ಪಿ.ಆರ್.ಕೆ ಸಂಸ್ಥೆಯಲ್ಲಿ ಮೆಗಾ ಸಿನಿಮಾ: ಶಿವಣ್ಣ, ರಾಘಣ್ಣ, ಪುನೀತ್ ಒಟ್ಟಿಗೆ ನಟನೆ

ಸಿನಿಮಾ ಮಾಡೋದು ಪಕ್ಕಾ

ರಾಜ್ ಮಕ್ಕಳು ಮೂವರು ಒಂದೇ ಸಿನಿಮಾದಲ್ಲಿ ನಟಿಸುವುದು ಕಷ್ಟ. ಸುಮ್ಮನೇ ಮಾತಿಗೆ ಹೌದು ಅಂತಿದ್ದಾರೆ ಎಂಬ ಮಾತುಗಳು ಕೂಡ ಕೇಳಿಬರ್ತಿದ್ವು. ಆದ್ರೆ, ಅಭಿಮಾನಿಗಳ ಆಸೆಯನ್ನ ನಿಜಾ ಮಾಡಲು ಹೊರಟಿದ್ದಾರೆ ಅಣ್ಣಾವ್ರ ಮಕ್ಕಳು. ಪುನೀತ್, ರಾಘಣ್ಣ, ಶಿವಣ್ಣ ಮೂವರು ಈ ಸಿನಿಮಾ ಮಾಡುವುದಾಗಿ ಒಪ್ಪಿಗೆ ಸೂಚಿಸಿದ್ದಾರಂತೆ. ಪುನೀತ್ ಮಾಲಿಕತ್ವದ ಪಿ.ಆರ್.ಕೆ ಸಂಸ್ಥೆಯಲ್ಲಿ ಈ ಚಿತ್ರ ನಿರ್ಮಾಣವಾಗಲಿದೆಯಂತೆ.

ಮೊದಲು ಕಥೆ, ಆಮೇಲೆ ನಿರ್ದೇಶಕ

ಅಂದ್ಹಾಗೆ, ಮೂವರು ನಟರು ಒಟ್ಟಿಗೆ ಅಭಿನಯಿಸಲು ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಅದಕ್ಕೆ ತಕ್ಕಂತೆ ಕಥೆ ಬೇಕಾಗಿದೆ. ಕಥೆಗಾಗಿ ನಟರು ಹುಡುಕುತ್ತಿದ್ದಾರೆ. ಮೂವರಿಗೆ ಇಷ್ಟವಾಗುವಂತಹ ಕಥೆ ಸಿಕ್ಕ ಕೂಡಲೇ ಅನೌನ್ಸ್ ಮಾಡಲಿದ್ದಾರಂತೆ. ಮೊದಲು ಕಥೆ ಸಿಗಲಿ ಆ ನಂತರ ಈ ಚಿತ್ರಕ್ಕೆ ಯಾರು ನಿರ್ದೇಶನ ಮಾಡಬಹುದು ಎಂದು ನಿರ್ಧರಿಸಬಹುದು ಎಂದು ರಾಘವೇಂದ್ರ ರಾಜ್ ಕುಮಾರ್ ತಿಳಿಸಿದ್ದಾರೆ.

ರಾಜ್ ಮೊಮ್ಮಕ್ಕಳು ಅಭಿನಯ

ಅಂದ್ಹಾಗೆ, ಈ ಚಿತ್ರದಲ್ಲಿ ಬರಿ ರಾಜ್ ಕುಮಾರ್ ಮಕ್ಕಳು ಮಾತ್ರವಲ್ಲ, ಮೊಮ್ಮಕ್ಕಳು ಅಭಿನಯಿಸುವ ಸಾಧ್ಯತೆ ಇದೆಯಂತೆ. ವಿನಯ್ ರಾಜ್ ಕುಮಾರ್, ಯುವರಾಜ್ ಕುಮಾರ್ ಕೂಡ ಈ ಸಿನಿಮಾದಲ್ಲಿ ನಟಿಸಬೇಕೆಂಬ ಆಸೆಯನ್ನ ರಾಘಣ್ಣ ವ್ಯಕ್ತಪಡಿಸಿದ್ದಾರೆ.

ಈ ವರ್ಷದಲ್ಲಿ ಸೆಟ್ಟೇರಲಿ.!

ರಾಜ್ ಪುತ್ರರನ್ನ ಒಂದೇ ಚಿತ್ರದಲ್ಲಿ ನೋಡುವ ಆಸೆ ಸ್ಯಾಂಡಲ್ ವುಡ್ ಅಭಿಮಾನಿಗಳಿಗಿದೆ. ಈಗಾಗಲೇ ಈ ಸಿನಿಮಾಗೆ ತಯಾರಿ ಕೂಡ ನಡೆಯುತ್ತಿದೆ. ಆದಷ್ಟೂ ಬೇಗ ಈ ಸಿನಿಮಾ ಶುರುವಾಗಲಿ ಎಂಬ ಆಸೆ ಪ್ರತಿಯೊಬ್ಬ ರಾಜ್ ಅಭಿಮಾನಿಯ ಆಸೆಯೂ ಆಗಿದೆ.