ಶ್ರೀಯಾ ಶರಣ್ ನಟನೆಯ 'ಗಮನಂ' ಟ್ರೈಲರ್ ರಿಲೀಸ್ ಮಾಡಿದ ಶಿವರಾಜ್ ಕುಮಾರ್

ಕನ್ನಡ ಟ್ರೈಲರ್ ರಿಲೀಸ್ ಮಾಡಿರುವ ಶಿವಣ್ಣ

ಗಮನಂ ಸಿನಿಮಾದ ಕನ್ನಡ ಟ್ರೈಲರ್ ಅನ್ನು ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ರಿಲೀಸ್ ಮಾಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಟ್ರೈಲರ್ ಶೇರ್ ಮಾಡಿರುವ ಶಿವಣ್ಣ, 'ಗಮನಂ ಸಿನಿಮಾದ ಕನ್ನಡ ಟ್ರೈಲರ್ ಅನ್ನು ರಿಲೀಸ್ ಮಾಡಿರುವುದು ಸಂತಸ ತಂದಿದೆ. ಚಿತ್ರಕ್ಕೆ ಒಳ್ಳೆಯದಾಗಲಿ' ಎಂದು ಶುಭಹಾರೈಸಿದ್ದಾರೆ.

ತಮಿಳಿನಲ್ಲಿ ಜಯಂ ರವಿ, ತೆಲುಗಿನಲ್ಲಿ ಪವನ್ ಕಲ್ಯಾಣ್

ಉಳಿದಂತೆ ಬೇರೆ ಭಾಷೆಯಲ್ಲಿಯೂ ಸ್ಟಾರ್ ನಟರು ಟ್ರೈಲರ್ ರಿಲೀಸ್ ಮಾಡಿದ್ದಾರೆ. ತೆಲುಗಿನಲ್ಲಿ ಪವನ್ ಕಲ್ಯಾಣ್, ತಮಿಳಿನಲ್ಲಿ ಜಯಂ ರವಿ, ಮಲಯಾಳಂ ನಲ್ಲಿ ಫಹಾದ್ ಫಾಸಿಲ್ ರಿಲೀಸ್ ಮಾಡಿದ್ರೆ, ಹಿಂದಿಯಲ್ಲಿ ಸೋನು ಸೂದ್ ಟ್ರೈಲರ್ ಬಿಡುಗಡೆ ಮಾಡಿ ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ.

ಗಮನ ಸೆಳೆಯುತ್ತಿದೆ ಗಮನಂ ಟ್ರೈಲರ್

ಅಂದಹಾಗೆ 'ಗಮನಂ'ನಲ್ಲಿ ಮೂರು ಕಥೆಗಳನ್ನು ಒಟ್ಟಿಗೆ ಸೇರಿಸಿ ಸಿನಿಮಾ ಮಾಡಲಾಗಿದೆ. ಕ್ರಿಕೆಟ್ ಆಟಗಾರನಾಗಬೇಕು ಎನ್ನುವ ಕನಸು ಕಾಣುವ ಯುವಕನ ಕಥೆ ಒಂದೆಡೆಯಾದರೆ, ಕೊಳಗೇರೆಯಲ್ಲಿ ಬದುಕುವ ಕಿವಿ ಕೇಳದ ತಾಯಿಯ ಕರುಣಾಜನಕ ಕಥೆ ಮತ್ತೊಂದೆಡೆ. ಈ ಎರಡು ಕಥೆಗಳ ಜೊತೆಗೆ ಸಾಗುವ ಇಬ್ಬರು ಅನಾಥ ಮಕ್ಕಳ ಕಥೆ, ಎಲ್ಲವನ್ನು ಗಮನಂ ಸಿನಿಮಾ ಮೂಲಕ ಕಟ್ಟಿಕೊಡಲಾಗಿದೆ.

ಪ್ರಮುಖ ಪಾತ್ರದಲ್ಲಿ ಶ್ರೀಯಾ ಶರಣ್ ಅಭಿನಯ

ಸದ್ಯ ರಿಲೀಸ್ ಆಗಿರುವ ಗಮನಂ ಟ್ರೈಲರ್ ಚಿತ್ರಪ್ರೇಕ್ಷಕರ ಗಮನ ಸೆಳೆಯುತ್ತಿದೆ. ಚಿತ್ರದಲ್ಲಿ ನಟಿ ಶ್ರಿಯಾ ಶರಣ್, ನಿತ್ಯಾ ಮೆನನ್, ಪ್ರಿಯಾಂಕಾ ಜವಾಲ್ಕರ್ ಹಿರಿಯ ನಟ ಚಾರು ಹಾಸನ್ ಸೇರಿದಂತೆ ಅನೇಕರು ನಟಿಸಿದ್ದಾರೆ.

Recommended Video

ಮನೆಯಲ್ಲೇ ಕುಳಿತು ಉಪೇಂದ್ರ, ಪ್ರಿಯಾಂಕಾ ರನ್ನು ನೆನೆಸಿಕೊಂಡ ಪ್ರಿಯಾಮಣಿ | Priyamani | Filmibeat Kannada

ಸುಜನಾ ರಾವ್ ನಿರ್ದೇಶನ

ಗಮನಂ ಚಿತ್ರಕ್ಕೆ ಸುಜನಾ ರಾವ್ ಆಕ್ಷನ್ ಕಟ್ ಹೇಳಿದ್ದಾರೆ. ಫ್ಯಾಷನ್ ಡಿಸೈನಿಂಗ್ ಕಲಿತು, ಎಡಿಟಿಂಗ್ ಕೋರ್ಸ್ ಮಾಡಿರುವ ಸುಜನಾ ರಂಗಭೂಮಿಯಲ್ಲೂ ಕೆಲಸ ಮಾಡಿದ್ದಾರೆ. ಸಾಕಷ್ಟು ಜಾಹೀರಾತುಗಳನ್ನು ನಿರ್ದೇಶನ ಮಾಡಿರುವ ಸುಜನಾ ಗಮನಂ ಸಿನಿಮಾ ಮೂಲಕ ನಿರ್ದೇಶಕಿಯಾಗಿ ಗಮನ ಸೆಳೆಯುತ್ತಿದ್ದಾರೆ. ಅಂದ್ಹಾಗೆ ಚಿತ್ರಕ್ಕೆ ಸಂಗೀತ ಮಾಂತ್ರಿಕ ಇಳಯರಾಜ ಸಂಗೀತ ಸಂಯೋಜನೆ ಮಾಡಿದ್ದಾರೆ.