'ರಾಜಕುಮಾರ ಪಂಚಪದಿ ಬಿಡುಗಡೆ': ಅಣ್ಣಾವ್ರ ಮಕ್ಕಳ ಜೊತೆ ಸ್ಟಾರ್ ನಟರು ಸಾಥ್

ಪುಸ್ತಕ ಬಿಡುಗಡೆ ಮಾಡಿದ ಶಿವಣ್ಣ

'ರಾಜಕುಮಾರ ಪಂಚಪದಿ' ಕೃತಿಯನ್ನು ನಟ ಶಿವರಾಜ್ ಕುಮಾರ್ ಲೋಕಾರ್ಪಣೆ ಮಾಡಿದ್ದಾರೆ. ಲೇಖಕ ಮಂಜುನಾಥ್ ಹಾಲುವಾಗಿಲು ಅವರಿಗೆ ಧನ್ಯವಾದ ತಿಳಿಸಿದ್ದಾರೆ.

ಶುಭಕೋರಿದ ಪುನೀತ್

"ರಾಜಕುಮಾರ ಪಂಚಪದಿ" ಪುಸ್ತಕವನ್ನು ಇಂದು ಬಿಡುಗಡೆ ಮಾಡಲಾಗಿದೆ. ಲೇಖಕರಾದ ಮಂಜುನಾಥ್ ಹಾಲುವಾಗಿಲು ಹಾಗೂ ಪ್ರಕಾಶಕರಾದ ಸ್ನೇಹ ಬುಕ್ ಹೌಸ್ ರವರಿಗೆ ಅಭಿನಂದನೆಗಳು'' ಎಂದು ಟ್ವಿಟ್ಟರ್‌ನಲ್ಲಿ ವಿಶ್ ಮಾಡಿದ್ದಾರೆ.

ಅಭಿನಂದನೆ ತಿಳಿಸಿದ ಧ್ರುವ ಸರ್ಜಾ

''ಡಾ|| ರಾಜ್ ಕುಮಾರ್ ರವರ ಚಿತ್ರ ಜೀವನಕ್ಕೆ ಸಂಬಂಧಿಸಿದಂತೆ, ಅವರು ನಟಿಸಿರುವ ಮೊದಲನೇ ಚಿತ್ರ "ಬೇಡರ ಕಣ್ಣಪ್ಪ"ದಿಂದ ಹಿಡಿದು ಕೊನೆಯ ಚಿತ್ರ "ಶಬ್ದವೇದಿ"ಯವರೆಗಿನ 209 ಚಲನಚಿತ್ರಗಳಿಗೆ ಸಂಬಂಧಿಸಿದಂತೆ, 209 ಪಂಚಪದಿಗಳನ್ನು ರಚಿಸಿರುವ "ರಾಜಕುಮಾರ ಪಂಚಪದಿ" ಕೃತಿಯು ಲೋಕಾರ್ಪಣೆಯಾಗುತ್ತಿದೆ. ಜೈ ಆಂಜನೇಯ'' ಎಂದು ನಟ ಧ್ರುವ ಸರ್ಜಾ ಶುಭಕೋರಿದ್ದಾರೆ.

ಜಗ್ಗೇಶ್ ಸಂತಸ

'ರಾಜಕುಮಾರ ಪಂಚಪದಿ' ಕೃತಿ ಲೋಕಾರ್ಪಣೆ ಮಾಡಿದ್ದಕ್ಕೆ ಹಿರಿಯ ನಟ ಜಗ್ಗೇಶ್ ಸಂತಸ ವ್ಯಕ್ತಪಡಿಸಿದ್ದಾರೆ. ಟ್ವಿಟ್ಟರ್‌ನಲ್ಲಿ ಈ ಬಗ್ಗೆ ಫೋಟೋ ಹಂಚಿಕೊಂಡಿರುವ ಜಗ್ಗೇಶ್ ''ನಾನು ಭಾಗವಹಿಸಿದ ಕ್ಷಣ... ಧನ್ಯೋಸ್ಮಿ'' ಎಂದಿದ್ದಾರೆ.

ಯುವರಾಜ್ ಕುಮಾರ್ ಸಂತಸ

'ರಾಜಕುಮಾರ ಪಂಚಪದಿ' ಪುಸ್ತಕ ಬಿಡುಗಡೆಯಾದ ಬಳಿಕ ಅಣ್ಣಾವ್ರ ಮೊಮ್ಮಗ ಯುವರಾಜ್ ಕುಮಾರ್ ಪುಸ್ತಕವನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

Recommended Video

6 ತಿಂಗಳು ಲಾಕ್ ಡೌನ್ ನಲ್ಲಿ ಶಿವಣ್ಣ ಏನ್ ಮಾಡಿದ್ರು ಗೊತ್ತಾ? | Shivanna | Filmibeat Kannada

ರಾಘಣ್ಣ ಸಂತಸ

ಶಿವರಾಜ್ ಕುಮಾರ್, ಪುನೀತ್ ರಾಜ್ ಕುಮಾರ್ ಜೊತೆಗೆ ರಾಘವೇಂದ್ರ ರಾಜ್ ಕುಮಾರ್ ಸಹ ಪುಸ್ತುಕ ಬಿಡುಗಡೆಗೆ ಕೈ ಜೋಡಿಸಿದ್ದಾರೆ. ‘ರಾಜಕುಮಾರ ಪಂಚಪದಿ' #NewBook release. ಅಭಿಮಾನಿ ದೇವರುಗಳಿಗೆ ಶುಭವಾಗಲಿ ನಿಮ್ಮ ಅಭಿಮಾನಕ್ಕೆ ನಾವು ಚಿರಋಣಿ'' ಎಂದು ಟ್ವೀಟ್ ಮಾಡಿದ್ದಾರೆ.