ಭಜರಂಗಿ ಟ್ರೇಲರ್ ಭರ್ಜರಿ ರಿಲೀಸ್ : ಹರ್ಷ

ಟ್ರೇಲರ್ ರಿಲೀಸ್ ಪೋಗ್ರಾಂ

ಶಿವರಾಜ್ ಕುಮಾರ್ ಅವರ ಮೊದಲ ಚಿತ್ರ ಈ ರೀತಿ ಚಿತ್ರಮಂದಿರದಲ್ಲಿ ಟ್ರೇಲರ್ ಬಿಡುಗಡೆ ಕಾಣುತ್ತಿದೆ. 2 ನಿಮಿಷಗಳ ಟ್ರೇಲರ್ ಅಭಿಮಾನಿಗಳಿಗೆ ಅರ್ಪಿಸಲು ರಿಯಲ್ ಸ್ಟಾರ್ ಉಪೇಂದ್ರ, ಯಶ್, ರಾಗಿಣಿ, ಸಾವಿರಾರು ಶಿವಣ್ಣನ ಅಭಿಮಾನಿಗಳು ಬರಲಿದ್ದಾರೆ. ಇದೇ ಸಂದರ್ಭದಲ್ಲಿ ಶಿವರಾಜ್ ಕುಮಾರ್ ಅವರಿಗೆ ಕರುನಾಡ ಚಕ್ರವರ್ತಿ ಬಿರುದು ನೀಡಿ ಗೌರವಿಸಲಾಗುತ್ತದೆ

ಇದೇ ಮೊದಲಾ?

ಹಾಗೇನಿಲ್ಲ. ಈ ಮುಂಚೆ ಸುದೀಪ್ ಅಭಿನಯದ ಬಚ್ಚನ್, ಪಿಸಿ ಶೇಖರ್ ಅವರ ಗಣೇಶ್ ಅಭಿನಯದ ರೋಮಿಯೋ ಹಾಗೂ ತೀರಾ ಇತ್ತೀಚೆಗೆ ಸಾಧು ಕೋಕಿಲ, ರಂಗಾಯಣ ರಘು ಇನ್ನಿತರ ಕಲಾವಿದರುಗಳ ಚಡ್ಡಿ ದೋಸ್ತ್ ಚಿತ್ರದ ಟ್ರೇಲರ್ ಕೂಡಾ ಚಿತ್ರಮಂದಿರದಲ್ಲೆ ಮೊದಲಿಗೆ ರಿಲೀಸ್ ಮಾಡಲಾಗಿತ್ತು. ಆದರೆ, ಶಿವರಾಜ್ ಅವರ ಚಿತ್ರದ ಟ್ರೇಲರ್ ಇದೇ ಮೊದಲು ಈ ರೀತಿ ರಿಲೀಸ್ ಆಗುತ್ತಿದೆ.

ಶಿವಣ್ಣ ಸಿಕ್ಸ್ ಪ್ಯಾಕ್

ಶಿವಣ್ಣ ತಮ್ಮ ವೃತ್ತಿಜೀವನದಲ್ಲಿ ಸಿಕ್ಸ್ ಪ್ಯಾಕ್ ದೇಹಕ್ಕಾಗಿ ಎಂದೂ ಕಸರತ್ತು ಮಾಡಿರಲಿಲ್ಲ. ಅವರ ದೇಹ ನೈಜವಾಗಿ ಹದಿಹರೆಯದ ಯುವಕರಂತೆ ಕಾಣುತ್ತಿತ್ತು. ಈಗ ಅವರಿಗೆ 50ರ ಪ್ರಾಯ. ಆದರೂ ಅವರಲ್ಲಿ ಇನ್ನೂ ಚಿಗುರು ಮೀಸೆ ಹುಡುಗನ ಉತ್ಸಾಹ ತಾಂಡವವಾಡುತ್ತಿದೆ. ಪಾತ್ರಕ್ಕೆ ಅಗತ್ಯವಿರುವುದರಿಂದ ಸಿಕ್ಸ್ ಪ್ಯಾಕ್ ಗಾಗಿ ಸಿದ್ಧ ಮಾಡಿಕೊಳ್ಳುತ್ತಿದ್ದೇನೆ ಅಷ್ಟೆ ಎಂದು ಶಿವಣ್ಣ ಹೇಳಿದ್ದಾರೆ.

ರುದ್ರ ತಾಂಡವ' ನೃತ್ಯ

ಚಿತ್ರದಲ್ಲಿ 'ರುದ್ರ ತಾಂಡವ' ನೃತ್ಯವೂ ಇರುತ್ತದೆ. ಮೊಳಕಾಲಿನಲ್ಲೇ ಶಿವಣ್ಣ ನೃತ್ಯ ಮಾಡಲಿದ್ದಾರೆ. ಚಿತ್ರದ ಪ್ರಮುಖ ಆಕರ್ಷಣೆಗಳಲ್ಲಿ ಇದೂ ಒಂದಾಗಲಿದೆ ಎನ್ನುತ್ತಾರೆ ಹರ್ಷಾ.

"ಚಿತ್ರದಲ್ಲಿ ಶಿವಣ್ಣ ಅವರು ಎರಡು ವಿಭಿನ್ನ ಶೇಡ್ ಗಳಲ್ಲಿ ಕಾಣಿಸಲಿದ್ದಾರೆ. ಎರಡೂ ಪಾತ್ರಗಳ ಬಾಡಿ ಲಾಂಗ್ವೇಜ್ ಹಾಗೂ ಲುಕ್ ವಿಭಿನ್ನವಾಗಿದೆ" ಎಂದು ಚಿತ್ರತಂಡ ಹೇಳಿದೆ.

ಐಂದ್ರಿತಾ ರೇ ನಾಯಕಿ

ಡ್ಡಿ ಪುಡಿಯಲ್ಲಿ ಶಿವರಾಜ್ ಕುಮಾರ್ ಜೊತೆ ಸಣ್ಣ ಪಾತ್ರ ಹಾಗೂ ಒಂದು ಹಾಡಿನಲ್ಲಿ ಕಾಣಿಸಿಕೊಂಡಿದ್ದ ಐಂದ್ರಿತಾ ರೇ ಮತ್ತೊಮ್ಮೆ ಶಿವಣ್ಣನ ಜೊತೆ ನಟಿಸುತ್ತಿರುವುದಕ್ಕ್ ಥ್ರಿಲ್ ಆಗಿದ್ದಾರೆ. ನೆರೆ ಮನೆ ಹುಡುಗಿ ರೀತಿ ಪಾತ್ರ ಸಿಕ್ಕಿದೆ. ಪೂರ್ಣ ಪ್ರಮಾಣದ ನಾಯಕಿಯಾಗಿ ಶಿವಣ್ಣನ ಜೊತೆ ನಟಿಸುತ್ತಿರುವುದು ಖುಷಿ ಕೊಟ್ಟಿದೆ. ಅವರಿಂದ ನಟನೆ ಕಲಿಯುವುದು ಬಹಳಷ್ಟಿದೆ ಎಂದು ಐಂದ್ರಿತಾ ಕಣ್ಣು ಮಿಟುಕಿಸುತ್ತಾರೆ.

ಚಿತ್ರತಂಡ

ತಾಂತ್ರಿಕವರ್ಗದಲ್ಲಿ ಪ್ರಮುಖವಾಗಿ ಸಂಗೀತ ಅರ್ಜುನ್ ಜನ್ಯಾ, ಚಿತ್ರಕಥೆ ವಿಕ್ಟರಿ ಚಿತ್ರ ಖ್ಯಾತಿಯ ನಂದಕಿಶೋರ್, ನಿರ್ದೇಶನ ಎ. ಹರ್ಷ