ಶಿವಣ್ಣ ಮತ್ತು ಹರ್ಷ ಜೋಡಿಯ 4ನೇ ಸಿನಿಮಾಗೆ ಮುಹೂರ್ತ ಫಿಕ್ಸ್; ಟೈಟಲ್ ಇದೇನಾ?

ಸಂಕ್ರಾಂತಿಯಿಂದ ಚಿತ್ರೀಕರಣ ಪ್ರಾರಂಭ

ಭಜರಂಗಿ ಜೋಡಿಯ 4ನೇ ಸಿನಿಮಾ ಮುಂದಿನ ವರ್ಷ 2021 ಜನವರಿಂದ ಪ್ರಾರಂಭವಾಗಲಿದೆ. ಜನರಿಗೆ 14 ಅಥವಾ 15 ಸಂಕ್ರಾಂತಿಯಿಂದ ಸಿನಿಮಾದ ಚಿತ್ರೀಕರಣ ಪ್ರಾರಂಭವಾಗಲಿದೆ ಎಂದು ಹೇಳಲಾಗುತ್ತಿದೆ. ಈಗಾಗಲೇ ಹರ್ಷ ಮತ್ತು ಶಿವಣ್ಣ ಕಾಂಬಿನೇಷನ್ ನ 4ನೇ ಸಿನಿಮಾದ ಮುಹೂರ್ತವನ್ನು ಸರಳವಾಗಿ ಮಾಡಿದ್ದಾರೆ. ಮುಂದಿನ ತಿಂಗಳು ಅಧಿಕೃತವಾಗಿ ಅನೌನ್ಸ್ ಮಾಡಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ಜೈಲು ಖೈದಿ ಉಡುಪಿನಲ್ಲಿ ಶಿವರಾಜ್ ಕುಮಾರ್: ಹೊಸ ಲುಕ್ ವೈರಲ್

ಆಂಜನೇಯನ ಹೆಸರಿನಿಂದ ಹೊರಬಂದ ಹರ್ಷ

ಸಿನಿಮಾ ಚಿತ್ರೀಕರಣದ ನಡುವೆಯೂ ಶಿವಣ್ಣ ಇತ್ತೀಚಿಗೆ ಆಭರಣ ಜಾಹೀರಾತಿನ ಚಿತ್ರೀಕರಣದಲ್ಲೂ ಭಾಗಿಯಾಗಿದ್ದರು. ಹರ್ಷ ಮತ್ತು ಶಿವಣ್ಣ ಕಾಂಬಿನೇಷನ್ 4ನೇ ಸಿನಿಮಾದಲ್ಲಿ ಆಂಜನೇಯನ ಹೆಸರು ಇಲ್ಲ. ವಜ್ರಕಾಯ, ಭಜರಂಗಿ, ಭಜರಂಗಿ-2 ಎಂದು ಆಂಜನೇಯನ ಹಿಂದೆ ಹೊರಟಿದ್ದ ಹರ್ಷ ಈ ಬಾರಿ ಆಂಜನೇಯ ಹೆಸರು ಹೊರತು ಪಡಿಸಿ ಟೈಟಲ್ ಇಟ್ಟಿದ್ದಾರೆ ಎಂದು ಹೇಳಲಾಗುತ್ತಿದೆ.

ಚಿತ್ರದ ಶೀರ್ಷಿಕೆ ಮುತ್ತುರಾಯ?

ಮೂಲಗಳ ಪ್ರಕಾರ ಚಿತ್ರಕ್ಕೆ ಮುತ್ತುರಾಯ ಎನ್ನುವ ಹೆಸರು ಇಡಲಾಗಿದೆ ಎನ್ನಲಾಗುತ್ತಿದೆ. ಆದರೆ ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಬಹಿರಂಗ ವಾಗಿಲ್ಲ. ಮುತ್ತುರಾಯ ಟೈಟಲ್ ಜೊತೆಗೆ ಮತ್ತೊಂದ ಟೈಟಲ್ ಸಹ ಇದೆಯಂತೆ. ಈ ಶೀರ್ಷಿಕೆ ಸೂಕ್ತವೆನಿಸದೆ ಹೋದರೆ ಬೇರೆ ಟೈಟಲ್ ಬಳಸಲು ನಿರ್ಧರಿಸಿದ್ದಾರೆ.

ಬಿರಿಯಾನಿ ವ್ಯಾಪಾರ ಶುರು ಮಾಡಿದ ನಟ ಚಂದನ್; ಸಾಥ್ ನೀಡಿದ ಶಿವಣ್ಣ

ಸಲಾರ್ ನಂತರ ಮತ್ತೊಂದು ಸಿನಿಮಾ ಘೋಷಣೆ ಮಾಡಲಿದೆ ಹೊಂಬಾಳೆ ಫಿಲಂಸ್ | Filmibeat Kannada

125ನೇ ಸಿನಿಮಾ ಭೈರತಿ ರಣಗಲ್

ವಿಶೇಷ ಎಂದರೆ ಇದು ಶಿವಣ್ಣ ಅಭಿನಯದ 124ನೇ ಸಿನಿಮಾ. ಸಂಪೂರ್ಣ ವಿಭಿನ್ನವಾದ ಸಿನಿಮಾ ಇದಾಗಿರಲಿದೆಯಂತೆ. ಈ ಸಿನಿಮಾ ಬಳಿಕ ಶಿವಣ್ಣ 125ನೇ ಸಿನಿಮಾ ಭೈರತಿ ರಣಗಲ್ ಪ್ರಾರಂಭಿಸಲಿದ್ದಾರೆ ಎನ್ನುವ ಮಾಹಿತಿ ಕೇಳಿಬರುತ್ತಿದೆ. ಮಫ್ತಿ ಸಿನಿಮಾದ ಪಾತ್ರದ ಹೆಸರು ಇದಾಗಿದ್ದು, ಇದೇ ಹೆಸರಿನಲ್ಲಿ ಸಿನಿಮಾ ಮಾಡಲು ಮುಂದಾಗಿದ್ದಾರೆ.