ಮಾರುಕಟ್ಟೆಗೆ ಶಿವಣ್ಣ ಸಿಕ್ಸ್ ಪ್ಯಾಕ್ ಡಿವಿಡಿ ಬಿಡುಗಡೆ

ಕನ್ನಡ ಚಿತ್ರೋದ್ಯಮದ ಮಟ್ಟಿಗೆ ಇದೊಂದು ಹೊಸ ಪ್ರಯೋಗ. ಈಗ ಬಹುತೇಕ ನಟರು ಸಿಕ್ಸ್ ಪ್ಯಾಕ್ ಗಾಗಿ ತಮ್ಮ ದೇಹವನ್ನು ದಂಡಿಸುತ್ತಿದ್ದಾರೆ. ಆದರೆ ಅದರಲ್ಲಿ ಯಶಸ್ವಿಯಾದವರು ಮಾತ್ರ ಬೆರಳೆಣಿಕೆಯಷ್ಟು ಮಂದಿ. ಆದರೆ ಹ್ಯಾಟ್ರಿಕ್ ಹೀರೋ ಶಿವಣ್ಣ ತರಹ 52ರ ಹರೆಯದಲ್ಲಿ ಸಿಕ್ಸ್ ಪ್ಯಾಕ್ ಕಸರತ್ತು ಮಾಡಿದವರು ವಿರಳ.

ಭಜರಂಗಿ ಚಿತ್ರಕ್ಕಾಗಿ ಶಿವಣ್ಣ ಕಸರತ್ತು ಮಾಡಿರುವ ಡಿವಿಡಿಯನ್ನು ಸತ್ವ ಮೀಡಿಯಾ ಹೊರತಂದಿದೆ. ಈ ಡಿವಿಡಿಯನ್ನು ಬುಧವಾರ (ಡಿ.11) ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಯಿತು. ಇಷ್ಟು ದಿನ ಬಾಲಿವುಡ್ ನಲ್ಲಿ ಮಾತ್ರ ಇದ್ದಂತಹ ಟ್ರೆಂಡ್ ಇದು. ಈಗ ಕನ್ನಡ ಚಿತ್ರರಂಗಕ್ಕೂ ಶಿವಣ್ಣನ ಸಿಕ್ಸ್ ಪ್ಯಾಕ್ ಮೂಲಕ ಪರಿಚಯವಾಗುತ್ತಿದೆ. [ಚಿತ್ರರಂಗಕ್ಕೇ ಗುಡ್ ಬೈ ಹೇಳುತ್ತೇನೆ ಎಂದ ಶಿವಣ್ಣ]

ಭಜರಂಗಿ ಗ್ಯಾಲರಿ

ಬೆಂಗಳೂರಿನ ಗರುಡಾ ಮಾಲ್ ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ "ಶಿವಣ್ಣ ಫಿಟ್@ 52" ಡಿವಿಡಿಯನ್ನು ಬಿಡುಗಡೆ ಮಾಡಲಾಯಿತು. ಈ ಕಾರ್ಯಕ್ರಮಕ್ಕೆ ಚಿತ್ರನಟಿ ಹರ್ಷಿಕಾ ಪೂಣಚ್ಚ, ಶ್ವಾಸ ಗುರು ವಚನಾನಂದ ಸ್ವಾಮೀಜಿ ಸೇರಿದಂತೆ ಹಲವರು ಗಣ್ಯರು ಮುಖ್ಯ ಅತಿಥಿಯಾಗಿ ಆರಂಭಿಸಿದ್ದರು. (ಏಜೆನ್ಸೀಸ್)