ಸುಕ್ಕಾ ಸೂರಿ ಮೇಲೆ ಶಿವಣ್ಣನ ಅಭಿಮಾನಿಗಳ ಬೇಸರ

ಸೂರಿ ಮೇಲೆ ಅಭಿಮಾನಿಗಳ ಬೇಸರ

ಟಗರು ಸಿನಿಮಾ ನೋಡಿದ ಅಭಿಮಾನಿಗಳು ನಿರ್ದೇಶಕ ಸೂರಿ ಮೇಲೆ ಕೋಪಗೊಂಡಿದ್ದಾರೆ. ಚಿತ್ರದ ಸಂಭಾಷಣೆಯಲ್ಲಿ ತಪ್ಪಾಗಿದೆ ಎನ್ನುವ ಅಭಿಪ್ರಾಯವನ್ನ ಫೇಸ್ ಬುಕ್ ನಲ್ಲಿ ವ್ಯಕ್ತ ಪಡಿಸುತ್ತಿದ್ದಾರೆ.

ಸಂಭಾಷಣೆ ಮ್ಯೂಟ್ ಮಾಡಿಲ್ಲ

ಟಗರು ಸಿನಿಮಾದಲ್ಲಿ ಶಿವಣ್ಣನ ಪಾತ್ರಕ್ಕೆ ಖಳ ನಾಯಕರಾದ ಧನಂಜಯ ಹಾಗೂ ವಸಿಷ್ಠ ಅವ್ಯಾಚ ಪದಗಳಿಂದ ನಿಂದನೆ ಮಾಡುವ ದೃಶ್ಯಗಳಿದೆ. ಈ ದೃಶ್ಯಗಳಲ್ಲಿ ಬಳಸುವ ಪದಗಳಿಗೆ ಬಿಪ್ ಸೌಂಡ್ ಹಾಕಬಹುದಾಗಿತ್ತು ಎನ್ನುವುದು ಅಭಿಮಾನಿಗಳ ಅಭಿಪ್ರಾಯ.

ಫೇಸ್ ಬುಕ್ ನಲ್ಲಿ ಅಭಿಮಾನಿಗಳ ಆಕ್ರೋಶ

ನಿನ್ನೆಯಿಂದ ಸಿನಿಮಾ ನೋಡಿಕೊಂಡು ಬಂದ ಅಭಿಮಾನಿಗಳು ನಿರ್ದೇಶಕ ಸೂರಿ ಹಾಗೂ ಡಾಲಿ ಪಾತ್ರಗಳ ಹೆಸರನ್ನ ಹಾಕಿ ಸಿನಿಮಾದಲ್ಲಿರುವ ಸಂಭಾಷಣೆಯನ್ನೇ ಬಳಸಿ ಸ್ಟೇಟಸ್ ಪೋಸ್ಟ್ ಮಾಡುತ್ತಿದ್ದಾರೆ.

ಸಿನಿಮಾದಲ್ಲಿ ಶಿವಣ್ಣ ಪಾತ್ರವಷ್ಟೇ

ನಿರ್ದೇಶಕ ಹಾಗೂ ಚಿತ್ರತಂಡದ ಮೇಲೆ ಕೋಪಗೊಂಡಿರುವ ಅಭಿಮಾನಿಗಳು ಒಂದು ವಿಚಾರವನ್ನ ತಿಳಿದುಕೊಳ್ಳಬೇಕಾಗಿದೆ. ಟಗರು ಚಿತ್ರವನ್ನ ನಿರ್ಮಾಣ ಮಾಡಿರುವುದು ಶಿವಣ್ಣನ ಅಪ್ಪಟ ಅಭಿಮಾನಿ ಕೆ ಪಿ ಶ್ರೀಕಾಂತ್, ನಿರ್ದೇಶಕ ಸೂರಿ ಕೂಡ ಶಿವಣ್ಣನ ಅಭಿಮಾನಿ. ಇನ್ನೂ ಚಿತ್ರದಲ್ಲಿ ಟಗರು ಶಿವ ಪಾತ್ರ ಮಾತ್ರ ಆದ್ದರಿಂದ ಚಿತ್ರದಲ್ಲೇ ಡೈಲಾಗ್ ಹಾಗೆಯೇ ಇರಲಿ ಎಂದು ಒತ್ತಾಯ ಮಾಡಿರುವುದು ಶಿವರಾಜ್ ಕುಮಾರ್ ಅಂತೆ.