ಶಿವರಾಜ್ ಕುಮಾರ್ 'ಘೋಸ್ಟ್' ಚಿತ್ರಕ್ಕೆ KGF ಟಚ್!

ಘೋಸ್ಟ್ ಶೂಟಿಂಗ್ ಶೀಘ್ರದಲ್ಲೇ!

ನಟ ಶಿವರಾಜ್ ಕುಮಾರ್ ಅಭಿನಯಿಸಲಿರುವ 'ಘೋಸ್ಟ್' ಸಿನಿಮಾದ ಟೈಟಲ್ ಪೋಸ್ಟರ್ ಶಿವಣ್ಣನ ಹುಟ್ಟುಹಬ್ಬಕ್ಕೆ ರಿಲೀಸ್ ಆಗಿದೆ. ಪೋಸ್ಟರ್ ಕೂಡ ಹೆಚ್ಚಿನ ಗಮನ ಸೆಳದಿದೆ. ವಿಭಿನ್ನ ಪೋಸ್ಟರ್ ಮೂಲಕ ವಿಭಿನ್ನ ಕತೆಯನ್ನು ಹೇಳಲು ಬರ್ತಿದೆ ಈ ಸಿನಿಮಾ ಎನ್ನುವುದು ಪೋಸ್ಟರ್ ಮೂಲಕ ತಿಳಿಯಲಿದೆ.

ಘೋಸ್ಟ್‌ಗೆ ಕೆಜಿಎಫ್ ಶಿವಕುಮಾರ್ ಎಂಟ್ರಿ!

ಶಿವರಾಜ್ ಕುಮಾರ್ ಅವರ ಘೋಸ್ಟ್ ಚಿತ್ರಕ್ಕೂ, ಕೆಜಿಎಫ್ ಸಿನಿಮಾಗೂ ಏನಪ್ಪ ನಂಟು ಎಂದುಕೊಂಡಿರಾ?. ಈ ಚಿತ್ರಕ್ಕೆ ಕೆಜಿಎಫ್ ಬಳದ ಶಿವಕುಮಾರ್ ಸೇರಿಕೊಂಡಿದ್ದಾರೆ. ಶಿವಕುಮಾರ್ ಆರ್ಟ್ ಡೈರೆಕ್ಟರ್. ಕೆಜಿಎಫ್ ಸಿನಿಮಾದ ಸಂಪೂರ್ಣ ಸೆಟನ್ನು ಇವರೇ ಹಾಕಿರುವು. ಈಗ 'ಘೋಸ್ಟ್' ಸಿನಿಮಾಗೆ ಎಂಟ್ರಿ ಕೊಡುವ ಮೂಲಕ ನಿರೀಕ್ಷೆ ಹುಟ್ಟು ಹಾಕಿದ್ದಾರೆ. ಈ ವಿಚಾರವನ್ನು ನಿರ್ದೇಶಕ ಶ್ರೀನಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಘೋಸ್ಟ್ ಚಿತ್ರಕ್ಕೆ ಅದ್ದೂರಿ ಸೆಟ್!

ಇನ್ನು ಘೋಸ್ಟ್ ಸಿನಿಮಾ ಪೋಸ್ಟರ್ ನೋಡಿದರೆ ಗೊತ್ತಾಗುತ್ತೆ. ಇದು ಅಪರೂಪದ ಕಥೆಯನ್ನು ಹೇಳುವ ಸಿನಿಮಾ ಎನ್ನುವುದು. ಈ ಚಿತ್ರದ ಟೈಟಲ್ ಇದೊಂದು ಹಾರರ್ ಕಹಾನಿ ಇರಬಹುದು ಎನ್ನುವುದನ್ನು ಹೇಳುತ್ತದೆ. ಹಾಗಾಗಿ ಇದಕ್ಕೆ ಪ್ರತ್ಯೇಕ ಪ್ರಪಂಚವೆ ಬೇಕಾಗಬಹುದು. ಈಗ ಶಿವಕುಮಾರ್ ಎಂಟ್ರಿ ಕೊಟ್ಟಿರುವುದು, ಸಹಜವಾಗಿಯೇ ಕುತೂಹಲವನ್ನು ಹೆಚ್ಚು ಮಾಡಿದೆ.

ಸಾಲು ಸಾಲು ಸಿನಿಮಾಗಳಲ್ಲಿ ಶಿವಣ್ಣ ಅಭಿನಯ!

ಸಚಿನ್ ನಿರ್ದೇಶನದಲ್ಲಿ ಶಿವಣ್ಣನ 127ನೇ ಸಿನಿಮಾ ಪ್ರಕಟಗೊಂಡಿದೆ.ನಅರ್ಜುನ್ ಜನ್ಯ ಡೈರೆಕ್ಟರ್ ಕ್ಯಾಪ್ ತೊಟ್ಟಿದ್ದು, '45' ಎನ್ನುವ ಚಿತ್ರವನ್ನು ಶಿವಣ್ಣನಿಗೆ ನಿರ್ದೇಶನ ಮಾಡ್ತಿದ್ದಾರೆ. ಜೊತೆಗೆ ಶಿವಣ್ಣ, ಪ್ರಭುದೇವ ಕಾಂಬಿನೇಷನ್‌ನಲ್ಲಿ ಯೋಗರಾಜ್ ಭಟ್ ಸಿನಿಮಾ ಮಾಡ್ತಿದ್ದಾರೆ. ಶಿವಣ್ಣ ಮುಂದಿನ ಸಿನಿಮಾ ವೇದ ರಿಲೀಸ್‌ಗೆ ರೆಡಿಯಾಗಿದೆ.