ಮೂರು ದಿನ 'ಗೃಹಬಂಧನ'ದ ಬಗ್ಗೆ 'ಸಿಂಹದ ಮರಿ' ಹೇಳಿದ್ದೇನು?

ಗುರುವಾರ ವಿಶ್ರಾಂತಿಯಲ್ಲಿದ್ದ ಶಿವಣ್ಣ

ಗುರುವಾರ ಬೆಳಿಗ್ಗೆ ಶಿವರಾಜ್ ಕುಮಾರ್ ವಾಕಿಂಗ್ ಹೋಗಬೇಕಿತ್ತು. ಆದ್ರೆ, ಆ ದಿನ ಅದ್ಯಾಕೋ ಶಿವಣ್ಣ ಹೋಗಿಲ್ಲ. ಸ್ವಲ್ಪ ವಿಶ್ರಾಂತಿ ಪಡೆಯೋಣ, ಲೇಟ್ ಆಗಿ ಎದ್ದೇಳೋಣ ಅಂತ ಸುಮ್ಮನಾದರಂತೆ. ಬಟ್, ಅದೇ ವೇಳೆಯಲ್ಲಿ ಐಟಿ ಅಧಿಕಾರಿಗಳು ನಾಗವಾರದಲ್ಲಿದ್ದ ಶಿವಣ್ಣ ಮನೆ ಪ್ರವೇಶ ಮಾಡಿದರಂತೆ.

ವಾಕಿಂಗ್ ಮಾಡಲಿಲ್ಲ

ಗುರುವಾರ ವಾಕಿಂಗ್ ಮಾಡಲಿಲ್ಲ, ಶುಕ್ರವಾರವೂ ವಾಕಿಂಗ್ ಮಾಡಲಿಲ್ಲ. ಹಾಗಾಗಿ, ಮನೆಯ ಬಾಲ್ಕನಿಯಲ್ಲೇ ಹ್ಯಾಟ್ರಿಕ್ ಹೀರೋ ವಾಕಿಂಗ್ ಮಾಡಬೇಕಾಯಿತು. ಪತ್ನಿ ಗೀತಾ ಮತ್ತು ಮಗಳ ಜೊತೆ ಹೆಜ್ಜೆಯಿಟ್ಟರು. ಇದು ಸಾಮಾನ್ಯವಾಗಿ ಸ್ವಲ್ಪ ಕಿರಿಕಿರಿಯಾಗಿತ್ತಂತೆ..

ರೇಡ್ ವೇಳೆ ಬೇಜಾರಾಗಿತ್ತು

ಎರಡ್ಮೂರು ದಿನ ಈ ರೀತಿ ತನಿಖೆ, ಪರಿಶೀಲನೆ ಸಾಮಾನ್ಯವಾಗಿ ಬೇಜಾರು ತರಿಸುತ್ತೆ. ಶಿವಣ್ಣನಿಗೂ ಬೇಜಾರು ಆಯ್ತಂತೆ, ಕೆಲವು ಕಡೆ ಕಿರಿಕಿರಿ ಕೂಡ ಉಂಟಾಯಿತಂತೆ. ಬಟ್, ಅಂತಿಮವಾಗಿ ಅವರ ಕೆಲಸ ಮಾಡುತ್ತಿದ್ದರು. ಅದಕ್ಕೆ ನಾವು ಸಹಕರಿಸುತ್ತಿದ್ದೀವಿ ಅಷ್ಟೇ. ಅದನ್ನ ಬಿಟ್ಟರೇ ಯಾವ ತೊಂದರೆಯೂ ಆಗಿಲ್ಲ ಎಂದು ಸೆಂಚುರಿ ಸ್ಟಾರ್ ಹೇಳಿಕೊಂಡರು.

3 ದಿನಕ್ಕೆ ಕಾರ್ಯಕ್ರಮ ಏನಿತ್ತು?

ಮೂರು ದಿನ ಚಿತ್ರೀಕರಣ ನಿಲ್ಲಿಸಿದ್ರಾ ಎಂಬ ಕುತೂಹಲಕ್ಕೆ ಶಿವರಾಜ್ ಕುಮಾರ್ ಸ್ಪಷ್ಟನೆ ನೀಡಿದ್ರು. ಆ ರೀತಿ ಯಾವ ಕಾರ್ಯಕ್ರಮವೂ ನಿಗದಿಯಾಗಿರಲಿಲ್ಲ. ''ಈ ಎರಡ್ಮೂರು ದಿನದಲ್ಲಿ ಸಾಮಾನ್ಯವಾಗಿ ಗೀತಾ ಜೊತೆ ಡ್ರೈವ್ ಹೋಗ್ತಿದ್ದೆ, ಇಲ್ಲವಾದಲ್ಲಿ ಯಾವುದಾದರೂ ಸಿನಿಮಾ ನೋಡುತ್ತಿದ್ದೆ'' ಎಂದು ಶಿವಣ್ಣ ತಿಳಿಸಿದರು.