"ಮಫ್ತಿ ಬಗ್ಗೆ ಮೊದಲು ನಂಬಿಕೆ ಇರ್ಲಿಲ್ಲ": ಭೈರತಿ ರಣಗಲ್ ಪ್ರೀಕ್ವೆಲ್, ಸೀಕ್ವೆಲ್ ಬಗ್ಗೆ ಶಿವಣ್ಣ ಹೇಳಿದ್ದಿಷ್ಟು

ನರ್ತನ್ ಅವರನ್ನೇ ಕೇಳಬೇಕು

ಸಂದರ್ಶನವೊಂದರಲ್ಲಿ 'ಮಫ್ತಿ' ಚಿತ್ರದಲ್ಲಿದ್ದ ಡ್ರೆಸ್ಸಿಂಗ್ ಸ್ಟೈಲ್ ಕೊಂಚ 'ವೇದ' ಚಿತ್ರದಲ್ಲೂ ಇದೆ. 'ಕಾಲಾ' ಚಿತ್ರದಲ್ಲಿ ರಜನಿಕಾಂತ್, 'ವೀರಸಿಂಹ ರೆಡ್ಡಿ' ಬಾಲಕೃಷ್ಣ ಕೂಡ ಇದೇ ರೀತಿ ದರ್ಶನ ಕೊಟ್ಟಿದ್ದರು. ಈ ಡ್ರೆಸ್ಟ್ ವಿಚಾರದಲ್ಲಿ ಏನಾದರೂ ಸೆಂಟಿಮೆಂಟ್ ಇದ್ಯಾ ಎನ್ನುವ ಪ್ರಶ್ನೆಗೆ ಶಿವಣ್ಣ "ಅದನ್ನು ಮಫ್ತಿ ಸಿನಿಮಾ ನಿರ್ದೇಶಕ ನರ್ತನ್ ಅವರನ್ನೇ ಕೇಳಬೇಕು" ಎಂದಿದ್ದಾರೆ.

'ಮಫ್ತಿ' ಬಗ್ಗೆ ಗೀತಾಗೆ ಡೌಟ್ ಇತ್ತು

"ಭೈರತಿ ರಣಗಲ್ ಪಾತ್ರ ನೆಗೆಟಿವ್ ಅನ್ನಿಸಿತ್ತು. ಆದರೆ ಆತನ ಹಾರ್ಟ್ ತುಂಬಾ ಪಾಸಿಟಿವ್, ಆ ಪಾತ್ರದಲ್ಲಿ ಸಾಕಷ್ಟು ನೋವು ಇರುತ್ತದೆ. ಅದಕ್ಕೆ ಆ ಡ್ರೆಸ್‌ಕೋಡ್, ಆ ಲುಕ್, ಭೈರತಿ ರಣಗಲ್ ಆ ರೀತಿ ಕಾಣಿಸಿದ್ದ. ನಾನು ಕೂಡ ನಿರೀಕ್ಷಿರಲಿಲ್ಲ. ಕಥೆ ಕೇಳಿದ್ದಾಗ ನಮ್ಮ ಪತ್ನಿ ಕೇಳುತ್ತಿದ್ದಳು, ನೀವು ಇಂಟರ್‌ವಲ್ ಆದ್ಮೇಲೆ ಬರ್ತೀರಾ, ಹೇಗ್ ಮಾಡ್ತೀರಾ ಎನ್ನುತ್ತಿದ್ದರು. ಜನ ಹೇಗೆ ಒಪ್ಪಿಕೊಳ್ಳುತ್ತಾರೆ ಎನ್ನುತ್ತಿದ್ದಳು. ಬಹಳ ಡೌಟ್‌ಫುಲ್ ಆಗಿ ಇದ್ದಳು"

ರವಿ ಬಸ್ರೂರು ಹೇಳಿದಾಗ ನಂಬಲಿಲ್ಲ

ಕೇಳೋಕೆ ಚೆನ್ನಾಗಿದೆ. ನರ್ತನ್ ಹಾಗೂ ಸೂರಿ ಮಾತ್ರ ನಮ್ಮಿಬ್ಬರಿಗೆ ಕಥೆ ಹೇಳಿರೋದು. ವೇದ ಕೂಡ ನಾನು ಮಾತ್ರ ಕೇಳಿದ್ದೆ. ಕಥೆ ಹೇಳಿದ ಮೇಲೆ ನೋಡೊಣ ಎಂದಳು. ಮುರಳಿ ನನ್ನ ಮಾವನ ಮಗ. ಸಿನಿಮಾ ಮುಗಿದ್ಮೇಲೆ ಸಂಗೀತ ನಿರ್ದೇಶನ ರವಿಬಸ್ರೂರು ಫೋನ್ ಮಾಡಿ ಹೇಳಿದರು. ಅಣ್ಣಾ ನಿಮ್ಮ ಪರ್ಫಾರ್ಮೆನ್ಸ್ ಬಗ್ಗೆ ಏನು ಹೇಳುವುದು ಗೊತ್ತಾಗುತ್ತಿಲ್ಲ ಎಂದರು. ನಾನು ಏಯ್ ಜೋಕ್ ಮಾಡ್ಬೇಡ ಅಂದೆ. ಇಲ್ಲ ಅಣ್ಣ ಅದ್ಭುತ ಅಂದರು. ಆಗ ಸ್ವಲ್ಪ ಓಕೆ, ಚೆನ್ನಾಗಿರಬಹುದೇನೋ ಅನ್ನಿಸಿತ್ತು.

ಭೈರತಿ ರಣಗಲ್ ಸೀಕ್ವೆಲ್, ಪ್ರೀಕ್ವೆಲ್

ಸಿನಿಮಾ ರಿಲೀಸ್ ಆದ್ಮೇಲೆ ಆ ಪಾತ್ರವನ್ನು ತೆಗೆದುಕೊಂಡ ರೀತಿ ಅದ್ಭುತವಾಗಿತ್ತು. ಆ ಪಾತ್ರದಲ್ಲಿ ಸಾಕಷ್ಟು ಎಮೋಷನ್ ಇತ್ತು. ಪ್ರೇಕ್ಷಕರು ಒಪ್ಪಿಕೊಂಡರು. ನಾವು ಆ ಸಿನಿಮಾ ಸೀಕ್ವೆಲ್ ಕೂಡ ಮಾಡುತ್ತಿದ್ದೇವೆ. ಸೀಕ್ವೆಲ್ ಜೊತೆ ಪ್ರೀಕ್ವೆಲ್ ಕೂಡ ಮಾಡುತ್ತೇವೆ. ಹೆಸರು ಭೈರತಿ ರಣಗಲ್. ಅದೇ ಟೈಟಲ್‌ನಲ್ಲಿ ಸಿನಿಮಾ ಬರುತ್ತದೆ" ಎಂದು ಶಿವರಾಜ್‌ಕುಮಾರ್ ವಿವರಿಸಿದ್ದಾರೆ.