ಶುರುವಾಯ್ತು ಶಿವಣ್ಣ ಅಭಿಮಾನಿಗಳಲ್ಲಿ 'ದ್ರೋಣ' ಟ್ರೆಂಡ್

Recommended Video

ನಟ ಶಿವರಾಜ್ ಕುಮಾರ್ ಅವರ 'ದ್ರೋಣ' ಸಿನಿಮಾದ ಫೋಟೋ ಶೂಟ್ ಆಗಿದ್ದು, ಅದರ ಕೆಲವು ಫೋಟೋಗಳು ನಿನ್ನೆ ಬಿಡುಗಡೆಯಾಗಿತ್ತು. ಆದರೆ ಈಗ ಆ ಫೋಟೋಗಳ ಮೂಲಕ ಹೊಸ ಟ್ರೆಂಡ್ ಶುರು ಆಗಿದೆ.

ಶಿವರಾಜ್ ಕುಮಾರ್ ಈ ಚಿತ್ರದ ಒಂದು ಫೋಟೋದಲ್ಲಿ ಪೆನ್ ಅನ್ನು ಬಾಯಿಯಲ್ಲಿ ಇಟ್ಟುಕೊಂಡು ಪೋಸ್ ನೀಡಿದ್ದಾರೆ. ಆದರೆ ಈಗ ಅಭಿಮಾನಿಗಳು ಸಹ ಶಿವಣ್ಣನ ರೀತಿ ಪೆನ್ ಅನ್ನು ಇಟ್ಟುಕೊಂಡು ಫೋಟೋ ತೆಗೆದುಕೊಳ್ಳುತ್ತಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಈ ರೀತಿಯ ಫೋಟೋಗಳ ಟ್ರೆಂಡ್ ಶುರು ಆಗಿದೆ. ಈ ಹಿಂದೆ 'ಕಿಲ್ಲಿಂಗ್ ವೀರಪ್ಪನ್' ಹಾಗೂ 'ಟಗರು' ಚಿತ್ರದ ಲುಕ್ ಗಳು ಕೂಡ ದೊಡ್ಡ ಮಟ್ಟದಲ್ಲಿ ಕ್ರೇಜ್ ಹುಟ್ಟಿಸಿತ್ತು.

ಅಂದಹಾಗೆ, 'ದ್ರೋಣ' ಔಟ್ ಅಂಡ್ ಔಟ್ ಕಮರ್ಷಿಯಲ್ ಚಿತ್ರವಾಗಿದ್ದು, ಪ್ರಮೋದ್ ಚಕ್ರವರ್ತಿ ಕಥೆ, ಚಿತ್ರಕಥೆ ಹಾಗೂ ಸಂಭಾಷಣೆಯನ್ನು ಬರೆದಿದ್ದಾರೆ. ಈ ಹಿಂದೆ ಚಿತ್ರಕ್ಕೆ ಇದ್ದ 'ಹರಿಹರ' ಟೈಟಲ್ ಅನ್ನು 'ದ್ರೋಣ' ಎಂದು ಬದಲಾಯಿಸಲಾಗಿದೆ.

ಶಿವರಾಜ್ ಕುಮಾರ್ ಅವರ 'ದ್ರೋಣ' ಸಿನಿಮಾಗೆ ಮಲೆಯಾಳಂ ನಟಿ ಇನಿಯಾ ಆಯ್ಕೆ ಆಗಿದ್ದಾರೆ. ಮೂಲತಃ ಕೇರಳದವರಾದ ಇನಿಯಾ ಅವರ ಎರಡನೇ ಕನ್ನಡ ಸಿನಿಮಾ ಇದಾಗಿದೆ.