹಿಂದೆ ಶಿವರಾಜ್ ಕುಮಾರ್ ಅವರು, ತೆಲುಗಿನ 'ಗೌತಮಿ ಪುತ್ರ ಶಾತಕರ್ಣಿ' ಸಿನಿಮಾದಲ್ಲಿ ನಟ ಬಾಲಕೃಷ್ಣ ಜೊತೆಗೆ ನಟಿಸಿದ್ದರು. ಶಿವಣ್ಣ ನಟಿಸಿದ್ದ ರಾಮ್ ಗೋಪಾಲ್ ವರ್ಮಾರ 'ಕಿಲ್ಲಿಂಗ್ ವೀರಪ್ಪನ್' ಸಿನಿಮಾ ಸಹ ತೆಲುಗಿನಲ್ಲಿ ಬಿಡುಗಡೆ ಆಗಿತ್ತು.

    ಹಲವು ಸಿನಿಮಾಗಳು ಶಿವಣ್ಣ ಕೈಯಲ್ಲಿವೆ

    ಹಲವು ಸಿನಿಮಾಗಳು ಶಿವಣ್ಣ ಕೈಯಲ್ಲಿವೆ

    ಶಿವರಾಜ್ ಕುಮಾರ್ ನಟನೆಯ ಭಜರಂಗಿ 2 ಸಿನಿಮಾ ಬಿಡುಗಡೆಗೆ ತಯಾರಾಗಿದೆ. ಈ ನಡುವೆ ಶಿವಪ್ಪ ಸಿನಿಮಾದ ಚಿತ್ರೀಕರಣ ಪ್ರಾರಂಭವಾಗಿದೆ. ರವಿ ಗೊಲ್ಲಪುಡಿ ನಿರ್ದೇಶಿಸಲಿರುವ ಹೆಸರಿಡದ ಸಿನಿಮಾದಲ್ಲಿ ಶಿವಣ್ಣ ನಟಿಸಲಿದ್ದಾರೆ. ಇನ್ನೂ ಕೆಲವು ಹೆಸರಿಡದ ಸಿನಿಮಾಗಳು ಸರತಿ ಸಾಲಿನಲ್ಲಿ ಶಿವಣ್ಣಗಾಗಿ ಕಾಯುತ್ತಿವೆ.

    English summary
    Shiva Rajkumar not acting in Chiyan Vikram's starer Tamil movie. Earlier Shiva Rajkumar said he will act in that movie, but due to dates issue he is not acting in it.
    Thursday, January 28, 2021, 17:49
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X