ಮತ್ತೊಂದು ಚಿತ್ರಕ್ಕೆ ಹೀರೋ ಆದ 'ಕಾಮಿಡಿ ಕಿಲಾಡಿ' ಶಿವರಾಜ್

'ಪುರ್ ಸೊತ್ತ್ ರಾಮ' ಚಿತ್ರ

'ಪುರ್ ಸೊತ್ತ್ ರಾಮ' ಎಂಬ ವಿಭಿನ್ನ ಶೀರ್ಷಿಕೆ ಸಿನಿಮಾದ ಇತ್ತೀಚಿಗೆ ಲಾಂಚ್ ಆಗಿದೆ. ಈ ಸಿನಿಮಾದಲ್ಲಿ ಮೂರು ನಾಯಕರಿದ್ದು, ಒಂದು ಪಾತ್ರದಲ್ಲಿ ಶಿವರಾಜ್ ಕೆ ಆರ್ ಪೇಟೆ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೊಂದು ಹಾಸ್ಯಮಯ ಸಿನಿಮಾವಾಗಿದ್ದು, ಚಿತ್ರಕ್ಕೆ ಶಿವು ಬೆಸ್ಟ್ ಆಯ್ಕೆ ಎಂದು ಹೇಳಬಹುದು.

ಮೂರು ನಾಯಕರು

ಶಿವರಾಜ್ ಕೆ ಆರ್ ಪೇಟೆ ಜೊತೆಗೆ ರವಿಶಂಕರ್ ಗೌಡ ಹಾಗೂ ರಿತಿಕ್ ಸರು ಸಿನಿಮಾದ ನಾಯಕರಾಗಿದ್ದಾರೆ. ರಿತಿಕ್ ಗೆ ಇದು ಮೊದಲ ಸಿನಿಮಾವಾಗಿದೆ. ಇವರಿಗೆ ರಕ್ಷಾ, ಅನುಷಾ ಪಕಾಲಿ ಹಾಗೂ ಮನಸಾ ಜೋಡಿಯಾಗಿ ಕಾಣಿಸಿಕೊಂಡಿದ್ದಾರೆ.

ದಿನಕರ್ ತೂಗುದೀಪ್ ಶಿಷ್ಯ

ನಿರ್ದೇಶಕ ದಿನಕರ್ ತೂಗುದೀಪ್ ಅವರ ಜೊತೆಗೆ ಕೆಲಸ ಮಾಡಿದ ಅನುಭವ ಹೊಂದಿರುವ ಪ್ರಸನ್ನ ಈಗ ತಾವೇ ಒಂದು ಸಿನಿಮಾ ಮಾಡುತ್ತಿದ್ದಾರೆ. ತಮ್ಮ ಮೊದಲ ಸಿನಿಮಾಗೆ ಕಾಮಿಡಿ ಜಾನರ್ ನಲ್ಲಿ ಮಾಡುವ ನಿರ್ಧಾರ ಮಾಡಿದ್ದು, ಇಂದಿನ ದಿನಕ್ಕೆ ಚಿತ್ರದ ವಿಷಯ ಹತ್ತಿರ ಆಗಲಿದೆಯಂತೆ.

45 ದಿನಗಳ ಚಿತ್ರೀಕರಣ

ಸಿನಿಮಾದ ಶೂಟಿಂಗ್ 45 ದಿನಗಳ ನಡೆಯಲಿದೆಯಂತೆ. ಬೆಂಗಳೂರಿನಲ್ಲಿ ದೃಶ್ಯಗಳ ಹಾಗೂ ಹಾಡಿನ ಚಿತ್ರೀಕರಣ ವಿದೇಶದಲ್ಲಿ ಮಾಡುವ ಪ್ಲಾನ್ ಇದೆಯಂತೆ. ಸಿನಿಮಾದಲ್ಲಿ ನಾಲ್ಕು ಹಾಡುಗಳು ಇದ್ದು, ಪ್ರಭು ಸಾಹಿತ್ಯ ಹಾಗೂ ಸದ್ದು ರಾಯ್ ಸಂಗೀತ ನೀಡುತ್ತಿದ್ದಾರೆ. ಮಾನಸ ಚಿತ್ರಕ್ಕೆ ಬಂಡವಾಳ ಹಾಕುವುದರ ಜೊತೆಗೆ ಒಂದು ಪಾತ್ರದಲ್ಲಿ ನಟಿಸುತ್ತಿದ್ದಾರೆ.